AWZFA Football Tournament vawiin ni 18 September 2012 (Thawhlehni) a inkhel hmasaberah Chawnpui FC chuan LuangmualSC chu 5-1 ngawtin an sawp a. Inkhel pahnihnaah RFC, Chawnpui in Hunthar FC 3-1 in an hneh a. Inkhel tawp berah Central Jail Veng FC chuan Zonuam FC chu 3-1 in a hneh ve bawk.

Vaivakawn FC an vannei!
Vawiin inkhelh tan hma hian Pool E atanga lut tur a la chiang lova, Vaivakawn FC leh Chawnpui FC te hi an draw tawh avangin Luangmual SC sawp zawk zawk chu lut tur an ni. Vaivakawn FC lamin kar hmasa lam khan Luangmual SC hi 5-1 ngawtin an lo sawp tawh a, mahse pool khat atanga pakhat chauh lut anih avangin an dinhmun hi a la him bik lo. Vawiin inkhelah Luangmual chuan Chawnpui lamah thun hmasa mahse Vaivawkawn ang thovin Chawnpui in Luangmual hi 5-1 in an sawp tak avangin thum vawr a ngai ta a. Thumvawrah Vaivakawn FC hi an vannei ta zawk a ni.

Pool F-ah erawh Tuikual South an tlang chiang tawh avangin Hunthar FC leh RFC, Chawnpui inkhel hian awmzia a nei tawh lo. Poo G-ah erawh Central Jail Veng in chak an mamawh a, an mamawh ang ngeiin Zonuam FC chu 3-1 a hnehin Tuikual South tum turin Quarterfinal an lut ta a ni.

Vawiin ni 18.9.12 inkhel Result:
11:30 (Pool E) Luangmual SC 1-5 Chawnpui FC
(Malsawmltuanga 7′)(H. Lalzawmliana 9′, 36′(Pen), 48 (Pen), K. Malsawmtluanga 18′; Samuel MS Dawngzuala 34′)
1:00 (Pool F) Hunthar FC 1-3 RFC, Chawnpui
(Lalrempuia 35′) (Zosangliana 19′, Lalramnghaka 21′, H. Vanlalmawia 65′)
2:30 (Pool G)Zonuam FC 1-3 Central Jail Veng FC
(Lalhruaitluanga 47′) (Lalbiaknunga 8′; Nicky Lalrimawia 26′; Lalramnuna 34′)

QUARTERFINAL Fixtures
20.9.12 (Ningani)
12:00 22 Alastburn FC, Dinthar Vs Aizawl FC Youth Team
2:00 23 Friends United FC Vs GSA, Lengpui
22.9.12  (Inrinni)
12:00 24 Bungkawn FC Vs Vaivakawn FC
2:00 25 Tuikual ‘S’ SC Vs Winner of Group G