Arsenal defender Bacary Sagna chu hlawhtling taka zai a ni tih Arsenal club chuan a puang. French full back Sagna hi Tottenham Hotspurs nen an intum ṭumin Spurs defender Ekotto nen an insu a, field aṭanga zâwnchhuah a ngai hial a nih kha. Inkhelh zawhah a keruh a tliak (broken leg) tih Arsenal chuan an puang zui bawk.

Sagna hian Thawhlehniah surgery hi a paltlang a, a hlawhtling a ni tih a tweet nghal a ni. Arsenal fans leh amah duhsaktute chungah lawmthu a sawi bawk.

Arsenal pawhin thuchhuah an nei ve nghal a, beisei ang taka zai hlawhtlin a nih thu leh harsatna a awmbelh loh thu an sawi a ni. Sagna hi thla 3 chhung vel a chawlh a ngai dawn a, beisei ang chuan Christmas velah a inkhel leh thei dawn chauh a ni. Tunhnaiah Arsenal player te an vanduai a, inhliam na tham deuh an nei nual mai. Sagna pawh beisei angin a damchho turah beisei ila, kumthar lamah chuan dinglam sira a tlan fua fua lai hmuh kan beisei.