BAGAN – IN PLAYER THA CHAN BELH

Estimated read time 1 min read
I-League champion ngei tuma bazar mek Mohun Bagan in ISL club lakah an player tha thenkhat an chan.

Season liam ta I-League a right back tha ber zinga mi, hmanni lawka Aizawla rawn inkhel Pritam Kotal (23) chuan Atletico de Kolkata in chelh zui lo mahse Mariners tana khelh aiin ISL a khelh a thlang zawk a, hei hi Bagan tan chuan channa nasa tak a ni ngei ang.

Kotal bakah hian kum 25 a upa midfielder Souvik Chakraborty chuan ISL a awn zawk. Delhi Dynamos midfielder hlui hi Kolkata a piang leh seilian niin Mohun Bagan pumchhuak a ni a, 2014-15 I-League champion team-a an player pawimawh a ni.

Anni pahnih bakah hian India international midfielder Pronay Halder (24) pawhin ISL lama a theihna hman a thlang zawk a, tunhnaiah inhliam vangin inlan tam lo mahse Halder-a chhuak tur pawh hi Bagan tan chuan a hmun ruak hnawhkhah a huphurhawm viau tura ngaih a ni.

C Tlanthianghlima

Football tui ve tak

You May Also Like

More From Author

2Comments

Add yours

+ Leave a Comment