Manchester City striker Mario Balotelli hi khelmual chhung ah emaw, khelmual pawnah emaw pawh nise sawi hat tur chanchin siam hi a thiam riau mai a, kan sawi bang hleithei dawn lo a nih hi. Tunah pawh Inter boss thar Milan Andrea Stramaccioni in press conference hmasa ber a neih laiin a rawn lut thut a, media lam leh Stramaccioni ngei pawh an hrilhhai hle a ni.

Balotelli hian a ferrari car khalh chungin a club hlui training ground a tlawh a. Hetih lai hian manager thar atana Andrea Stramaccioni an lakluh lai tak a nih avangin an press conference neihna ah a zuk luhchilh a, Andrea hi duhsakna a hlan a ni.

Mario leh Andrea te hi an inhre tha hle a, Inter Milan academy a Mario a awm laiin an lo in hrawn tawh a ni. Andrea chuan, “A rawn kal tur thu kan hre lawk si lova, khatia a lo lut thut khan min ti hrilhhai hle a ni.” a ti.

Sawi tawh angin Balotelli hian chanchin neuh neuh a ngah em em mai a, chung zinga thenkhatte chu :

March 2010: Inter Milan a a khelh laiin
AC Milan jersey a hak avangin Inter fans an thinrim hle.

December 2010 : Training ground-a Jerome Boateng nen ball an inchuh laiin a thinrim thut a, security koh a ngai hial.

March 2011: Manchester City youth team player pakhat dart in a vawm.

July 2011: Goal ruaka a khen luh loh avangin first half ah thlak a ni.

October 2011: Ama inah halmawi a hal vak a, hliam na lutuk lovin kangthelhtu pawlin an chhan hman hram.

March 2012: Club curfew laia a chhuah vangin a kar khat hlawh chawi tir a ni.