Gdansk National Stadium Warsaw : EURO 12 Semi Final hnuhnung zawkah Italy in 2-1 in Germany an hneh a, Mario Balotelli goal ropui 2 hmang in Italy chuan Euro 12 Final ah an in pet kai ta a ni.

Mipui 58,500 hma a inkhelhah Germany in an formation ngai 4-2-3-1 an rawng hmang leh a, Game hmasa lam a an dahthat an striker Mario Gomez chuan a rawn start ve thung a, a hnungah Podolski leh Ozil an inrem a, Schweinsteiger leh Khedira te a laiah an in rem bawk. Italy erawh England nen an inkhelh tum a an formation ang lo deuh in 4-1-3-2 an rawn thawh chhuahpui a, tlarhnung hnawhphui an tum a, midfiel ah rorel an tum hle bawk tih a lang chiang hle.

1st half ah team lian inhlau lo inbeihna!! :

Game dang ang bawk in Germany in Italy an hlau lo nghal a, tan phat atangin pet goal tumin an nawr na nghal hle. Tan atang a min 10 pawh ral loah Italy defence talbuai karah Pirlo chuan goal line atang in a lo dang chhuak a, he goal hi lut ta se inkhel a va ti danglam chiang dawn em!! Italy lam an insiam tha thuai a, an in nawr rei tir biklo. Ball thiam ve ve an ni bawk a, a ball chang zawk zawk an hlauhawm thei hle. Min 20′ naah Cassona in left wingah ball khalhlut in a cross tha zel mai chu Manchester City striker Mario Balotelli chuan German defender karah inrawlh lut in chiang zet in a head goal a, German keeper Neuer tan chet hman a nilo. Germany lam insiam that tum in an nawr let a, amaherawh chu Itlay defense line inrem tha tak mai chu an striker ten an nawr tlang zo meuh lo. 20 yards vel atang in Lahm, Ozil leh Khedira ten shot thin mahse Buffon tan hlauhawm khawp a ni thei tlat lo!! Min 36 naah Montolivo chuan fing tak mai in Balotelli tan long ball a vawrh lut a, German captain Lahm in a khawih phak loh chu Balotelli tan ball lak nuam tawk chiah a ni a, chak tak in tlan luh pui in chiang zet in a pet goal a 2-0 in beisei lo zawk Italy in hma an hruai ta a, goal dang luh belh lo in 1st half a tawp zui ta a ni.



2nd half Open play game a hmuhnawm tak chu!! :

2nd half an tan a Joachim Loew chuan a stiker pair dang a luh tir a, Gomez chu Klose in a thlak a, Podolski chu Reus in a thlak bawk. Germany lam in ball an chang tam zawk a, Italy in counter attack hman tum in mumal tak in an inrem thung. German  in 21 yards atanga free kick an hmuh chu Reus chuan a pet a Buffon chuan ropui tak in a save hlauh. An in nawr tawn zak zak a Cesare Prandelli chuan game thlak danglam tur in min 58′ ah Cassono aiah Diamanti a luh tir a, England nen an inkhelh tum a che tha tak Diamanti a rawn langsar leh hle. Min 63 ah game thlak danglam tur in Montolivo aiah experience nei tha Motta a rawn lut bawk. Germany lam in nawr viau mahse goal hlauhawm an nei thei meuh lo, Italy ho game a fuh telh telh thung. Min 69′ ah Ballotelli chu inhliam vangin Di Natale chuan a rawn thlak a, Germany lam pawh pet goal ngei tum in an bei tawh bawk a, an defender Boateng aiah Mueller a rawn lut bawk. Min 90 ah Italy defender Balzaretti chu box chhungah a hand ball a, Germany playmaker Ozil chuan mawi tak in a pet goal a, 2-1 a ni ta. Injury time min 4 pek belh chuan German lamin theih tawp a hman tangkai tum in an bei a, an keeper Neuer pawn thihchilh attack a rawn hmang bawk!! Italy in goal an chhuah tawh lo a, 2-1 in an chak a, final ah Group stage a an lo draw tawh Spain nen an innuai tha leh dawn ta a ni.

Enge an sawi :

German coach Joechin Loew chuan ” A tirah kan game a tha lo a, goal ho tak in kan chhuah a, chutiang in goal hnihna pawh, chuvangin ka tuar ta a ni. 2nd half ah erawh theih tawp kan chhuah a pet goal ngei tur in kan theihna zawng zawng kan chhuah a ni.” A team selection chungchangah pawh ” Inkhel kha thlir let leh ila ka team kha thlak danglam a ngai tih a hriatreng a, Mario Gomez in goal 3 a thun tawh a, training naah a khel tha bawk a, Toni Kroos hi Italy midfielder hma an che thei tur in ka ring bawk a, mahse  game khelh hnu kha chuan ka team te thlak danglam a tul a, engkim kha rick lak a ngai ta a ni” ti in Greece an tum tum a chetha Klose leh Rues te a thlan loh zawk dan a sawi fiah bawk.

Italy coach Cesare Prandelli chuan “Hemi game atan hian kan inzir nasa a, wing-ah a that avangin ball kha midfield a tam tur in kan bei char char a, Cassono kha one-to-one marking tur in kan risk a, Balotelli khan space a nghah phah ta a ni. Ballotelli khan a khel tha em em a, a taima in a tlan peih a, khawi hmunah pawh a lo awm thei zel a, a tihtur a ka hrilh ang thlap in a ti” ti in a striker chu a fak hle. A sawi zel na ah a team te an zavai in a fak a, “An thawhrim rah an seng a ni” a ti bawk.  An hmalam hun thlir in “chak lawm na hun kan neilo a, Final atan kan inpuahchah nghal ang, Spain hi team tha tak an ni a, theihtawp kan chhuah ang a , open play game kan beisei leh ang” ti in a zam lo hle.