Barca pan tur Roca

Estimated read time 1 min read

Albert Roca chuan ISL club Hyderabad FC chhuahsanin a lo thawh tawhna Barcelona a pan dawn.

“Ronald Koeman thawhpui turin Albert Roca chu fitness coach thar atan lak a ni. Frank Rijkaard – a hunlaia Barca tan a lo thawk tawh Roca chhuahtir an phal avangin Hyderabad FC hnenah lawmthu kan sawi a, ISL an khelh turah pawh duhsakna kan hlan e,” tiin Barcelona chuan thuchhuah an siam.

Tarlan tawh angin kum 57 – a upa hi kum 2003 atanga 2008 chhung khan Frank Rijkaard – a assistant a lo ni tawh a, La Liga (2), Spanish Super Cup (2) leh UEFA Champions League nomawi te an chawi. Nou Camp atanga Rijkaard – a chhuah hnuah Galatasaray leh Saudi Arabia tan an thawk dun leh bawk.

Kum 2016 – ah Bengaluru FC zawmin Indian club zinga AFC Cup final lut hmasa ber a nihpui a, Federation Cup nomawi an lak bakah ISL final luhpui bawkin a hming a chher hle.

Kumin January thla mai khan ISL club thar Hyderabad FC hi a zawm a, kum hnih daih contract ziak mahse Koeman – a sawmna a hnar phal ta lo a ni.

C Tlanthianghlima

Football tui ve tak

You May Also Like

More From Author