Nizan ah Barcelona chuan Granada 5-3 in an sawp a. Messi chuan hattrick a siam a Barcelona official match a top scorer record Cesar Rodriguez 232 chu khum in Barcelona tan goal 234 a khung ta a, Kum 24 mi Messi hi kum 3 a zawn in FIFA player of the year/Baloon d’Or a nimek a, tun season ah La Liga leh Champions League ah top scorer a ni mek an FIFA player of the year a zawn in kum 4 a ni lovang tih a sawitheih ta loh!! June 24 ah kum 25 tlin tur hian a vanglai a hmang chho mek a, inhliamna liantham a nei te a nih ngot loh chuan football khawvel ah kum 10 vel la nei thei tur a ngaih a ni a, goal a khung reng mai chuan he record hi chu a kalsan thui viau a rinawm.

Nizan inkhel ah hian min 4′ ah Xavi chuang goal a khung a, min 17′ ah Messi chuan mawi tak in a volley a he goal hian record a nihrual chiah a ni. 1st half ah goal dang a awmlo a. 2nd half an tan a D Mainz chuan min 55′ ah Granada tan a rawn khung ve a.G. Siqueira chuan penalty atang in goal a khung a 2-2 in an inhneh tawk. Barca lam in an mizia an chhuah a,min67 ah Messi chuan keeper lob khung in mawi tak in a score a, min 82 ah CH Tello chuan Barca tan a khung ve leh a,min 86 ah Messi chuan a hattrick na goal chu keeper bum tlang in mawi tak in a score bawk . Min 90 ah G. Siqueira chuan penalty atang in a pet goal leh bawk.

Barca hian Real aiin match khat in an khel tam ta a , point 5 chiah in an inthlau ta rih a, El Classico te a la awm dawn bawk a, Pep Guardiola inngaitlawm in champ inring tawh lo mahse a player te hian theihna chu an nei tih a hriat hle.

Messi in Barca tan goal a lo score tawh dan :

• 2007-08: 16 goals
• 2008-09: 38
• 2009-10: 47
• 2010-11: 53
• 2011-12: 54 to date

Barcelona Messiah chu Messi ngei hi a ni!
Barca tan hian player ropui tak tak Diego Maradona, Luiz Ronaldo, Ronaldinho leh player dang ropui tak tak lo khel tawh mahse Cesar Rodriguez in goal 232 Barcelona tana lo thun tawh chu an khum thei lova, mahse kum 24 chauh a upa, 5 t 6 1⁄2 in chauh a sang Messi chuan kum 60 chuang record lo ding tawh chu a khum ta a ni.

Kum 1950 a Cesar a record siam hi a tirah chuan 235 goals anga ngaih a ni a, mahse Barcelona’s Center of Documentation and Studies and La Vanguardia newspaper tangkawpin research an beih hnuah goal 232 a ni tih hmuhchhuah a ni a, chu chu a hmasa ai khan goal thum in a tlem tihna a ni.

Barcelona coach vawi 16 champion theihna a vawi 13 champion pui theitu Pep Guardiola thusawi hmang hian Messi ropui zia chu duhtawk mai teh ang.

Inkhel zawh veleh Guardiola chu Press conference-ah kum 24 chauh a upa Messi hi Basketball mi ropui Michael Jordan nen hian teh khin theih a ni em tih an zawt a. Guardiola chuan,”Amah anga mahni game awp hneh thei hi an tlem a, chuvang chuan a tehkhin theih ngei ang” a ti.

Guardiola hian a player duhlai hi tha a tive khawp mai. “Messi hi a tha ber a, ni thum danah a ti lang thin” a ti phawt a. A ropui zia sawi chhunzawm zelin,”Player dang tan chuan a pawi ka ti khawp mai, he naupang hi mi danglam a ni. Amah elpui tum an awm chuan pawi ka tih pui khawp ang le, amah elpui hi a theih loh , he naupang hi a tha ber a ni” a ti.