Tun season kal ta intan hma khan Arsenal skipper Cesc Fabregas chuan a ball pet tanna FC Barcelona ah let leh a duh thu a sawi lang a.Arsene Wenger chuan hei hi hriatthiampui mahse Cesc tel lova season hman a ngamloh thu te a hrilh ani ang.Cesc pawhin a pa ang maia a en Wenger thu chu a zawm leh a.Trophy chawi inbeisei takin season a hmang liam a.Inelna 4 laia lawmman lak theih te chu a thamral ta mai si a.Arsenal captain,Arsenal chhuahsan hrehlo hian FC Barcelona lamah haw a duh tih a tilang leh ta!

Cesc Fabregas hian Carles Puyol leh Gerard Pique te nena chawlh an hman hnu chuan London lama let leh mai a hmanhmohlo hle nia sawi a awm.Hei hi thudik niin a lang ta telh telh.FC Barcelona hotute lam in Arsenal an dawrna hmasaber chu rang takin Arsenal hotute chuan an lo hnar nghal a.Amaherawhchu,Barcelona lam hian dawr leh ngei an tum ani.Cesc Fabregas hian Catalan anih angin an ram ngei ah a hlawh tihtlem pawh inhuamin letleh a hrehlo nia sawi ani.

FC Barcelona lama jersey #4 awl hi Cesc Fabregas hian a ha ngei tawh angem?Arsenal chhuahsan ta se kan dem angem?Arsenal a hmangaihloh vang kan ti ang nge Barcelona a hmangaih lutuk vang zawk?