BARCELONA IN SPORTING GIJON SAWPIN HMA AN HRUAI – Lawmkima Hmar

Barelona 6-1 Sporting Gijon FT
Bar : Messi 9′, L Suárez 11’, 27′, Alcácer 49′, Neymar 65′, Rakitic 87′
Spo: Castro 21′
.
Neymar chuan Barcelona in Sporting Gijon an sawp tumah goal nalh bik thun La Liga-ah hma an hruai ta.
.
An coach Luis Enrique-a’n tun nipui laia Catalan club a chhuahsan tur thu a sawi zanah Javier Mascherano ball pek dawngtu Lionel Messi goal hmahruai thunin a tauh goal a, mikhual team player Juan Rodriguez chuan Luis Suarez-a pet chu an lamah dang goal in Barcelona in inkhel an thunun zui.
.
He goal luh dawn hian Suarez chuan penalty area-ah ball la lutin goalkeeper a bum zet hnuah a cross-a, hei hi Rodriguez chuan an lamah a khak lut palh a, own goal ni mahse Suarez-a thun anga tarlan a ni!
.
Darkar chanve pawh a liam hmain Carlos Castro chuan an si phurh sut thenin 2-1 a rawn ni a, mahse, Luis Suarez a rawn inlar leh a goal a rawn thun chhunzawm, second half-ah Paco Alcacer chuan Messi ball pek atangin goal a thun belh a, Neymar chuan free-kick ropui hmanga an chak chianna nemnghetin Ivan Rakitic chuan a tawp a rawn khar a, hei hi tunhnai an intawn hnuhnung 3-a Barca in Gijon lama goal 17 zet an thunna a ni nghe nghe.
.
Nizan inkhelah hian nidang ang lo takin Nou Camp-ah thutna awl a tam hle a, Champions League-a 4-0 zeta Paris St-Germain an hneh loh avang khan anmahni tantuten Barca khel a hmuna en an phur lo.