A vanglaia FIFA World Cup a vawithum champion thei, 2014 FIFA World Cup ambassador Pele chuan Barcelona football club a fak a. Xavi, Inieta leh Messi te ho khelh dan chu football khelh dan dik a ni ti a sawiin, ‘passing game’ chu football hmabak a ni a ti. Kum 71 a upa Pele hi FIFA.com in an kawmna-ah zawhna an zawt nual a. FIFA Club World Cup final-a Barcelona in a club hlui Santos an sawp chu mak a ti em tih zawhna chu mak a tih loh thu a chhangin, Barcelona chungchang hi a sawichho ta a ni.
Khelhho ngun a pawimawh
Pele chuan, “He Barca team inkhel hi tunhnaiah ka en ngun hle a, ka vanglaia Santos nen inanna tamtak an nei a ni. Anni bakah hian Benfica te, Ajax te, AC Milan leh Real Madrid te pawh an vanglai chuan a ber an ni vek a, an hunlaiah ṭheuh khan midang tân ‘tehna’ an tling vek a ni. Ka sawi tawh angin, heng team ropui tak takte hlawhtlinna bulpui chu zawimuanga din an ni hi a ni. Barcelona hi Spain team laimu a ni a, khatiang chiah khan Ajax leh Netherlands te, Santos leh Brazil te pawhin inzawmna an lo nei tawh ṭhin a ni.
“Hetiang football ‘style’ hi football fans ten an hmu duh a, hun lo awm zel turah pawh football khelh dan lar ber a nih zel ka beisei. Football skills hian tharum a hneh theih hi ka beisei tlat a ni. Mipui hian player tlan vak vak ni lovin, ball chekual vel hi kan hmu duh zawk a. Chutianga khel tur chuan team inman tak, thawhhona ṭha tak nei nih a ngai. Hei hi vawiina Barcelona khelh dan a ni a, ka hunlaia Santos khelh dan a ni bawk.” tiin a sawi.
I was born to play football
Chanchinbumite hmaa Pele a ṭawng a, amah infakna a tel loh chuan a kim hleithei tawh meuh lo a ni ber. Pele chuan, “Ka naupanlaiin ka pa in, ‘Football khel tura piang i ni a, thilpêk i nei a ni. Mahse i thawhrim loh a, i practice ṭhat loh chuan midang ang tho i ni ang.’ a ti ṭhin a, a sawi dik takmeuh mai. Mahse Beethoven kha music ziak tur hrim hrima piang a ni a, Michelangelo pawh lemziak tura piang a ni. Chutiang chiah chuan keipawh hi football khel tur bika piang ka ni e.” tiin an inkawmna a titawp a ni.
source: fifa.com
cialis 5 mg
cialis professional
Discount viagra online
viagra price in canada
@Koptea (Upuia)
Nia, Liverpool te chuan an pe pawp pawp a, football chu a ni tho bawk si 🙂
A ni thei khawp ang…mahse football hi style khat chauha khelh chiah ka lo ngai ve miah lo…:)
Barca tluk reng khawvelah hian an awm lo tih hi sawi sel chi a ni lo. chelsea che buai hi an khel en a phur awm lo chiang ve tawk a ni.
Barca khelh dan hi chu ka en peih chi a ni lo. Refree in an tan thei ropui si, ka ngei tlat.
Pele te ang tan chuan in fak chawp angai twh lo asin messi te hi a er deuh in k hria.chuan barcelona hi chu an vanglai a ni miau a,pele sawi ang khan an vang lai teuh2 ah te chuan club dang te hi an tha vek
Good Post..
Mizote chuan kan chhungte aiin kan thenawm ten minhrechiangzawk kanti thina,ani chu amah ainhrechiang zawk dai.Mahni infak chiam2 chu azaklo ve khawp mai.Ka ngaihdana chun tunhma lam kha chun defensive game aiin attacking game kha an khel tam zok in kahria,chuvangin goalpoh an thun hnem thei reng ani kha,tunlai game style(abik takin Italy)angah hi chuan goal thun pup2 chu atheih karing vak biklo ani.Kan naupanlai pon defence peilo kan intibuai fo thin,forward a han awm kha thiam bik tlata in hriatna kan nei tlat thin.
A thiam tih chu kan hai lo, a in fak deuh mah mah ka ti ve tlat. A ni ai chuan messi pawh thiam ka ti fe zawk.
a soi tha viau na a…thil dangah hian a tawng hnem mah mah thin ka ti ve deuh det…
Tun tum cu swi dik ve hle mai.