Swansea midfielder Gylfi Sigurdsson chu March thla chhûnga Premier League player che ṭha berah thlan a ni a, Barclays Player of the Month award hlan a ni.

Kum 22 a upa Sigurdsson hi Hoffenheim player niin, tunah hian Swansea-ah loan in a khel mek a, March thla chhung hian Swansea chu vawi li inkhelhah vawithum chakpuiin, Wigan Athletic leh Fulham lakah goal 2 ve ve a thun bawk a ni. Swansea player ṭha ber tia sawi a hlawh fo tawh a, March thla ah chuan Premier League player che ṭha ber a ni ta.

Sigurdsson hi Swansea player zinga Barclays Player of the Month award dawng thei hmasa ber a ni nghe nghe.

Manager of the Month: Owen Coyle

Bolton Wanderers manager Owen Coyle chu thla khat chhûnga Premier League manager che ṭha ber hnena hlan ṭhin, Barclays Manager of the Month nihna hlan a ni. Coyle hian November 2010 khan he lawmman hi a lo la tawh bawk.

Owen Coyle hian March thla chhungin a naute hi Premier League match 4 ah match 3 a chakpui a, relegation zone hlat hret hret zelin, tunah hian 18 na Blackburn Rovers nen point 11 laiin an inthlau tawh a ni.

Manager of the Month chuan, “He club a mi zawng zawng aiawha he lawmman ka dawng thei hi ka lawm em em a, ‘Manager of the Month’ tih ni mahse a nihna takah chuan kan zavai thawhrah liau liau a ni. Kan game hnuhnung pathum chak tura kan thawhrimna rah a ni e. Kawng dik lam zawhin kan kal mek a, inkhel lo awm zel turah pawh he kawng hi kan zawh chhunzawm zel a ngai a ni.” a ti.

source: premierleague.com