Premier league chu a kal leh ta mup mup mai, kartawp inkhel en thin tan a man hla hle. Manchester City in hma an hruai fal a, eng din hmun nge an thlen theih kan thlir zel ang, player an neitha, mahse champ turin hmabak a la ko hle. Vawikhat chetsual avanga game chhe tak khel chhunzawm thei a ni bawk.  Chutih lai chuan Tottenham hian game an la khelh tlem deuh avangin city hnaih theih na chance an neitha hle. An khelhdan leh an result in a zira an phur tlang hle niin a lang. Manchester United game a la fuh tawk  lo, champion tur chuan an la in siamthat a ngai hle ang. Hun hmasa berah player an in lak belh loh chuan champion turin an dam khaw chhuak zo lo thei.

Arsenal khel a hmuhnawm leh tawh hle. A mawng phah lama an awm laia an chunga rinna nghat ngam lo te’n an beisei leh tan ta ! Van Persie-a chauh lo paw’n an pet goal thei tih an lantir ta hian team a ti chak leh zual ang. Tehna dang atang phei chuan Champions League Round sang zawk lut hmasa an han ni kauh mai te hian beiseina an mahniah leh fans ahte a siam phah ngei ang.Chelsea an kang leh hret a, an result chhia leh an coach  chunga pressure awm chu tlemin a kiam leh deuh hret ang. Sawithiam an har khawp mai player qulity tha an nei a, an rem fuh leh thin lo, an tluan lai chuan an kal pur pur a han tawlh thluk zauh chang an nei thin. Liverpool leh Chelsea kal dan a in ang khawp mai, beisei aia an khelh that chang a awm chutihlai chuan rin loh deuh a tem tha anga lang lem lo pawh hneh loh an ching hle. League a team tha te a bei thei viau zela team tha an tum tuma an game pawh a ‘class’ thei hle, hei hi an ken tlang theih chuan Champions League khel tur pawn an tling leh thei ngei ang.

Newcastle fiah in an awm mek, an fiah lo telh telh dawn a ang. Season tin hian team tha anga lang lem lo hian season tan tirh atanga season lai hawl season chawhnu lam thleng pawh a niang,  dinhmun sang rawn luah ve thin a tawp lama  zuih ral ta an awm ve ziah chutiang zia chu Newcastle hian an rawn lan tir lo ang tih a sawi theih loh.

Everton hian beisei an la pha lova, tha thang sang lutuk ni lem lo an nih thin na zia a la lang thei tlat lo, chuting bawkin Blackburn pawh chhe lutuk ngai lo an ni thin, mahse tuna an din hmun hi a duh awm rih lo hle. Player an lak chhuah sak zel an tuar nge Aston Villa game a dul ta ruih mai, game hmuhnawm tak an khel tam ta lo riau mai.

Engpawh nise Krismas hma hian game nghahhlelh awm tak tak a la awm a, hei hi uluk takin lo thlir ila. Tam takin an chhiat pui theihna game a ni dawn a, tam tak te’n an din chhuah leh na game-ah an rawn hmang leh ngei ang. Tuna hmahruai mek pawh hi  pawhthlakin an la awm thei a. Chutiang bawkin a mawngphah a mi pawh a rawn kang san theihna game a la awm a engmah sawi lawk theih a ni lo, ‘GAME’ a ni tlat.