Saturday November 26
6:15pm Stoke City v Blackburn Rovers
8:30pm Bolton Wanderers v Everton
8:30pm Chelsea v Wolverhampton Wanderers
8:30pm West Bromwich Albion v Tottenham Hotspur
8:30pm Manchester United v Newcastle United
8:30pm Norwich City v Queens Park Rangers
8:30pm Sunderland v Wigan Athletic
11:00pm Arsenal v Fulham

Sunday November 27 – Day 13
7:00pm Swansea City v Aston Villa
9:30pm Liverpool v Manchester City

Chelsea v Wolverhampton Wanderers : Chelsea leh AVB tan insawifiahna ni!!
Nak zana inkhel tur Chelsea leh Wolves te hian ngaihven a hlawh a. A chhan chu tunhnaiah Chelsea hi an khelmualah vawihnih an tlawm zawn a, team lian lo tak Wolves laka an hmingchhia an thup thei lo a nih ngat chuan manager Andre Villas Boas hi an ban lovang tih a sawitheih miah loh a ni. An ni pahnih hi vawi 101 an lo intum tawh a. Chelsea hi vawi 37 chakin vawi 26 an in draw tawh a, Wolves te hi vawi 38 chak zawkah an lo tang tawh thung a ni. Season hmasa khan an khelmual ah ve ve an chak a, chuvangin Chelsea tan hian hnehsa khelha khelh ngawt chi chu an ni hauh lovang.

Manchester United v Newcastle United : UNITED pakhat chiah England ah kan awm an ti ve ve tu zawk nge United tak??!!
Man Utd leh Newcastle United inkhel tur hi hmaih chi a ni lovang. Tun season kalmek ah he mite team pahnih hian hnehloh pakhat ve ve chauh an la nei a, mahse chu chu Manchester City ve ve an ni. Newcastle United hian Manchester United hi tunhnaiah an hneh thei mang lova, an inkhelh hnuhnun vawi 17 ah pawh Manchester United hi an chak zawk zel a ni. Newcastle United hi 2011 season tan tirh khan an chak ve tawk a, chu chu Newcastle United chak hnuhnun ber tum a ni nghe nghe. Vawi 152 an lo intum tawh a, Manchester United hi vawi 77 an chak zawk tawh a, vawi 36 in draw in vawi 39 chauh Newcastle United hi an lo chak zawk tawh a ni.
West Bromwich Albion v Tottenham Hotspur : Harry Redknapp in kan champ thei a ti
Pathumna a awm mek Totenham Hotspur chuan West Bromich Albion an zin dawn a, goal thun tam an tum leh khawp ang le. Hetih lai hian tunhnaia an inkhel vawi 10 ah mual neitu an chak zawk zel a, Tottenham tan pawh thil awlsam tak chu a ni dawn lo a ni. Vawi 132 an inkhelh tawh ah vawi 52 West Brom an chak tawh zawk a, vawi 29 in draw in vawi 51 Tottenham te hi chak zawkah an tang tawh zawk a ni.
Arsenal v Fulham: Emirates in Van Persie ke ah thlir leh dawn em!!??
London Derby chikhat ah Arsenal chuan Fulham an lo mikhual dawn a, chaklo zawk nih chu an hreh ve khawp ang. Fulham hi Arsenal khelmualah vawikhatmah an la chak lova, chuvangin an tan fiahna a ni thei dawn a, engtin tak hmachhawn ang maw? Vawi 49 an intum tawh ah Arsenal hi vawi 34 an chak zawk tawh a, vawi 8 in draw in Fulham hi vawi 7 chak zawkah an lo tang ve tawh thung a ni. An intum hnuhnun ber khan Craven Cottage ah 2-2 in an in draw a, Emirates Stadium-a an inkhelh hnuhnun ber tum ah Arsenal hian 2-1 in hnehna an lo chang tawh thung a ni.
Liverpool v Manchester City : Super Sunday ah Palian inchai kan hmu dawn
Pathianni zan hian inkhel hmuhnawm kan hmu dawn a, chu chu Liverpool in Manchester City an lo mikhual tur hi a ni. Season hmasa khan hemite pahnih hi an mahni khelmual ah 3-0 ve ve in an chak tawh a, tun season ah hian engtin tak bul tan ang maw? Liverpool hi mahni khelmual hmang thiam an ni a, chutih lai chuan Manchester City hian English club zingah attacker an nei tha ber hial maithei a, chu chuan a ti hmuhnawm lehzual thei dawn a ni. Vawi 161 an lo intum tawh a, Liverpool hi vawi 80 chak zawkah an lo tang tawh a. Vawi 40 in draw in Manchester City hi vawi 41 an lo chak ve tawh a ni. City hian player an nei tha a, khawvela player tha ber ber an leikhawm a, Liverpool Anfield-a hmachhawn chu thil chakawm tak a ni lem lovang. Hetih lai hian Steven Gerrard chuan a hlim ah hmasawn viau mahse a inkhelh theih hun tur club official lamin an sawi thei rih lova, City nena an inkhel ah erawh a tel hman dawn lo tih a chiang. Liverpool khelmuala Manchester City chak hnuhnun ber tum chu 2003 season chawhnu lamah daih tawh khan a ni a, 2-1 in City hi an chak ngeh nghe a ni. Kar hmasa khan Liverpool chuan an zinchhuahna ah Chelsea an hneh a, Manchester City pawhin an khelmualah Newcastle an hneh ve thung a ni.