Barclays Premier League Game Week 8 Preview

Estimated read time 6 min read

Kartawp inkhel turah hian boruak lian tak mai a inrawlh dawn a, chu chu Liverpool in Anfield-ah Manchester United an lo mikhual tur hi a ni. Khawvela club inhal ber ang hiala an sawi a ni a, English football ah chuan a hlawhtling ber pahnih an ni bawk a, ngaihven a hlawh lo thei lo. Inkhel tur lo tarlang hmasa ila:

Saturday, October 15
5:15 pm, Liverpool vs Manchester United
7:30 pm, Manchester City vs Aston Villa
7:30 pm, Stoke City vs Fulham
7:30 pm, Wigan Athletic vs Bolton Wanderers
7:30 pm, Queens Park Rangers vs Blackburn Rovers
7:30 pm, Norwich City vs Swansea City
10:00 pm, Chelsea vs Everton

Sunday, October 16
4:30 pm, West Bromwich v Wolverhampton Wanderers
6:00 pm, Arsenal v Sunderland
8:30 pm, Newcastle United v Tottenham Hotspur

Liverpool vs Manchester United

Liverpool leh Manchester United inkhel tur lo thlurbing deuh bik ila.

Football-a inhua hi football vanga inhua an ni lova, sumdawnna kawnga bul tan zawk a ni. Liverpool hian an lawng chawlhna hi an uanpui ve thin a, chu chu khawpui lian leh sumdawnna kawnga lian inti Manchester tan chuan kawng zawn a ngai a, Manchester chuan lawng chawlhna dang an siam a, chuta tang chuan inhuatna a lo chhuak ta a ni.

Liverpool hian English football mai ni lo, European football kha 1970 chho vel atang khan an awp hneh hle a. 1990 thleng khan eng intihsiakna ah pawh a chetha pawl an ni zel a, mahse 1990 chho atang khan Manchester United in bul an tan ve chho a, tun thleng hian English football-a hmingtha ber pahnih an ni a, mahse khawvela club inhal ber an la ni reng a, an ni kumkhua bawk ang. An inhal zia tilang chiangtu pakhat chu hemite club pahnih hian chhiat an tawk tawh a, khawvel hriat phak ve ve a ni, mahse, hetiangah hian hla ngeiawm leh Mizo tawnga lehlin ngamloh hial khawpa huatthlala a ni.

Hemite pahnih inkhelh dawn reng reng hi chuan khawvel hian a ngaihven a, a lam a hawi a, titi a vawrh nghal thin. An player-te chungchang chu sawilan ngai lovah dah ta ila, referee atangin an chip nghal a, mual neitu lo dawnsawn dan tur te, tunhma lama an inkhelh tawh chungchang hi an khel thar nasa leh thin hle a ni.

Hemite club pahnih hian player an in leipawlh tam lo hle a, kum 1964 a Phil Chisnall-an Manchester United atanga Liverpool a pan hnu khan player hi an inleipawh leh tawh lova, amaherawh chu club danga khelh hnu-a a khawi emaw zawk zawka khel leh erawh an awm a, chungte chu Paul Ince, Peter Beardsley, leh tuna la khel mek Michael Owen te hi an ni. Kum 2007 khan Liverpool chuan Gabriel Heinze chu Manchester United atangin lei an tum a, mahse Alex Ferguson chuan Liverpool ngamna zat aia tlawmin Real Madrid ah a hralh daih mai a, an inhuatzia hi an la vawng nghet hle tih a lang.

Tunhnaiah Liverpool player tha thin leh manager hlawhtling Kenny Dalglish chuan Liverpool a enkawl nawn leh a, hei hian chanchin a nei dangdai leh tawh a, Manchester United tantute chuan an lo sawisel leh nghal ngawt pek a, he club pahnih inkara inhalna a rawn chawkchhuak leh a ni.

Club ropui pahnih an ni a, an pahnih hian lawmman 118 an la tawh a, hetianga club hlawhtling hi khawvel huapah pawh an tam lo hle a ni.

Zanin tlai hian Liverpool chuan Manchester United chu Anfield ah an lo mikhual dawn a, an vawi 183 inkhelhna a ni dawn a ni. English League ah hian vawi 156 an lo intum tawh a, Liverpool hi vawi 53 chak tawhin Manchester United hi vawi 60 an lo chak zawk tawh a, vawi 43 an in draw tawh a ni. Season hmasa khan English Premier League ah vawi hnih an intum a, a mual neitu zawk chak ve ve in FA Cup ah kumin January thla khan an intum a, Manchester United hian 1-0 in chakna an chang a, tunhnaiah an inhnehtawk hle a, mualneitu an chetha zawk zel a, zaninah erawh hi chuan chak zawk tur sawilawk a har hle a ni.

Manchester City vs Aston Villa

Manchester City chuan Aston Villa an lo mikhual dawn a, season hmasaa City hneh thei team tlemte zingah Aston Villa hi an tel avangin ngaihven a hlawh zual a ni. Anni pahnih hi vawi 158 an lo intum tawh a, City hi vawi 63 chak zawkah tang tawhin vawi 40 an in draw a, Aston Villa hi vawi 55 chakzawkah an lo tang tawh thung a ni. Tuna an player en hi chuan City hi chak zawk tura ngaih an ni a, mahse Aston Villa tan hian chak theihna chance an nei lo a ni bik lo a ni.

Chelsea vs Everton

Chelsea chuan tunhnaia an hneh theih reng reng loh Everton an lo mikhual dawn a, a hmuhnawm khawp ang. Season hmasa khan vawi 4 an intum ah Everton hi vawi 1 chakin a bak zawng an in draw a, chuvangin zanin dar 10 hi i men thlen ngei ngei a ngai dawn a ni. Vawi 163 an inkhelh tawh ah Chelsea hi vawi 61 an chak zawk tawh a, vawi 52 in draw in Everton hi vawi 50 an lo chak zawk tawh a ni.

Arsenal v Sunderland

An home-a team lian chai thei tak Sunderland chuan Arsenal an luhchilh dawn a, mual neitu tan theihtawp lo chhuah a ngai dawn si a, inkhel hmuhnawm Pathianni zan hian kan hmu ngei dawn e. Vawi 139 an lo inkhel tawh a, an inthlau lo hle. Arsenal hi vawi 52 chak zawhah an tang a, vawi 38 in draw in vawi 49 Sunderland hi an chak zawk tawh a ni. Tun season chu Arsenal tan insiamthat kum a nih hmel a, mual neitu mah ni se chak zawk tura sawi mai theih a ni lova, mahse Sunderland away form hi a chhiat em avangin Arsenal hian goal an thun teuh thei thung a ni. Engpawh ni se, Pathianni zanah a hriat dawn alawm.

Newcastle United vs Tottenham Hotspur

Newcastle United leh Tottenham Hotspur inkhel tur pawh hi a hmuhnawm lo chuang dawn em ni? Tunhnaiah Tottenham hi an inlak that deuh avangin chak zawk tura ngaih mai a awl a, mahse mual neitu hian chaklo zawk nih chu an duh dawn lova, an insual tawk khawp ang. Vawi 145 lo inkhel tawhin Newcastle United hi vawi 53 chak zawkah an tang tawh a, vawi 31 in draw in Tottenham Hotspur hi vawi 61 chak zawkah an lo tang tawh thung a ni.

Table:


You May Also Like

More From Author

13Comments

Add yours
  1. 5
    Ellessess

    Purchasing Generic Dutasteride Tablets Discount Low Price Achat Cialis Pharmacie Suisse Prix Viagra Levitra Cialis

  2. 9
    Zaia Roite

    Khaw’nge prediction in dah? 😀 Ka hmu mai lo. Hei hi tun kar ka prediction a ni e –

    Liverpool vs Manchester United 2-1
    Manchester City vs Aston Villa 3-1
    Stoke City vs Fulham 2-1
    Wigan Athletic vs Bolton Wanderers 0-0
    Queens Park Rangers vs Blackburn Rovers 3-0
    Norwich City vs Swansea City 2-2
    Chelsea vs Everton 3-2

    Sunday, October 16
    West Bromwich v Wolves 2-2
    Arsenal v Sunderland 2-0
    Newcastle United v Tottenham Hotspur 2-3

    (Inrinni zan hi ka ring dik lo viau na a, thelh nasa lem love.. lolzz)

+ Leave a Comment

Barclays Premier League Game Week 8 Preview

Kartawp inkhel turah hian boruak lian tak mai a inrawlh dawn a, chu chu Liverpool in Anfield-ah Manchester United an lo mikhual tur hi a ni. Khawvela club inhal ber ang hiala an sawi a ni a, English football ah chuan a hlawhtling ber pahnih an ni bawk a, ngaihven a hlawh lo thei lo. Inkhel tur lo tarlang hmasa ila:

Saturday, October 15

5:15 pm, Liverpool vs Manchester United

7:30 pm, Manchester City vs Aston Villa

7:30 pm, Stoke City vs Fulham

7:30 pm, Wigan Athletic vs Bolton Wanderers

7:30 pm, Queens Park Rangers vs Blackburn Rovers

7:30 pm, Norwich City vs Swansea City

10:00 pm, Chelsea vs Everton

Sunday, October 16

4:30 pm, West Bromwich v Wolverhampton Wanderers

6:00 pm, Arsenal v Sunderland

8:30 pm, Newcastle United v Tottenham Hotspur

Liverpool vs Manchester United

Liverpool leh Manchester United inkhel tur lo thlurbing deuh bik ila.

Football-a inhua hi football vanga inhua an ni lova, sumdawnna kawnga bul tan zawk a ni. Liverpool hian an lawng chawlhna hi an uanpui ve thin a, chu chu khawpui lian leh sumdawnna kawnga lian inti Manchester tan chuan kawng zawn a ngai a, Manchester chuan lawng chawlhna dang an siam a, chuta tang chuan inhuatna a lo chhuak ta a ni.

Liverpool hian English football mai ni lo, European football kha 1970 chho vel atang khan an awp hneh hle a. 1990 thleng khan eng intihsiakna ah pawh a chetha pawl an ni zel a, mahse 1990 chho atang khan Manchester United in bul an tan ve chho a, tun thleng hian English football-a hmingtha ber pahnih an ni a, mahse khawvela club inhal ber an la ni reng a, an ni kumkhua bawk ang. An inhal zia tilang chiangtu pakhat chu hemite club pahnih hian chhiat an tawk tawh a, khawvel hriat phak ve ve a ni, mahse, hetiangah hian hla ngeiawm leh Mizo tawnga lehlin ngamloh hial khawpa huatthlala a ni.

Hemite pahnih inkhelh dawn reng reng hi chuan khawvel hian a ngaihven a, a lam a hawi a, titi a vawrh nghal thin. An player-te chungchang chu sawilan ngai lovah dah ta ila, referee atangin an chip nghal a, mual neitu lo dawnsawn dan tur te, tunhma lama an inkhelh tawh chungchang hi an khel thar nasa leh thin hle a ni.

Hemite club pahnih hian player an in leipawlh tam lo hle a, kum 1964 a Phil Chisnall-an Manchester United atanga Liverpool a pan hnu khan player hi an inleipawh leh tawh lova, amaherawh chu club danga khelh hnu-a a khawi emaw zawk zawka khel leh erawh an awm a, chungte chu Paul Ince, Peter Beardsley, leh tuna la khel mek Michael Owen te hi an ni. Kum 2007 khan Liverpool chuan Gabriel Heinze chu Manchester United atangin lei an tum a, mahse Alex Ferguson chuan Liverpool ngamna zat aia tlawmin Real Madrid ah a hralh daih mai a, an inhuatzia hi an la vawng nghet hle tih a lang.

Tunhnaiah Liverpool player tha thin leh manager hlawhtling Kenny Dalglish chuan Liverpool a enkawl nawn leh a, hei hian chanchin a nei dangdai leh tawh a, Manchester United tantute chuan an lo sawisel leh nghal ngawt pek a, he club pahnih inkara inhalna a rawn chawkchhuak leh a ni.

Club ropui pahnih an ni a, an pahnih hian lawmman 118 an la tawh a, hetianga club hlawhtling hi khawvel huapah pawh an tam lo hle a ni.

Zanin tlai hian Liverpool chuan Manchester United chu Anfield ah an lo mikhual dawn a, an vawi 183 inkhelhna a ni dawn a ni. English League ah hian vawi 156 an lo intum tawh a, Liverpool hi vawi 53 chak tawhin Manchester United hi vawi 60 an lo chak zawk tawh a, vawi 43 an in draw tawh a ni. Season hmasa khan English Premier League ah vawi hnih an intum a, a mual neitu zawk chak ve ve in FA Cup ah kumin January thla khan an intum a, Manchester United hian 1-0 in chakna an chang a, tunhnaiah an inhnehtawk hle a, mualneitu an chetha zawk zel a, zaninah erawh hi chuan chak zawk tur sawilawk a har hle a ni.

Manchester City vs Aston Villa

Manchester City chuan Aston Villa an lo mikhual dawn a, season hmasaa City hneh thei team tlemte zingah Aston Villa hi an tel avangin ngaihven a hlawh zual a ni. Anni pahnih hi vawi 158 an lo intum tawh a, City hi vawi 63 chak zawkah tang tawhin vawi 40 an in draw a, Aston Villa hi vawi 55 chakzawkah an lo tang tawh thung a ni. Tuna an player en hi chuan City hi chak zawk tura ngaih an ni a, mahse Aston Villa tan hian chak theihna chance an nei lo a ni bik lo a ni.

Chelsea vs Everton

Chelsea chuan tunhnaia an hneh theih reng reng loh Everton an lo mikhual dawn a, a hmuhnawm khawp ang. Season hmasa khan vawi 4 an intum ah Everton hi vawi 1 chakin a bak zawng an in draw a, chuvangin zanin dar 10 hi i men thlen ngei ngei a ngai dawn a ni. Vawi 163 an inkhelh tawh ah Chelsea hi vawi 61 an chak zawk tawh a, vawi 52 in draw in Everton hi vawi 50 an lo chak zawk tawh a ni.

Arsenal v Sunderland

An home-a team lian chai thei tak Sunderland chuan Arsenal an luhchilh dawn a, mual neitu tan theihtawp lo chhuah a ngai dawn si a, inkhel hmuhnawm Pathianni zan hian kan hmu ngei dawn e. Vawi 139 an lo inkhel tawh a, an inthlau lo hle. Arsenal hi vawi 52 chak zawhah an tang a, vawi 38 in draw in vawi 49 Sunderland hi an chak zawk tawh a ni. Tun season chu Arsenal tan insiamthat kum a nih hmel a, mual neitu mah ni se chak zawk tura sawi mai theih a ni lova, mahse Sunderland away form hi a chhiat em avangin Arsenal hian goal an thun teuh thei thung a ni. Engpawh ni se, Pathianni zanah a hriat dawn alawm.

Newcastle United vs Tottenham Hotspur

Newcastle United leh Tottenham Hotspur inkhel tur pawh hi a hmuhnawm lo chuang dawn em ni? Tunhnaiah Tottenham hi an inlak that deuh avangin chak zawk tura ngaih mai a awl a, mahse mual neitu hian chaklo zawk nih chu an duh dawn lova, an insual tawk khawp ang. Vawi 145 lo inkhel tawhin Newcastle United hi vawi 53 chak zawkah an tang tawh a, vawi 31 in draw in Tottenham Hotspur hi vawi 61 chak zawkah an lo tang tawh thung a ni.

Table:

You May Also Like

More From Author

+ There are no comments

Add yours