Barclays Premier League thlirlawkna – Gameweek 16

Estimated read time 7 min read

Barclays Premier League intum turah ngaihven hlawh a awm leh a, chu chu Pathianni zana Manchester City in Arsenal an lo mikhual tur hi a ni. Inkhel dang pawh hi a hmuhnawm nep bik dawn chuang lova, Queens Park Rangers in Manchester United an lo mikhual tur pawh hi a hmuhnawm dawn khawp mai. Inkhel tur lo tarlang hmasa ila.

Saturday December 17
8:30pm Everton v Norwich City
8:30pm Fulham v Bolton Wanderers
8:30pm Blackburn Rovers v West Bromwich Albion
8:30pm Wolverhampton Wanderers v Stoke City
8:30pm Newcastle United v Swansea City
11:00pm Wigan Athletic v Chelsea

Sunday December 18
5:30pm Queens Park Rangers v Manchester United
7:35pm Aston Villa v Liverpool
8:30pm Tottenham Hotspur v Sunderland
9:40pm Manchester City v Arsenal


Queens Park Rangers v Manchester United:

Champion lai Manchester United chu London khawpui ah an lut leh dawn a, Queens Park Rangers an va luhchilh dawn. Tunhnaiah Manchester United player inhliam an tam hle a, midfielder mumal tak an neih loh avangin an khelh dan an thlak a, Wolverhampton Wanderers pawh an sawp nek mai a, mahse Quuens Park Rangers chuan insawp tir an tum hmel loh. Manchester United hi an midfielder te an inhliam hlawm avangin a laiah an pan deuh a, chu chu Barton-a leh a hote hian an rawn hmuhfuh-a an rawn tum fuh chat chuan Manchester United tan hna hautak tak thawh a ngai dawn a, chumi veng tur chuan Alex Ferguson chuan game plan hran a neih ngei a ngaih hmel a ni. An ni pahnih hi vawi 47 an lo intum tawh a. QPR lam hi vawi 6 chak zawkah tang tawhin vawi 13 an in draw a, Manchester United hi vawi 28 chak zawkah an lo tang tawh thung a ni. An intum hnuhnun ber tum chu 2008/2009 CARLING CUP ah khan a ni a, Manchester United te hian 1 – 0 in chakna an chang a, English Premier League-a an intum hnuhnunber 1995/1996 season khan Loftus Road ah hian 1 – 1 in an in draw a ni. Manchester City nena an inthlauhna point 2 chiah a nih tawh avangi Manchester United hi an tang dawn tih a chiang sa a, chu chuan inkhel a ti hmuhnawm lehzual khawp ang. An chak a nih ngat chuan Manchester United hian hma an hruai nghal dawn a, an inkhelh hnu-a inkhel ve tur Manchester City tan pressure a awm nghal ngei ang.

Aston Villa v Liverpool:

Aston Villa hi an player tha ten an chhuahsan hlawm a, mahse karhmasa khan away ah Bolton Wanderers an va hneh a, inrintawkna nen Liverpool hi an lo mikhual ngei ang. Season hmasa khan Stewart Downing chuan Liverpool lamah Aston Villa chakna goal a thun a, English Premier League-a a pet goal hnuhnungber a ni a, mahse tun season ah erawh Liverpool lamah a khel tawh dawn a, inkhel tihmuhnawmtu a ni ngei ang. Liverpool captain, mahse khel ve thei lo tur Steven Gerrard chuan Aston Villa lamah midang zawng aiin goal a thun hnem tawh a, Aston Villa nena an intum tawh zawng zawngah goal 9 a thun tawh a, mahse a inhliam a la dam chian theih loh avangin Pathianni zan hian a inkhel ve thei dawn lova, Villa lam an lawm ngei ang.

Vawi 180 an lo intum tawh ah Aston Villa hi vawi 54 chak zawkah an tang tawh a, vawi 38 in draw in Liverpool hi vawi 88 chak zawkah an tang tawh a ni. An intum hnuhnun ber tumin Aston Villa hi 1-0 in an chak zawk a, Anfield-a an intum hnuhnun ber khan Liverpool hi 3-0 in an chak a ni. Villa Park-a Liverpool chak hnuhnunber tum chu 2009/2010 season ah khan a ni a, December ni 29-ah intumin Liverpool hi 1-0 in an va chak a, khami season tir ah khan Anfield ah Aston Villa te hi 3-1 in an va chak ve thung a, Pathianni zanah pawh hian inkhel hmuhnawm tak kan hmuh leh ngei hmel a ni.

Manchester City v Arsenal:
Hmahruaitu leh Champions League atanga tla hlim Manchester City chuan Chelsea an hnehloh hnu ah Arsenal an tum dawn a, Etihad Stadium ah mah ni se Arsenal lo mikhual hi thil chakawm zawk zawk a ni kher lovang. Manager Mancini a in enfiah hle a ngaih hmel a, an chaklo a nih ngat chuan ban hial pawh a tawk thei tawh maithei a ni. English Premier League-a an intum hnuhnung vawi 3 ah Manchester City hian Arsenal lamah goal an thun miah lova, Pathianni zanah erawh Mancini-a pawlte hian chutiang thlentir chu an tum hauh lovang. Hetih lai hian Arsenal hian an intum hnuhnung vawi 5 ah vawi 4 lai goal thun lovin an khel tawh a, uang thei an ni chuang hauh lo. Vawi 178 an intum tawh ah Manchester City hi vawi 46 chak zawkah tang tawhin vawi 40 an in draw a, Arsenal hi vawi 92 chak zawkah an tang tawh thung a ni. An intum hnuhnung ber chu tun season Carling Cup ah a ni a, Manchester City hian 1-0 in Emirates Stadium ah chakna an va chang a, a bet zawka an tan hnu ah Aguero chuan Arsenal lamah hian a thun a ni. Tun season-a Arsenal tana khel \ha em em chu Robin van Persie a ni a, goal a thun thei a, kuminah phei chuan goal 34 lai a thun tawh a, City defender te hian lo dang thei tak maw? Arsenal defender te hian Aguero leh a thiante hi engtin tak lo dang ang maw? Attacking game an khelh ve ve hmel a, goal pawh kan hmu nual maithei a ni.

Wigan v Chelsea:
Wigan hian an mikhual tur lakah hian insawitheihna tur an nei hlawl lova, an intum hnuhnung vawi 12 ah vawi 1 chakin vawi 10 an chaklo a, vawi 1 an in draw hram bawk a ni. Season hmasa tantirh khan Chelsea hian DW Stadium lamah goal 6 an va thun a, mahse Stamford Bridge ah khan 1-0 chauhin chakna an chang thung a ni. 2010 kum bikah hrim hrim khan Chelsea hian Wigan lamah goal 14 an thun a, Wigan in Chelsea lamah goal an thun ve lo. Vawi 17 an intum tawh ah Wigan hi vawi 3 chiah an chak a, vawi 2 in draw in Chelsea hi vawi 12 an chak tawh thung. Chelsea hian tunhnaiah goal thuntu an nei chau hle a, Wigan lamah hian pet goal thei tak maw? Fernando Torres-a’n a pet goal hleithei si lova, January thla ah African hovin African Nations Cup an khelh bo san leh dawn si a, player an leithar a nih loh chuan champion an harsat ve rih hmel hle.

Tottenham v Sunderland:

Hetia en mai chuan Tottenham Hotspur hi chak zawk turah a dah ngam a, mahse football ah hian sawilawk dik a har hle thung. Sunderland hian away match an khelh hnuhnung vawi 7 ah vawi khat chiah chakna an chang a, Tottenham erawh an home match hnuhnung vawi 5 ah an chak vek thung a ni. An intum hnuhnung-a penalty vawi 4 zinga vawi 3 te chu Sunderland tana Darren Bent-a pet vek niin a goal lo vek a ni. Tottenham Hotspur hian tunhnaiah White Hart Lane ah hian Sunderland vawi 10 an tumah vawi 8 chakin vawi khat an chaklo a, thilmak a thlen a rinawmloh. Sunderland freekick specialist Sebastian Larsson hian tun season ah freekick atangin vawi 3 goal a thun tawh a, a ni aia freekick a\anga goal thun hnem an la awm lo. Sunderland inkhel hnuhnung 3 hi 2-1 in a tawp vek a, Sunderland hian goal thun hmasa zawk zelin an chaklo vek zel tuhng a, hetih lai hian Tottenham Hotspur hian English Premier League team dang aiin shots on target an nei hnem a, goal-a an pet zat hi vawi 105 lai a ni tawh a, goal 30 an thun tawh nghe nghe.

Tottenham Hotspur leh Sunderland hi vawi 106 an intum tawh a, Tottenham lam hi vawi 41 chak zawkah tang tawhin vawi 28 an in draw a, Sunderland hi vawi 37 chak zawkah an \ang tawh thung a ni. White Hart Lane-a Sunderland chak hnuhnun ber \um chu 2008/2009 season ah daih tawh khan a ni a, Sunderland te hi 2-1 in an chak a ni.

You May Also Like

More From Author

7Comments

Add yours
  1. 1
    Zaia Roite

    City hian Chelsea an hneh chuan, ‘an champion’ ka ti tawh ang ka ti a, mahse an hneh leh si lova.. Arsenal pawh hi an hneh viau ka ring hran lo tawp mai.

  2. 7
    Zomuana

    Kan kohhran hlimlai tak Chelsea in lo ti thuanawp ve deuh mahse kan vengah chuan kan hlimna a kaltluang leh ngei ang!

+ Leave a Comment

Barclays Premier League thlirlawkna – Gameweek 16

Barclays Premier League intum turah ngaihven hlawh a awm leh a, chu chu Pathianni zana Manchester City in Arsenal an lo mikhual tur hi a ni. Inkhel dang pawh hi a hmuhnawm nep bik dawn chuang lova, Queens Park Rangers in Manchester United an lo mikhual tur pawh hi a hmuhnawm dawn khawp mai. Inkhel tur lo tarlang hmasa ila.

Saturday December 17

8:30pm Everton v Norwich City

8:30pm Fulham v Bolton Wanderers

8:30pm Blackburn Rovers v West Bromwich Albion

8:30pm Wolverhampton Wanderers v Stoke City

8:30pm Newcastle United v Swansea City

11:00pm Wigan Athletic v Chelsea

Sunday December 18

5:30pm Queens Park Rangers v Manchester United

7:35pm Aston Villa v Liverpool

8:30pm Tottenham Hotspur v Sunderland

9:40pm Manchester City v Arsenal

Queens Park Rangers v Manchester United:

Champion lai Manchester United chu London khawpui ah an lut leh dawn a, Queens Park Rangers an va luhchilh dawn. Tunhnaiah Manchester United player inhliam an tam hle a, midfielder mumal tak an neih loh avangin an khelh dan an thlak a, Wolverhampton Wanderers pawh an sawp nek mai a, mahse Quuens Park Rangers chuan insawp tir an tum hmel loh. Manchester United hi an midfielder te an inhliam hlawm avangin a laiah an pan deuh a, chu chu Barton-a leh a hote hian an rawn hmuhfuh-a an rawn tum fuh chat chuan Manchester United tan hna hautak tak thawh a ngai dawn a, chumi veng tur chuan Alex Ferguson chuan game plan hran a neih ngei a ngaih hmel a ni. An ni pahnih hi vawi 47 an lo intum tawh a. QPR lam hi vawi 6 chak zawkah tang tawhin vawi 13 an in draw a, Manchester United hi vawi 28 chak zawkah an lo tang tawh thung a ni. An intum hnuhnun ber tum chu 2008/2009 CARLING CUP ah khan a ni a, Manchester United te hian 1 – 0 in chakna an chang a, English Premier League-a an intum hnuhnunber 1995/1996 season khan Loftus Road ah hian 1 – 1 in an in draw a ni. Manchester City nena an inthlauhna point 2 chiah a nih tawh avangi Manchester United hi an tang dawn tih a chiang sa a, chu chuan inkhel a ti hmuhnawm lehzual khawp ang. An chak a nih ngat chuan Manchester United hian hma an hruai nghal dawn a, an inkhelh hnu-a inkhel ve tur Manchester City tan pressure a awm nghal ngei ang.

Aston Villa v Liverpool:

Aston Villa hi an player tha ten an chhuahsan hlawm a, mahse karhmasa khan away ah Bolton Wanderers an va hneh a, inrintawkna nen Liverpool hi an lo mikhual ngei ang. Season hmasa khan Stewart Downing chuan Liverpool lamah Aston Villa chakna goal a thun a, English Premier League-a a pet goal hnuhnungber a ni a, mahse tun season ah erawh Liverpool lamah a khel tawh dawn a, inkhel tihmuhnawmtu a ni ngei ang. Liverpool captain, mahse khel ve thei lo tur Steven Gerrard chuan Aston Villa lamah midang zawng aiin goal a thun hnem tawh a, Aston Villa nena an intum tawh zawng zawngah goal 9 a thun tawh a, mahse a inhliam a la dam chian theih loh avangin Pathianni zan hian a inkhel ve thei dawn lova, Villa lam an lawm ngei ang.

Vawi 180 an lo intum tawh ah Aston Villa hi vawi 54 chak zawkah an tang tawh a, vawi 38 in draw in Liverpool hi vawi 88 chak zawkah an tang tawh a ni. An intum hnuhnun ber tumin Aston Villa hi 1-0 in an chak zawk a, Anfield-a an intum hnuhnun ber khan Liverpool hi 3-0 in an chak a ni. Villa Park-a Liverpool chak hnuhnunber tum chu 2009/2010 season ah khan a ni a, December ni 29-ah intumin Liverpool hi 1-0 in an va chak a, khami season tir ah khan Anfield ah Aston Villa te hi 3-1 in an va chak ve thung a, Pathianni zanah pawh hian inkhel hmuhnawm tak kan hmuh leh ngei hmel a ni.

Manchester City v Arsenal:

Hmahruaitu leh Champions League atanga tla hlim Manchester City chuan Chelsea an hnehloh hnu ah Arsenal an tum dawn a, Etihad Stadium ah mah ni se Arsenal lo mikhual hi thil chakawm zawk zawk a ni kher lovang. Manager Mancini a in enfiah hle a ngaih hmel a, an chaklo a nih ngat chuan ban hial pawh a tawk thei tawh maithei a ni. English Premier League-a an intum hnuhnung vawi 3 ah Manchester City hian Arsenal lamah goal an thun miah lova, Pathianni zanah erawh Mancini-a pawlte hian chutiang thlentir chu an tum hauh lovang. Hetih lai hian Arsenal hian an intum hnuhnung vawi 5 ah vawi 4 lai goal thun lovin an khel tawh a, uang thei an ni chuang hauh lo. Vawi 178 an intum tawh ah Manchester City hi vawi 46 chak zawkah tang tawhin vawi 40 an in draw a, Arsenal hi vawi 92 chak zawkah an tang tawh thung a ni. An intum hnuhnung ber chu tun season Carling Cup ah a ni a, Manchester City hian 1-0 in Emirates Stadium ah chakna an va chang a, a bet zawka an tan hnu ah Aguero chuan Arsenal lamah hian a thun a ni. Tun season-a Arsenal tana khel \ha em em chu Robin van Persie a ni a, goal a thun thei a, kuminah phei chuan goal 34 lai a thun tawh a, City defender te hian lo dang thei tak maw? Arsenal defender te hian Aguero leh a thiante hi engtin tak lo dang ang maw? Attacking game an khelh ve ve hmel a, goal pawh kan hmu nual maithei a ni.

Wigan v Chelsea:

Wigan hian an mikhual tur lakah hian insawitheihna tur an nei hlawl lova, an intum hnuhnung vawi 12 ah vawi 1 chakin vawi 10 an chaklo a, vawi 1 an in draw hram bawk a ni. Season hmasa tantirh khan Chelsea hian DW Stadium lamah goal 6 an va thun a, mahse Stamford Bridge ah khan 1-0 chauhin chakna an chang thung a ni. 2010 kum bikah hrim hrim khan Chelsea hian Wigan lamah goal 14 an thun a, Wigan in Chelsea lamah goal an thun ve lo. Vawi 17 an intum tawh ah Wigan hi vawi 3 chiah an chak a, vawi 2 in draw in Chelsea hi vawi 12 an chak tawh thung. Chelsea hian tunhnaiah goal thuntu an nei chau hle a, Wigan lamah hian pet goal thei tak maw? Fernando Torres-a’n a pet goal hleithei si lova, January thla ah African hovin African Nations Cup an khelh bo san leh dawn si a, player an leithar a nih loh chuan champion an harsat ve rih hmel hle.

Tottenham v Sunderland:

Hetia en mai chuan Tottenham Hotspur hi chak zawk turah a dah ngam a, mahse football ah hian sawilawk dik a har hle thung. Sunderland hian away match an khelh hnuhnung vawi 7 ah vawi khat chiah chakna an chang a, Tottenham erawh an home match hnuhnung vawi 5 ah an chak vek thung a ni. An intum hnuhnung-a penalty vawi 4 zinga vawi 3 te chu Sunderland tana Darren Bent-a pet vek niin a goal lo vek a ni. Tottenham Hotspur hian tunhnaiah White Hart Lane ah hian Sunderland vawi 10 an tumah vawi 8 chakin vawi khat an chaklo a, thilmak a thlen a rinawmloh. Sunderland freekick specialist Sebastian Larsson hian tun season ah freekick atangin vawi 3 goal a thun tawh a, a ni aia freekick a\anga goal thun hnem an la awm lo. Sunderland inkhel hnuhnung 3 hi 2-1 in a tawp vek a, Sunderland hian goal thun hmasa zawk zelin an chaklo vek zel tuhng a, hetih lai hian Tottenham Hotspur hian English Premier League team dang aiin shots on target an nei hnem a, goal-a an pet zat hi vawi 105 lai a ni tawh a, goal 30 an thun tawh nghe nghe.

Tottenham Hotspur leh Sunderland hi vawi 106 an intum tawh a, Tottenham lam hi vawi 41 chak zawkah tang tawhin vawi 28 an in draw a, Sunderland hi vawi 37 chak zawkah an \ang tawh thung a ni. White Hart Lane-a Sunderland chak hnuhnun ber \um chu 2008/2009 season ah daih tawh khan a ni a, Sunderland te hi 2-1 in an chak a ni.

You May Also Like

More From Author

+ There are no comments

Add yours