Mizo ten football inelna kan thlir nasat ber leh min hiptu ber Barclays Premier League ah kum 21 hnuailam tan inelna buatsaih a ni tawh dawn. He hmalaknain a tum ber chu first team leh academy te inkar zau lutuk tur venna niin club zinga rawlthar nei thate an dingchhuak thei dawn a ni. Club 23 tel tur zingah hian Premier League club 17 te bakah Championship (Premier League hnuai chiah) club 6 te an ni ang. He inelna hi August ni 17, Zirtawpni ah khelh tan a ni tawh dawn a. A tukah Barclays Premier League in a chhunzawm nghal bawk ang.
Group ah then an ni
National Group One:
Arsenal, Blackburn Rovers, Bolton Wanderers, Everton, Norwich City, Reading, West Bromwich Albion, West Ham United
National Group Two:
Aston Villa, Manchester United, Newcastle United, Southampton, Stoke City, Sunderland, Tottenham Hotspur, Watford
National Group Three:
Chelsea, Crystal Palace, Fulham, Liverpool, Manchester City, Middlesbrough, Wolverhampton Wanderers
He inelnaah hian team tin hian kum 21 hnuailamte bakah kum 21 chunglam player pali (goalkeeper pakhat tiamin) an khelhtir tur a ni ang. Zirtawpni atanga Thawhtanni ah khelh thin a ni ang nga. Heta khel te hi first team tan an inlan thei bawk ang.
Eng nge an sawi?
Premier League Chief Executive, Richard Scudamore chuan he inelna hi English professional football in a ken tel thalai te tuaihriam a tumna kawng niin a sawi a. He inelna hian entute (fans) tan pawh hmalam huna an club leh ram innghahna player te an lo hmuhlawkna theihna tur niin a sawi bawk. Premier League Director of Youth, Ged Roddy chuan kum thum chhung kha football hi hei aia tihchangkan theih dan kan ngaihtuah a, hei hi a chhanna pakhat chu a ni tiin a sawi bawk.
He inelna hian player naupangzawkte tan kawng tha tak a siamsak dawn a. First team ah a duhangin khel tamlo mahse a khat tawkin inelnaah a tel reng thei dawn tho tihna a ni. Hei hi manager tan pawh remchang niin a player te hman tur a nei ngah ang nga, kum upa lam zawkte an remchanloh lai pawhin naupang zawk zingah ‘match fitness’ nei renga thlan tur an awm thei dawn a ni.
Zirtawpnia inkhel hmasaber tur chu London ah Chelsea leh Manchester City te bakah West Ham leh Reading te an ni ang.
Bengvarthlak hle mai. Good post macha
Man Utd leh Arsenal chu an che bon viau ang chu, Man City ve meuh hi eng tak ang ve ang maw?
Ok. A lawmawm e. Naupang nei tha ho an vannei dawn a nih chu.
@Ramenga Season hmasa khan Resrve League kha tihtawp ania. Ti nge a chhan ni ang aw ka lo tih kha hei hi anih hmel. U-21 tih hian Reserve league ang tho kha ani thei ang. First team player zinga under 21 te pawh manager in a tul atih chuan a khelhtir thei ang. Entirnan, Arsenal ah regular takin Chamberlain khel thei ta lo se, loan a chhuahtir aiin regular takin U-21 ah a khelhtir thei ang. A tul hunah pawh first team ah a hmang thei tho bawk ang. Reserve team football kan tih nen khan a danglam tamlo niin a lang. A hming hi a inthlak a, mi hriat a hlawh dawn bakah sponsor a awm tawh ni mai in a lang.
First team a khel ho an tel ve dawn lo tihna a ni ang maw?
gud post,ka lola hre reng2 hleinem,puten tha an tih chuan rah tha a chhuah tha turah ngai ang