German club lian leh hlun ber Bayern Munich chuan tan an la nasa hle a. 2010-2011 season ah an hmelma Borussia Dortmund an phalo hle a. Tunah hian position tinah deuh tho player lei belh an tum.

Goalkeeper ah tunlaia keeper tha ber te zingami Manuel Neuer chu Schalke atangin 16 million pounds chuangin an lei a. Rawlthar Thomas Kraft leh veteran Hans Jorge Butt te nen Bavarian goal an vensak dawn ani.

Defence lama an harsatna chu full-back tha pakhat chauh an nei hi ani a. Phillip Lahm hi ding leh vei ah a khel thei a, mahse full back lehlam an nei tha tawklo. Tunah Genoa atangin 4 million chuangin Brazilian Rafinha an lei. Kum upa lam Van Buyten thlak turin Man City defender Jerome Boateng chu lei an tum.

Midfield lamah Hamit Altintop te Real Madrid lamah an kal hnuin Bayern Leverkusen midfielder Arturo Vidal an melh. Japanese winger Takashi Usami chuan Bundesliga lama a hnampui Uchida(Schalke),Hasebe(Wolfsburg),Kagawa(Dortmund) te hlawhtlinzia a hmuhin Munich lam sawmna a hnar phal rin anilo.

Forward lamah Miroslav Klose in Lazio a pan hnuah striker thar Nils Petersen chu Energie Cottbus atangin an lei. Gomez,Olic,Muller te nen Bavarian goal thun khawl nih an inchuh dawn ani.

Tunah hian Bayern Munich hian star players Schweinsteiger,Robben,Ribery te leh player thar te nen Bundesliga title leh Champions League a tal nat an tum hle…