Bengaluru FC chuan kum 27 a upa Spanish winger Antonio Rodriguez Dovale an lalut a, kum khat daih contract an ziah pui. La Masia rim nam Dovale hi ISL club a Spanish player pathumna a ni ta chiah bawk.
Celta Vigo leh Rayo Vallecano tana khel tawh Dovale hi khawvelin ‘Toni’ tiin a hre lar zawk a, feet 5 leh inchi 10 a sang, Luis Enrique hnuaia lo tal hrep tawh a ni. “Chona thar hmachhawn tur hian ka inring tawh a, ka phur takzet a ni. Club lian leh hung tak ka zawm a ni tih ka hria a, tun season a kan hmachhawp te hlen hi ka chak zek zek tawh a ni,” tiin Toni hian India-ah chona thar hmachhawn a inpeih thu a sawi.
“Fans te hi an pawimawh em em a, club khaidingtu tangkai tak an ni. Theihtawp ka chhuah dawn tih ka tiam duh a, season hlawhtling tak kan hman ngei ka beisei,” tiin BFC fans ruhkawl West Block Blues te hmaah thu a tiam. Bengaluru FC coach Albert Roca pawhin a player lak thar chu tawnhriat ngah tak a nih avangin an tangkaipui ngei a beisei thu a sawi.
(Pic : bengalurufc.com)
+ There are no comments
Add yours