BENGALURU FC IN STRIKER THAR NEI

I-League club talbuai mek Bengaluru FC chuan vawiin khan Serbian striker Marjan Jugovic an lalut.

Kum 33 a upa hi tun season tawp thleng a cham rin a ni a, Honduran striker Roby Norales an chhuahtir hnuah The Blues hian an foreign quota hnawhkhah lohin an dah reng a, feet 6 leh inchi 2 a sang Jugovic hi an lalut leh ta a ni.

Jugovic hi striker tawnhriat ngah tak niin Europa League leh AFC Champions League thlenga lo khel tawh a ni a, Poland, Syria, Iceland, Indonesia leh Lebanon ram club te tan a khel tawh.

“Marjan (Jugovic) kan lakluh hian kan hmatawng a tih hriam sawt ka beisei. A san bakah tawnhriat a ngah a, target man dik tak a ni,” tiin Bengaluru FC boss Albert Roca chuan sawiin an striker thar hian an saltanna ata a chhanchhuah theih a beisei thu a sawi bawk.


Bengaluru FC hian March ni 5 hian Minerva Punjab an tlawh dawn a, j.no.36 nen Jugovic hi kan hmuh ngei a beiseiawm.