Bengaluru-in beisei ram thleng lo

Asia khawmualpuia club inelna sang ber dawttu AFC Cup final-ah Bengaluru FC-in goal khatin Iraqi Premier League champion Air Force Club an hneh lo. Inrinni zana Doha khawpuia inkhelah hian Hammadi Ahmed Abdullah chuan minute 70-naah goal awmchhun a khung a, an theihna zawng zawng nen I League club Bengaluru FC tang tluan mah se khel tha zawk Iraqi club an chak.

AFC Cup final-ah hian first half-ah goal a lut lo a, goal awmchhun khungtu Hammadi Ahmed Abdullah chu Most Valuable Player a thlan a ni. Kumin inelnaah hian Hammed Abdullah hian goal 16 tehmeuh khungin goal khung tam ber a ni a, quarterfinal thleng pha lo Mohun Bagan striker Jeje Lalpekhlua’n goal ruk a khung ve bawk. Hnahthial tlangval hi Indian zinga khung hnem ber a ni.
Iraqi club Erbil Club chuan kum 2012 leh 2014 khan AFC Cup-ah pahnihna an lo ni tawh a, Air Force Club an champion takah chuan Iraqi club zinga AFC Cup champion thei hmasa ber an ni.

Bengaluru FC hi India club zinga final lut thei hmasa ber an ni thung a, AFC Cup-ah hian Dempo (2008) leh East Bengal (2013) ten semifinal an lut ve tawh bawk.

Qatar Sports Club Stadium-ah Mizo tlangval Lalthuammawia Ralte khel tha lo se chuan I League club hian goal tam zawk an chhuah an rinawm. Bengaluru hi pahnihna ni mah se India ram tihmingthatu a ni a, kum thum leka upa ni chung siin sulhnu an nei tha tawh hle.

Bengaluru hian an club din tan kumah 2013-14 I-League-ah an champion nghal a, 2014-15 season-ah pahnihna ni mah se tun season-ah (a hnuhnung ber) an champion leh tho a. Kum 2015 khan Federaton Cup an champion bawk a, AFC Cup final thleng tur hian champion lai Malaysia club Johor Darul Ta’zim chu semifinal-ah an hneh bawk.

BENGALURU FC ZINKAWNG
GROUP STAGE
Lao Toyota FC 2 – 1 Bengaluru FC
LFC: Kazuo Homma 2’; Phatthana Syvilay 34’
BFC: CK Vineeth 90’

Bengaluru FC 0 – 1 Johor Darul Ta’zim
JDT: Safiq bin Rahim 55’
Ayeyawady United 0 – 1 Bengaluru FC
BFC: Sunil Chhetri 34’

Bengaluru FC 5 – 3 Ayeyawady United
BFC: CK Vineeth 21’; Alywn George 61’, 89’; Seiminlen Doungel 66’; Beingaichho Beikhokhei 81’
AYU: Thiha Zaw 44’; Chizoba Christopher 69’, 78’

Bengaluru FC 2 – 1 Lao Toyota FC
BFC: Eugeneson Lyngdoh 45+1’; Kim Song-yong 60’
LFC: Kazuo Homma 68’

Johor Darul Ta’zim 3 – 0 Bengaluru FC
JDT: Safiq bin Rahim 70’; Mohd Safee 78’; Mohd Shakir 90+1’ (P)

ROUND OF 16
Kitchee 2 – 3 Bengaluru FC
KCH: Rufino Del Burgo 7’; Jorge Paramo 42’
BFC: Sunil Chhetri 31’ (P), 33’); Daniel Lalhlimpuia 51’

QUARTERFINAL (0-1 AGG.)
1ST LEG
Bengaluru FC 1 – 0 Tampines Rovers
BFC: CK Vineeth 7’
2ND LEG
Tampines Rovers 0 – 0 Bengaluru FC

SEMIFINAL (4-2 AGG.)
1ST LEG
Johor Darul Ta’zim 1 – 1 JSW Bengaluru FC
JDT: Jorge Pereyra Diaz 52’
BFC: Eugeneson Lyngdoh 56’
2ND LEG
Bengaluru FC 3 – 1 Johor Darul Ta’zim
BFC: Sunil Chhetri 41’, 67’; Juan Antoni

FINAL
Bengaluru FC 0-1 Iraq Air Forrce
IAF : Hammadi Ahmed 70′