• Zofooty.com i rawn leng lut a kan lo lawm a che.

Mizoram Police in player 10 in Aizawl FC an hneh!

8th December 2012 at 3:25 pm by Lal Zarzova

feature.jpg
Mizoram Police leh Aizawl FC te chuan Mizoram Premier League first phase game hnuhnung ber khelin, Mizoram Police FC in Lalfakzuala goal hmangin Aizawl FC an hneh. He chakna hian Mizoram Police FC hi pakhatna dinhmunah ah a nemnghet a, 1st Phase bikah umpha thei team an awm tawh lo. Aizawl FC erawh he result avang hian 1st phase a zawh meuh chuan table mawng phah lamah an awm thei dawn a ni.

Aizawl FC 0-1 Mizoram Police FC
(Lalfakzuala 40')
Man of the Match : Lalfakzuala, Mizoram Police FC
 
Tute nge khel?
Aizawl FC: Isaac Vanlalpeka; Immanuel HS Lalthazuala, Zohmangaiha Ralte, Malsawma Chhangte, Thomas Lalengkima; Lalrammawia, Francis Zonuntluanga, Ricky Lallawmawma, Albert Zohmingmawia; B. Malsawmzuala, Lalduatsanga
Mizoram Police FC: Vanlalhriata; Lalrinchhana, Lalremruata, JS Hmar, Lalropuia, Lalfakzuala, V. Laltanpuia, C. Zothantluanga, Lalnunmawia; F. Lalrinpuia, Lalbiakhlua.
 
Red Card leh goal khat!
1st Phase tawpna inkhel a ni bawk a, inkhel tan tirh atangin game a tang nghal a. Aizawl FC lamin chance nei hmasa zawka box pawn chiaha Albert-a freekick hlawhchhuah chu Rammawia'n goal hlauawmah a chantir lo.
 
Mizoram Police pawn chance rawn nei ve lehin T-a shot chu a hlauawm hle. Aizawl FC in freekick atang bawkin chance an nei leh a, Captain Sawmtea freekick tha zet chu Vanlalhriata'n save mahse Duata tan petgoal theihna a siam a, mahse Aizawl FC rawlthar hian chance tha a bawhpelh thung.
 
Mizoram Police lamin chance nei ve lehin Biaktea corner chu Apuia'n lo tauhin Isaac-a tan hna a siam lo thung. Mizoram Police in an nawr deuh mahse Aizawl FC counter-ah an hlauawm, Zohmaa ball clear tha zet chu Duata'n a um lut nghal a, Mizoram Police defender Remruata'n Duata ti tlu in Red Card a hmu a. Box pawn chiah a Duata freekick hlawhchhuah hi Rammawia bawkin petin wall bak a pet per lo a ni.
 
Aizawl FC bawkin chance an nei leh a, Rammawia ball cross duhthusam chu Duata chuan a tauh goal thei lova, a naupangna a lang niin a lang. First half-ah goal  a lut dawn tawh lo emaw tih hnuah Francis back pass chu Fakzuala'n um lutin goal mawi tak a thun a, keeper kheltha tak Isaac-a tan tih ngaihna awm lo. Hun tawp dawnah Hriata tihsuala Albert-a'n goal a, a chantir theihloh avangin, first half a goal awmchhun chu Fakzuala goal chauh a ni ta a ni.
 
Goal thun thei lo Aizawl FC
Aizawl FC in an striker pahnih Michael Lalremruata leh Lalthanpuia te chhawr theih loh avangin game thlak danglam thei tur striker bench-ah an nei tawh lovah a ngaih theih a. Second Half-ah erawh a tam zawk annih avangin ball pawh an chang tam zawk a. Midfielder Ricky-a shot a hlauawm thei hle.
 
Aizawl FC in chance an ngah a, Sawmtea cross pawh tha viau mahse goal-ah an chantir thei lova. Zuala leh Rammawia te freekick pawh a hlauawm tawklo bawk. Chutihrualin Rammawia volley erawh a hlauawm tep thung.
 
Mizoram Police pawn counter attack atangin chance an nei a, Fakzuala leh T-a shot te chu a hlauwm teuh hle. Aizawl FC lamin goal thun ngei tumin Ramenga leh Brandon-a te an rawn luh tir a. Zuala ball vawrh luh Ramenga khawih hmanloh te chu Aizawl FC chance tha ber zing ami a ni.
 
Aizawl FC in chak ngei tumin Thomas-a aiah Zoremtluanga an rawn dah lut a, game pawh rawn thlak danglam viau mahse goal a rawn keng tel lova. Chutihrualin hun tawp dawna Malsawma tauh Nunmawia'n goal line atanga rawn clear te leh Brandona thelh te chu Aizawl FC vanduaina nemnghet tu a tih theih awm e. Second half-ah goal dang a lut tawh loh avangin Mizoram Police chu 1-0 in an chak ta a ni.
 
Match Statistics
ZF 2.png
Sawi belh ang!
Goal awmchhun thuntu Lalfakzuala chu Man of the Match a thlan a ni a, goal awm lo a ta, goal a rawn awmtir a, Mizoram Police in player tha an nei tih lantirtu zing ami a ni.
 
Mizoram Police player te hi kum lama upa tam hran lo mahse experience erawh an nei tha hle a. Chumai bakah an squad hi awlsam takin a siksawi theih bawk. Remruata'n Red Card hmu mahse Left Back a awm Lalrinchhana (Itana) centre back-a a rawn awm thei nghal a, a aiah Nunmawia a rawn tawlh hnung hnuah Valpuia'n midfield a rawn pui leh thei bawk a, heti taka an in siksawi awlsam avang hian Mizoram Police hi an tlo a tih theih awm e.
 
Aizawl FC erawhin an players khel theilo te awmlo an tuar a tih theih a. Chu bakah chuan players upa lam leh experience nei tha tak an nei lo an tuar a tih theih bawk. Mizoram Police 10 chauh a an awm tawh hnuah pawh goal chance an in siam hlei thei lova, team an in enfiah a ngai a, insiamtha tur erawh chuan kum thar a ngai tawh dawn thung. Kumin ah hian eng dinhmunah pawh ding se Aizawl FC hi chu kumthar lamah chuan team tha zawka an rawn kir ngei a rinawm.

Comments:

  1. Vl Ruata 08-12-2012 at 3:51:33 pm
    Vl Ruata

    MRP han fit dan h w Aizawl fc k tran sinle .

  2. Lalnunmawia Ngente 08-12-2012 at 4:05:59 pm
    Lalnunmawia Ngente

    aizawl fc chu ava mak thin ve.....

  3. Lalramenga Hmar 08-12-2012 at 4:08:36 pm
    Lalramenga Hmar

    Police chu an chak deuh reng mai a nih hi a. An match khat na-a an chak loh leh Dinthar nen an indraw bak kha an la chak vek mawle.

  4. ZoHart.C.Rempuia 08-12-2012 at 4:49:17 pm
    ZoHart.C.Rempuia

    Voin kha chu Michael a awmloh an tuar niberin ka hria,goal bulah lucky an nei ve lo tlat

  5. chuanga 08-12-2012 at 8:41:53 pm
    chuanga

    Aizawl FC hi ka tan teh reng nen. An vanduai ve deuh thin a ni. Kum tharah ropui takin an rawn comeback em em ang.

  6. ezz-a 08-12-2012 at 9:31:01 pm
    ezz-a

    mrp nge2....

  7. Hriat Puia 09-12-2012 at 10:19:39 am
    Hriat Puia

    Mrp hi chu an champion mai hi rinom rum2 mai tun ang zel a an khel thei nih chuan

  8. hehe 10-12-2012 at 8:13:42 pm
    hehe

    Aizawl FC hi ka tan che u a sin ma le....I leaque thleng pawha Mizo-te (Mizoram mai ni lovin)aiawh club ni tura ka beisei in ni a....North East tournament tenau ah khan in lo lungawi mai ange...sum pawh in ngah viau a ni lom ni....local football ah mai mai pawh duh aiin in talbuai riau mai a...engmah ni si lovin players ho hian complacency in ngah ve viau ringawt a ni lo maw.....tan han la teh uuuu....

  9. mik3s Chongthu 11-12-2012 at 2:00:42 am
    mik3s Chongthu

    MRP hi an champion ang.

  10. Lalthanzama Vanchhawng 11-12-2012 at 10:37:02 am
    Lalthanzama Vanchhawng

    MRP hi an khelhchhiat ni pawn an chak zel mai si a, an champion mai ang em aw., 2nd phase a hmuhnawm dawn e !!!

Please login to comment