Football ah hian pet goal tu an pawimawh ber ti ila dawt kan sawi thei, goal veng tu tha hi fak hlawh an har a, an tih tur ti ah kan ngai liam mai thin, an save ropui tak tak te theihngilh mai a awl fo,amaherawh chu player tangkai ber pawl an ni thung si. Goalkeeper tha an awm a,Goalkeeper tha te zing a Goalkeeper ropui a hming dai thei tawh lo tur chu Peter Schmeichel hi a ni ngei ang. Palian tak, huaisen, a save ropui tak tak te avang a thlawk thei ang hial a sawi thin, Manchester United/Denmark player ropui Schmeichel hi football history a hming dai tawh lo tur leh thinlung a cham reng tur a va ni chiang em!! Manchester United in keeper tha nei leh pawh nise a ni nen hian khaikhin zel an ni kumkhua tawh ang.

A pian leh Murna :
Peter Boleslaw Schmeichel hi kum 18 November 1963 khan Denmark khua Søborggård ah a lo piang a, a pa hi Polish a ni a, a nu hi Danish ani thung. Buddinge, Copenhagen ah a seilian a, football tui em em in a naupang lai chuan an khua a club Gladsaxe-Hero atang in bul a tan a, team lian nilo mahse a khelh that theih em avangin local newspaper ah te pawh a hming a lang ve zak zak thin. Professional Footballer a nih hma chuan Textile Factory ah te, Wild Wildlife Fund hnuai a te dawr nghak in a lo in hlawh ve zak zak thin a ni!!

Professional Footballer Peter Schmeichel :

Bronby :
Peter Schmeichel hi kum 21 a nih in Hvidovre chuan an lei a, a season khatna ah Danish Division 1 ah an relegate nghal hlauh mai a,mahse season leh ah an rawn kir leh a ni. 1987 ah Bronby in an lei a season khatna atang in a chetthat pui hle a,Danish Champion an ni nghal a, Euro 88 ah Denmark tan koh a ni a, Denmark 1st keeper a ni chho ta hial a ni. Bronby ah season 5 a awm chhung in season 4 a champion pui a,1991 ah phei chuan UEFA Cup ah semi final hial a thlen pui a, “The World’s Best Goalkeeper 1991” thlan na ah pawh 10-na ani phak ta hial a ni.

Manchester United :
1991 ah Bronby atang in £530,000 in Mancheste United in an lei chhuak a, a chetha nghal bawk a Sir Alexa’n ” Bargain of the Century” a ti hial a, a man a phu a ti hliah hliah hle mai. Manchester Uniter a khelh chhung season 1991–1999 ah Schmeichel hian 5 FA Premier League , 3 FA Cups, 1 League Cup leh 1 UEFA Champions League te a chawipui hman a ni.

Man Utd Golden Generation khaipa a ni:
Sir Alex Ferguson in Man United a siamthat na ah player pawimawh tak a ni chho a, player ropui Eric Cantona, Dennis Erwin, Teddy Sheringham,Steve Bruce (tun ah Sunderland manager),Jesper Blomqvist,Jaap Stam, Yorke, Cole leh Roy Keane te ho a khelh pui vek bakah, Ferguson a fate tih theih Giggs,Scholes,Neville te unau, Solskear leh Beckham te ho pawh kaihruai tu tha tak a ni.Sir Alex a hotupa nimahse, amah a entawn tlak a, amah ah rinna nghah ngam a ni a field chhung ah chuan player khaipa ber a ni.

1999 Schmeichel leh Man Utd kum tha :
1999 Season ah Manchester United in Treble Champion an ni a, UEFA Champions League,FA Premier League leh FA Cup te an chawi vek a nih kha, kha mi tum a Schmeichel chetthat ropui vang a tih loh theih loh ang.FA Cup semi Final a Dennis Bergkamp penalty a save ropui zia te, UCL Quartel Final ah Ivan Zamorano head ropui tak a a dang te, UCL Final ah Captain Keane hrem vang in a captain a, Man Utd insiam that hma in min 4 lek ah Man United in goal an chhuah ta mai si a hun tawp dawn ah Sir Alex in Substitute awmze nei a siam a Teddy Sheringham leh Solkjear te a luh tir a, extra time ah Manchester in corner an hmu a Beckham in a pet dawn khan Schmeichel hi lo va tlanphei ve in defence line ah a lo va tal buai ve vak a nih kha, Sheringham in a pet goal a, a hnu lawk ah Solkjear in a ti goal ve bawk a, an chak a nih kha.

1999 season ropui tak in a hmang a.Manchester United ropui takin a chhuahsan ta a ni.A chhuah hnuah Machester in keeper tha an nei hleithei lo va Mark Bosnich, Massimo Taibi, Fabien Barthez, Tim Howard leh Roy Carroll ten beisei an phalo. Edwin van der Sar hian Manchester United a chetthatpui a Schmeichel a thlaktu a ngaih a ni thei chauh a ni!!

A Football Career hnuhnung lam :

Sporting GP,Aston Villa leh Manchester City :
Schemeichel hi kum 36 a nih in English football a kalsan a, a kalsan chhan hi a lo upa ve deuh tawh vang in ni in a insawi, 199-2001 Sporting GP tan season hnih a khel a match 50 khel in Portuguese Superliga leh Supertaça Cândido de Oliveira te a lakpui a ni.

Aston Villa ah rawn kir leh in 2001-2002 season a hmang a game 29 khel in Inter Toto Cup a lakpui a, Everton nen an inkhelh tum in a ti goal a, EPL a Goalkeeper ti goal hmasa ber record a siam bawk.

Manchester City ah 2002-2003 ah season khat a khel leh hram a, Manchester Derby ah Schmeichel record hi a ropui!! Manchester united a awm chhung season 9 ah khan Schmeichel hi Manchester Derby ah chakloh a tawng ngailo va, Manchester City a zawm hnu pawh hian chakloh a tawn chuang lo!! City home ah Man Utd an hneh a, Man Utd home ah an va draw bawk!!!

Football a chawlsan hnu ah a club hmasa ber Hvidovre ah te a neitu te zing ah te a inhmang a, BBC pundit ah te tel in football chungchang sawina hun te hmang in a telkual nasa hle bawk.

Schmeichel a chanchin ngaihnawm zual te:

* Feet 6 leh inch 4 a sang kg 103 a rit palian tak hi a jersey tur a hranpa a design XXXL a ha thin!
* Danmark player zing a International match khel hnem ber ni ame 129 a khel a, a football khelh chhung in vawi 12 lai a ti goal ve a, 1 chu intelnational match ah.
* EPL khel zing a cleansheet record nei tha ber a ni a, a game khelh 42% ah goal a chhuahlo!!
* 1992 ah Yugoslavia ram buai avangin Denmark in Euro92 khel phak lo an ni an aiawh Denmark chu an tel, Smeichel ho hian an champion daih a nih kha
* 1999 a Man Utd in Treble Champion an nih theihna tur a, a save ropui tak tak hmu tu kan nih chuan kan thinlung ah a la thar uar uar awm e!!
* 20 October 2001 Aston Villa leh Eveton inkhel tum in a goal a score a, EPL a goalkeeper goal score hmsa ber a ni.
* 2000- ah IFFHS in “The top ten keepers of the 20th century” an thlan ah a lang a,2003 ah “English Football Hall of Fame” ah dah a ni a, 2004 ah FiFa kum 100 tlin lawm na ah “125 greatest living footballers” an thlan zing ah a tel pha bawk.

Lawmman leh chawimawina a dawn tawh te:
Club Football:
Brøndby
Danish 1st Division (3): 1987, 1988, 1990
Danish Superliga (1): 1991
Danish Cup (1): 1989
Manchester United
Premier League (5): 1992–93, 1993–94, 1995–96, 1996–97, 1998–99
FA Cup (3): 1993–94, 1995–96, 1998–99
Football League Cup (1): 1991–92
FA Charity Shield (4): 1993, 1994, 1996, 1997
UEFA Champions League (1): 1998–99
UEFA Super Cup (1): 1991
Sporting CP
Portuguese Superliga (1): 1999–2000
Supertaça Cândido de Oliveira (1): 2000–01
Aston Villa
UEFA Intertoto Cup (1): 2001

International Football :
UEFA European Football Championship (1): 1992

Mimal Chawimawina :
UEFA Goalkeeper of the Year: 1992, 1993, 1997, 1998
IFFHS World’s Best Goalkeeper: 1992, 1993
UEFA Club Football Awards: 1997–98
Danish Football Player of the Year: 1990, 1993, 1999
English Football Hall of Fame: 2003
Det Gyldne Bur (Danish Goalkeeper of the Year): 1987, 1988, 1990, 1992
UEFA Champions League 10 Seasons Dream Team (1992 to 2002): 2002
PFA England League Team of the Century (1907 to 2007): 2007
Premier League 10 Seasons Awards (1992–93 to 2001–02)