Europe-a footballer hmabak êng ber te zing ami Mario Gotze chu Borussia Dortmund (BVB)ah a nghet tawlh tawlh a, Thawhlehni khan BVB a a contract neih lai chu kumhnihin a pawtsei.
German Bundesliga champion lai, tun season-a hmahruai mektu ni bawk Borussia Dortmund hian player naupang ṭha tak tak an nei nual a, chung zinga Europe club liante ngaihven hlawh ber chu attacking midfielder Gotze hi a ni. Gotze contract hi kum 2014 a tâwp tur a ni a, July ni 30, 2016 thleng châm turin a pawtsei ta a ni.Kum 19 a upa Mario Gotze hi BVB academy chhuak niin, kum 9 lek a nih laiin BVB (age team) ah a khel ṭan a, kum 17 a nihin BVB tân Bundesliga debut siamin, kum 18 a nih meuh chuan German national team-ah koh a ni der tawh. Germany tân hian vawi 12 a khel tawh a ni.
Revolution ah hian ka tel ve duh
BVB academy chhuak a ni a, German champions an ni a, Gotze tân contract thar ziak tur emaw, pawtsei turin inngaihtuah vak a ngai lo niin a lang. “Mi zawng zawngin Dortmund nuam ka tih zia an hre vek a. He squad hi a la naupang em em a, kan theihna tak tak kan la thleng lo nasa em em a ni. He team ṭha chho zel tur hi ka hmu châk a, ka la tel ve duh a ni.” tiin a sawi.
Season hmasa-a Bundesliga champion an nih theihna tura player thawhhlawk ber pakhat a ni bawk a, hetia a contract pawhsei a ni hi club thuneitu te tân thu lawmawm tak a ni ang. Dortmund sporting director Michael Zorc leh manager Jurgen Klopp te chuan an lawm thu an sawi ve ve tawh a ni. Tunah hian Gotze hi inhliam vangin thla 2 vel a châwl tawh a, season tâwp ṭan nat zual laia chhawr theih hram a inbeisei thu Klopp hian a sawi bawk.
source: bundesliga.de
cialis price
cialis walmart
viagra delivery
viagra overnight shipping
Chunga mi hi thlwp e.
Bundesliga a a tawm kuk reng chuan a nih tur ang a ni pha lo mai ang a?
A bengvarthlak thin mang e. Good post..