[Kan la ziak lovin ka hria. A tlai tawh deuh maithei, mahse kan site-ah hian kan la ziak ve lovin ka hria a, ka’n tlai lam umpawngpar ang e.. ]
Mancini a tawngtai
Premier League season tawp nia an inkhelh hmain Manchester City manager Roberto Mancini chuan Biak Inah kalin, tawngtaina a lo hmang thlap a. A tawngtaina hi Pathianin a chhang a ni ngei ang, kum 44 hnua a vawikhat nan Manchester City chu English champion an ni ta a nih kha.
Kum 47 a upa Mancini hi Catholic niin, a player pahnih (an hming puanzar loh) te nen Chawlhni zing dar 7:30 khan Manchester khawpuia ‘Holy Name Church’ ah an inkhawm a, Mass-ah an tel a. Mass an zawh hnuah pawh Mancini hi amahin, minute 15 lai a la thu fual a, fianrial tawngtaina a la nei leh a ni. He a tawngtaina hi chhanin a awm a ni chek ang, a aia hmuhnawm, ngaihnawm leh ropui awm thei tawh lo tih tur khawp hiala boruak ropui karah Manchester City chuan QPR an hneh a, an hmelma Manchester United kut atangin Premier League champion lallukhum an laksak ta a ni.
Holy Name Church-a rawngbawltu Father Ray Matus chuan, “Mancini hi Mass-ah a rawn tel a, player pahnih nen an lo kal a ni. Hemi hnu hian amahni minute 15 chhung a tawngtai a, pawn lamah mi thenkhatin a autograph duhin an lo nghak nghe nghe a ni,” a ti.
Pathian a tel em ni?
Ni e, ni e. Premier League chanchina minute hnih mak ber leh danglam ber a ni hial awm e. England-ah chuan tlai lam dar 4:50 a ni tawh a. QPR in thilmak zinga mak ber mai thlentirin, 2-1 in Manchester City lakah, Etihad Stadium-ah, player 10 chauh ni chungin hma an hruai! Hetih lai hian Stadium of Light-ah Manchester United-in Wayne Rooney-a goal hmangin Sunderland 1-0 in an lo hneh mek. Dar 4:51 a ni a, City substitute Edin Dzeko chuan City tan goal khungin an si phurh a sut. Dar 4:52 a ni a, Stadium of Light-a inkhel a zo a, United-in Champion an ni tih an hria a, trophy chawi tumin an rilru a inbuatsaih a. A tuka City fans-te laka intihtheih dan tur United fans ten an ngaihtuah mek.
Mahse, Etihad-ah inkhel a la tawp lo. Dar 4:53 a ni a, City tan Argentinian striker Sergio Aguero chuan goal a khung. A boruak a ropui lutuk. Sawi ngaihna a awm lo zawk. Sir Alex-a’n thelret a thial nasa ngei mai! City-in kum 44 hnua a vawikhat nan English champion no mawi an chawi ta a. An chawi dan hi City chanchinah, engtikah mah a reh leh tawh dawn lova. Premier League leh khawvel football chanchinah sawirik reng a ni tawh dawn chiang.
Manchester City fan pakhat, kum 42 a upa Chris Lee chuan, “Pathian hi Manchester City fan a ni ngei ngei ang. A mak lutuk, chunglam thiltihtheihna a ni,” a ti tawp mai!
A lawm nan pound sing 6!
Manchester City hotute chuan an champion zana fans-ten a lawmna hun an hman nan pound sing 6 an thehchhuak a! Manchester khawpuia pubs leh bar te chu an inhawng rei hlawm kher mai! Zing dar 4 thleng City club hian official party an huaihawt a, Chawlhni zan Manchester khawpui chu a reh lo reng reng a tih theih awm e!
City fan pakhat Andrew Holland chuan, “Ka bialnu hnenah, ‘Kan champion chuan kan innei dawn nia,’ ka lo ti tawh a, inneih dan tur kan buaipui a ngai tawh a ni,” a ti a. Kum 73 a upa Joan Cadman chuan, “Hei leh chen hi kan champion lai hmu lovin ka lo dam tawh a, ka va hlim tak em!” a ti. Mark Dalton chuan, “Kum 44 zet ka lo nghak tawh a, ni 7 chhung ka rui dawn,” a ti bawk!
A mak a na!
Manchester United tan chuan a na lutuk. Hun tawp tawh hnuah, hun pek belhah pawh an la champion. Sunderland nena an inkhel a zo va, champion thawkin an thaw a, mahse minute hnih chhung lekin thil a danglam zo vek a, City an champion.
Old Trafford-ah Terry Berkley chuan, “Khawvel a tawp ta emaw tih mai tur a ni. Minute hnih hma lam kha chuan champion kan ni a. Ka awmdan sawichhuahna tur thumal hi hmuhchhuah a la ni lo,” a ti tawp!
Ka lawmpui (ngeiawm) e!
United manager Sir Alex Ferguson chuan City a lawmpui thu a sawi a, mahse lawmpuina thu satliah ngawt chu a tawk lo a, a ngeiawm tel leh kher kher!
“Mi zawng zawngin City hi chak turin an beisei a. Mahse player 10 lakah, darkar chanve lai an khel a, chumi hnuah minute 5 lai an khel leh a ni,” a ti te te a, “Mahse, City ka lawmpui a. He League hi a harsain a rei em em a, champion hi chuan an phu a ni mai,” a ti.
Kan lo chhuak thawt thawt a!
City fan, hmeichhe pahnih chu inkhelh tawp hmain, beidawng takin an chhuak a, an chak lai an hmu hman lo tih an sawi a. Mahse bus-a an chuan laiin radio-ah an chak thu an hria a, an tlan let leh a, field chhungah, a lam uar uarah an tang leh tih an sawi!
He mite pahnih zinga pakhat chuan, “Kan chak hi ka lawm lutuk. Kan haw tawh a, bus-ah headphone hmangin radio kan ngaithla reng a. Kan chak leh si tih kan hriat khan kan let leh nghal a ni,” a ti.
Hmânah, 1999 Champions League final-ah khan Manchester United chuan Bayern Munich lakah si khat an phur reng a. An chak tawh dawn lo emaw tiin United legend George Best chuan Nou Camp (final khelhna stadium) a chhuahsan a. Mahse hun pek belhah United-in goal hnih an khung leh si a! Taxi atanga chhuakin, mi dawrah TV atangin a en leh si a ni!
otc cialis
cialis 5mg
how much is cialis
cialis 10mg
viagra no prescription
Real viagra without prescription
Post nghaihnawn(lungchhiatthlak) tak ani.
A hun taka Pathian a Che thin..
Egkim hi pathian ruat vek ani..magag taka mancini twgtaina kha pathianin a chhag ani kha..amah au tute pathianin a tithlwn gailo..
Football a ni emaw,eng game ah pawh Pathian a tel zel ngei ang. A chaktur leh tur lo ah chuan ka sawithei lo a, an NUNNA te,an taksa zawng2 kha a veng reng si a. Post tha tak a ni. Chhiar a nuam in a manhla e.
Keipwh,’..a inrwlh gailo’ th twp khi cu k like lo deuh,Chel ph UCL an lak chhan tepwh an teamah kristian hmingpu antama,(an rau chandan hriatpuilo mah ila)hengho hian twgtaina lamah an thlen chhove nasa viau turte pn gaihruat ila asual m2 dn mle,CT erwh aneitute mosolman an nh avaga Kaka ph kal duh talo aga Upa Ngurthntluanga’n a rindan aswi tekha min t hrecuak…engph nse agaihnwm hlemai
Keipwh,’..a inrwlh gailo’ th twp khi cu k like lo deuh,Chel ph UCL an lak chhan tepwh an teamah kristian hmingpu antama,hengho hian twgtaina lamah an thlen chhove nasa viau turte pn gaihruat ila asual m2 dn mle,CT erwh aneitute mosolman an nh avaga Kaka ph kal duh talo aga Upa Ngurthntluanga’n a rindan aswi tekha min t hrecuak…engph nse agaihnwm hlemai
Xiang a thil comment hi hriat reng chi mawle 🙂 kan en chhin ang, a lo met leh si anih chuan De Gea hi ZoFooties ten kan khing ang. haha
@Zama, i tilawmawm thin e.
@TLT, ‘a inrawlh ngai lo,’ han tih teh tawp chu – Kristian thurin nen a va inkalh awm ve! 😀 (NOI)
@Xiang, ni chiah, lo en ila, hmelchhetea chu 🙂
Man Utd goal keeper David De Gea khan Man Utd kan champ hma loh chuan khabe hmul ka met dawn lo a tia…………….lo en chhin ila.
Engkim hi Pathian kutah a awm alawm. Kum 44 lai nghaktu City fan-te ka lawmpui thu ka’n sawi ve tlai khawhnu ang e.
Ehemz,SAF leh Phil Jones a te hmel kha a khat tawkin ka en reng zel,nuihxathlak,:-D
Football-ah Pathian a in rawlh ngai lo. Chak tur chuan vanneih tel ve a ngai thin.
A va han ngaihnawm ve le. Rilru a khawih hle mai. Hei chu dahthat tlak khawpa post hlu a ni tlat mai.. A bengvarthlak lutuk tlat !