Barclays Premier League table thar ber hi i’n belchiang dawn teh ang. Bracket chhung ami hi kar hmasa-a an position a ni.

POS
1 (1) Manchester United – 79
2 (2) Manchester City – 71
3 (4) Arsenal – 61
4 (3) Tottenham Hotspur – 59
5 (5) Chelsea – 56
6 (6) Newcastle United – 56
7 (7) Everton – 44
8 (8) Liverpool – 43
9 (9) Sunderland – 42
10 (10) Fulham – 42
11 (11) Stoke City – 41
12 (12) Norwich City – 40
13 (13) West Bromwich Albion – 39
14 (14) Swansea City – 39
15 (15) Aston Villa – 34
16 (16) Bolton Wanderers – 29
17 (17) Queens Park Rangers – 28
18 (18) Blackburn Rovers – 28
19 (19) Wigan Athletic – 28
20 (20) Wolverhampton Wanderers – 22

Manchester United hi champion tawh tluk an ni a, mahse tun thla 30th April hian Etihad stadium ah an hnuai chiah a awm Manchester City chu an bupui ah an luhkhung ve leh dawn a, hei hian champion nomawi chawi tur chu a hril dawn a ni. Arsenal leh Totenham Hotspurs ten an dinhmun an inthlakthleng tih loh chu club dang ten an dinhmun an sawhsawn lova, GW 32 hian table ah danglamna nasa tak a thlen lem lo a tih theih. Arsenal in hmuh theih khawp in hma an rawn sawn a, Totenham erawh UCL an khel pha dawn nge dawn lo tih a chiang ta lo. Chelsea leh Newcastle an in um zel a, 1 & 2-na an fal ang bawk in 3-6 te hi an fal leh a, Everton hnuaiah Liverpool an la tang mek zel bawk.

Everton – 44 pts, Liverpool – 43 pts, Sunderland – 42 pts, Fulham – 42 pts, Stoke City – 41 pts, Norwich City – 40 pts, West Bromwich Albion – 39 pts, leh Swansea City – 39 pts te in san hleihna ‘margin’ hi a te hle mai a, chuvangin Liverpool hi an insiamtha hle te a nih ngawt loh chuan season tawp ah top-10 ah takngial pawh an langpha lovang tih a sawi theih miah loh. Wolverhampton (22 pts.) hi relegate tur chiang sa ah an ngaih theih tawh a, mahse Bolton Wanderers (29 pts), Queens Park Rangers (28 pts), Blackburn Rovers (28 pts), Wigan Athletic ( 28 pts) te erawh an in hnaih angreng khop mai a, an game tin a pawimawh vek tawh dawn a ni.

Table hi han zirchian deuh chuan Manchester United hi champion lo tur ah an dah ngam meuh loh a ni ber in a lang. Arsenal an kang tual tual dawn a a lan laiin Chelsea leh Tottenham Hotspurs erawh an hnungtawlh lovang tih a sawi theih tlat loh. Newcastle hian Europa League an khel pha ngei dawn in a lang ta a, UCL pawh la beisei pha dinhmun ah an ding mek a ni. Spurs hian an dinhmun hi humhim theihna chance erawh an nei ve tlat thung. UCL lam panga thle Chelsea hian Tottenham Hotspurs tlanpel tur hian thahrui an ngah bik vak tawh in a rinawm loh. Tottenham hma hi a chhah ta lo viau a, Big 4 ah hian season tawp thleng inhamtang turin chance an nei ṭha hle a ni. Tin, Newcastle pawh hian May 2 leh 6 ah Chelsea leh Manchester City an hmachhawn leh dawn a, he fiahna hi an paltlang thei a nih loh chuan ‘UCL Dream’ hi a tawp nghal bawk ang.

Engpawh nise Table ler leh a mawngphah te dinhmun hi sawilawk awl viau mahse top-half ah leh bottom-half ah te hi chuan game week pakhat in pawi a khawih thui thei dawn hle in lang. Inkhel a hmuhnawm tawlh tawlh dawn in a lang a, club te in tan an rawn la chho tan zel a, ‘an hma a pan deuh tawh e’ kan tih ho pawh khi a hma chhah ber ber an ni lovang tih a sawi theih miah loh.