Gameweek hmasa khan table a a chung lamah position tlem inthlakthleng deuh mahse tun tum chu relegation zone tlem in a insawi danglam deuh tih loh chu danglamna tun gameweek khan a thlen hran lo.

Manchester United fal taka an thlawk lai chu Wigan tlak hlau mangang ban vaiin an puk ah an sa huat lai ah tak an lo vai fuh hlauh mai a, hetih lai hian an hnung chiah a awm Manchester City in harhtharna changin an rawn chak leh bawk nen, title race boruak a sang ṭan dawn hlein a lang.  Amarawhchu khelh 5 chauh a awm tawh avangin points 5 hian thil a tithei hle dawn in a lang. Sawi tawh angin Gameweek hmasa a 16-na Bolton Wanderers leh 18-na Blackburn Rovers te an tla hniam deuh tih loh chu tun gameweek khan table-ah danglamna tam tak a thlen lem lo a ni. Bolton in Sports Direct Arena-ah Newcastle an hneh loh avangin relegation zone ah an tla thla a, kheltha Wigan Athletic leh QPR ten relegation zone an chhuahsan ve leh ta.

Table hi tier/group  5 in a inthen phawk mai a, 1&2 hi an fal viau a, tin 3-6 : Arsenal-64, Tottenham Hotspurs-59, Newcastle United-59, leh Chelsea-57  te pawh hi an inhnaih viau a, Arsenal hi an fal deuh tih loh chu postion 4-na in chuh hi a ropui dawn hle niin a lang. Tottenham hian beisei an pha lo hle a, tin Chelsea pawh hi UCL lamah an rilru an seng deuh nge ni Premiership lamah hian an vung ta lo hle mai a, Newcastle United hi hetiang reng a an khel a nih chuan 4-na hi Tottenham hian an hum reng thei bik hauh lovang.  Table a group lian ber 7-12 pawh hi boruak a sang chho dawn tan khop in a rinawm. Club tin in a position an hum theuhva, Swansea leh West Bromwich te tun gameweek ah an hniam deuh avangin 3^rd tier a an dinhmun hlohvin points 35 neitu Aston Villa nen group thar an siam ta tlat mai. Tin, tier hniam ber 16-20 hi a ler a team pahnih champion tuma an in um tih lovah chuan Premier leaque ti hmuhnawm tu ber anni tawh dawn in a lang.

Wolves an insiamtha thei meuh lova, Wigan hi an hma ala chhah khop mai a, mahse hetiang reng a an khel a nih chuan relegation zone hi an tlan hlat san thuai in a rinawm. Blackburn leh Bolton te hian  relegation zone chhuahsan tur hian chakna an nei tam vak tawh lovin a lang. QPR an insiamtha tak tak dawn in a lang a mahse an hmaah club lian- Tottenham, Chelsea, Manchester City te an la ding vung mai a, theihtawp an chhuah a an vanneih kum a ni te a nih ngawt loh chuan division hniam ah thawn haw an ni leh ngei dawn in a lang.

Engpawh nise,  ‘Game’ a ni a engtik lai pawhin thilmak thleng thei a ni a (heihi inkhel tihmuhnawm tu pawh a ni reng a ni) season hun hnuhnung lam ah hian ‘club lian’ tia sawi tur an awm pawh in kei chuan ka hre tawh lo. Tu hma mah a êng hran bik lova, theihtawp a bei a a vannei apiang an dingchang dawn in a lang. Thil dang chu comment lamah kan sawi chhunzawm dawn nia.