“Thisen lumlai hi kan chak vanglai tak ani,” anlo tih thin kha a dik khawp in ka hria. Khawvela players ropui tak tak kan sawi tehi naupang te te an ni tawh a, Football ah hian kum upa deuh tan hmun a awm mang tawhlo ti ila kan sawi sual tamin ka ring lo. Khawvel  football tournament ropui tak tak ah te pawh tleirawl inkhel kan hmu fo ta maia, hei hi hmasawnna ropui tak niin ka hria. BPL 2011-12 season a tleirawl tha zual tur mi 16 thlanchhuah te hi ilo hnimhnai teh ang u :

 1.Danny Welbeck(Manchester Utd.)

He English forward tlan chak tak hi hliam in kum hmasa anga a tibuai leh te a nih ngawt loh chuan player ṭangkai tak a nih leh ngei football scientist te chuan an rindan chu a ni. Mahse, Manchester United ah hian Rooney, Chicharito, Berbatov, Owen, Machaeda an in rem tlar ṭhút mai a, hmun a chan chu a rinawm vak lo a ni. Mi thil thlir thiam deuh te chuan tun season chu loan a a chhuah leh hrih an ring a ni.

2.Ciaran Clark (Aston Villa)

Tleirawl thahrui ngah tak, Clark hi nakin lawk a Irish player ṭangkai tak leh Premier League a thawm nei lian tak a la ni dawn tih hi hai rual a ni lo! Coach hlui, Gerrard Houllier-a hnuai ah khan defensive midfielder ah leh left back ah a khel tlangpui a, a zam a tha a, a khel pawh a hmuhnawm thei khop mai. Tun season chu eng tak ang ang maw??

3. Connor Wickham (Sunderland)

England U-21 striker kum-18 mi lek 6’ 3” laia sang hian tun hnai hian England leilungah hnuhma a nei ṭha hle a. Sunderland official website phei chuan, “one of the country’s brightest  talents,” a ti hial a ni. Season hmasa ah ‘Ipswich Town’  a a khelh lai khan award hrang hrang : “2011 Football League Player of the Year,” “2011 Championship Apprentice of the Year,” leh, “Championship Player of the Month for February 2011,” te a lo dawng tawh bawk a ni.

4. Steven Caulker (Totenham/Swansea)

Kum-19  lek a upa, Spurs defender rorum zet mai hi Spurs tan first 11 ala chan loh hmel avangin amah a in tuaihriam lehzual theih nan ‘Swansea City’ lamah tunah hian loan a kal tir a ni. Mahse, loan hi season chanve tan chauh a nih avangin a chet that viau chuan Harry Redknapp hian a chhuh leh thei tho mai! A kum la tam lo hle mahse, he English U-21 full back hi thlirtute mit fukna ber a ni tlat tawh! Ani pawh hi engtak ang ang maw??

5. John Flanagan (Liverpool )

Kum-18 a upa, Irish chhulchhuak hian 11 April 2011 khan Liverpool tana a game hmasa ber a khel a, hemi tum hian a khel chhelo hle a. England U-19 squad ah telh nghal a ni a, mahse hliam a neih avang in vanduaithlak takin a tel thei ta lo a ni. Liverpool hian left back thar an lei anih loh chuan Flanagan hian first 11 a chan hmel khop a, a che vel hmuh a chakawm tawh khop mai.

6. Phil Jones (Manchester Utd.)

Tunlaia Manchester Utd. fans te’n a a hming kan lam ngun zia ngaihtuah pawh hian player theuneu tak a nih a rinawm loh!  2011 U-21 European Championship final group stage a England U-21 team captain arm band te pawh lo hreng ve zak zak tawh, ‘Blackburn Rovers’ ten innghahna tur a anlo neih tawh laiin, Pu. Alex-an alo hmuh tái sak hlauh avangin tun nipui transfer khan 16 million Pounds in Manchester Utd. ten an leichhuak ta a ni. Ani hi Rio Ferdinand chawlh hun a a thlak tu tur anga sawi hial a ni.

(to be cont… )