BPL 2012-13 Season gameweek hmasa ber an khel tan leh ta a. Zanin ah Liverpool FC chu West Brom home, The Hawthorns ah lut in bul tan nan 3-0 in an chaklo nghal a, Fulham leh Swansea City ten an tum pui te 5-0 ve ve in an sawp thung!! Newcastle United in an home ah 2-1 in Tottenham an hneh bawk.

West Brom 3-0 Liverpool :
Liverpool FC in manager thar Brendan Rodgers hnuai Premier League game hmasa ber ah an player thar Borini leh Allen te starting eleven ah dah nghal in beiseina sang tak nen The Hawthorns an lut a, kum dang ang bawk in Season tan ni nervous an nei leh ta,3-0 in West Brom an in sawp tir.!! 1st half ah game inhnehtawk tak leh game open tak in an khelh a, a tir lam ah Liverpool in half chance an nei nual a,game a rei tial tial a West Brom an nghet tulh tulh a, min 43 ah Zlatan Gera chuan West Brom tan corner atang a reverse ball rawn chhuak chu mawi lutuk in a pet goal a, 1st half ah 1-0 in West Brom in hma an hruai.

2nd half ah Liverpool an che buai tulh tulh a, Suarez leh Lucas ten yellow card an hmu a, min 58′ ah Agger chuan Red card a hmu zui a, penalty an chawi chu West Brom striker Shane Long chuan a miss hlauh.Min 64′ ah Skrtel in box chhungah a foul leh avangin penalty chu P. Odemwingie chuan a hlah tawh lo a 2-0 in hma an hruai ta.Min 77′ ah R Lukaku chuan chiang zet in West Brom tan a head Goal a, 3-0 in West Brom chak in season bul an tan ta a ni.

Fulham 5-0 Norwich City : Fulham in an home ah Norwich City chu 5-0 in an lo sawp a, an striker leithar Mladen Petric chuan goal hnih khung in season bul a tan tha hle! Fulham goal hmasa ber hi Damien Duff in min 26′ ah fing lutuk a ball a tlan luh pui atang a goal a ni a, min 41 ah Fulham striker leithar Mladen Petric chuan mawi tak in Fulham goal 2 na a khung a, half time a 2-0 in hma an hruai. 2nd half tan atanga min 9 lek ah Mladen Petric bawk chuan Fulham goal 3-na a khung leh a, A. Kacaniklic chuan min 66′ na ah a khung leh a, min 86′ na ah Sidwell chuan Fulham goal 5 na tur in penalty atang in a pet goal a. 5-0 in Fulham hian season thar an khuh hawng ta a ni.

QPR 0-5 Swansea City Rodgers in a chhuahsan hnuah Michael Laudrup in a enkawl Swansea chuan 5-0 in QPR chu Loftus Road ah an va sawp !! Player in lei hnem QPR hi an team an la in siam rem lo tih a hriat hle awm e. Min 8′ na lek ah Swansea striker Michu chuan goal a khung nghal a, goal dang awm lo in 1st half an tluan a, 2nd half ah Swansea an che na tulh tulh a min 53′ na ah Michu bawk chuan a khung leh a, min 63 leh 71 ah Nathan Dyer chuan Swansea tan goal hnih khung in, Scott Sincliar chuan min 81′ na ah khung leh in 5-0 in Swansea City an chak ho ta a ni.

Newcastle United 2-1 Tottenham : Inkhel hnuhnung ber ah season hmasa lam a beisei aia chetha Newcastle United leh Premier League a team hmuhnawm ber pawl Tottenham te an inkhel a, Redknapp in a chhuahsan hnuah Villas Boas a hmel kan hmu leh ta. 1st half goal awm lo mahse an inhneh tawk hle a, game pawh a hmuhnawm fu. Goal hmasa ber hi min 66′ ah a lut chauh a, Newcastle striker BA chuan a thiam a la theihnghilh lo tih lantir nan mawi tawk in a pet goal, Tottenham an zam mai biklo a, an innawr tawn ve reng a, min 76′ na ah Defoe chuan box chhung a cross ball buai nuaih nuaih kar ah chiang zet in a pet goal a 1-1 a ni. Min 80-na ah Hatem Ben Arfa chuan box chhung ah khalh lut in Tottenham defender ten an ti tlu a, amah bawk hian penalty pet in 2-1 in Newcastle United an chak ta a ni.