Breaking news : Carlton Chapman a thi !

Estimated read time 1 min read

India captain hlui Carlton Chapman chu tukin khan Bangalore – ah kum 49 mi niin heart attack vangin a boral.

Tata Football Academy atanga zir chhuak Chapman hi a vanglaiin Indian midfielder tha ber pawl a tling a, kum 1993 khan East Bengal zawmin Asian Cup Winners Cup – a Iraq club Al Zawra laka hattrick a siam chu a larpui hle.

Kum 1995 – ah JCT zawmin IM Vijayan leh Baichung Bhutia te nen inkawpin National Football League (NFL) hmasa berah champion an ni a, JCT tan hian nomawi 14 zet a chawi. FC Kochin tan khel leh zawkin a huntawp lamah East Bengal captain niin NFL nomawi a chawi leh a ni.

Inkhelh a chawlsan hnuah a zirchhuahna TFA tan kum 6 zet Instructor a ni leh a, Mizo footballer tha engemawzat chherchhuaktu a ni. Royal Wahingdoh a enkawl laiin a zawnin kum thum zet Shillong Premier League – ah a champion pui a, kum 2017 atang khan Kochi – a FC Quartz – ah Technical Director hna a chelh leh a ni.

C Tlanthianghlima

Football tui ve tak

You May Also Like

More From Author