FC Barcelona president, Sandro Rosell chuan June ni 30 a bang tur Pep Guardiola thlak tur in a assistant, Tito Vilanova-a an ruat tawh thu Press Conference ah a sawi.

FC Barcelona Sporting Director, Andoni Zubizarreta chuan hemi chungchang hi heti hian a sawi, “Pep Guardiola an club enkawl chhunzawm a tum tawh loh thu nikum October a a sawi khan amah thlak tu tur hi kan dap nghal a. Tito hi Guardiola thlaktu atan chuan duhthusam a ni, ” a ti.

Guardiola hi eng vang a bang nge a nih hriat ala ni chiah lo na in, zirtawpni tlai Press Conference ah amah thlaktu tur Tito a chungchang heti hian  a sawi: “Club hian thutlukna tha tak an siam in ka hria. Ani hian thiamna leh theihna sang tak a nei a, players te pawh in an nel hle a ni. Ani hian ka dam chhung a ka tihtheih ngai loh tur club tan hian a ti thei tih ka chiang a ni. Tin, ani hian phakloh ram ah Barca hi ala hruai thleng ngei ang tih pawh ka beisei a ni,” a ti.

Tin, Guardilo hian La Massia a a room-mate ni thin, Tito chu thurawn pe nghal in, heti hian a hrilh : “Nangmah I inpeih anih phawt chuan, I thiamna leh theihna tehi ringhlel lovang che. Tunah hian khawvel a club ropui ber, Barca manager ni turin chance an pe che a ni. Chu chu khawvel a manager zawng zawng te’n an duh leh an chak chu a ni,” tiin a hrilh.

Tito-a hian season thar atangin Barcelona hi a enkawl ang. Hetih lai hian, Guardiola hi khawi lam ah nge a kal dawn erawh hriat ala ni lo. Kum 41-na hmang mek Guardiola hian Barcelona tan 1990 atanga 2001 chhung khan lo khel tawh in, game 479 lai Barca tan hian alo khel ve tawh a ni. Kum 2008 atangin Barcelona manager atana ruat a ni a, kum 4 chhung  hian trophy 13 lai a lakpui a. UCL vawi hnih, La liga title vawi thum,  leh Copa del Rey te chu a Cup lian zual lakte an ni.