Australian Winger kum 27 mi Bret Holman chuan a khelh mekna AZ Alkmaar chhuahsanin Aston Villa a zawm dawn ta.

Tunah hian Alkmaar leh Villa lam chu inrem tawhin, kumin nipui transfer hunah an inlei fel dawn a ni. Holmea hi Australia’s Football Writer Player Of The Year 2011 niin ram tan vawi 53 a khel tawh a. tunhnai Aussie player zinga hlauhawm berah mi tamtak chuan an ngai hial a ni.

Holman hian kum 10 dawn lai Holland a a cham chhungin Feyenoord, Excelsior, NEC Nijmegen leh AZ Alkmaar ah te a lo khel kual tawh a, tunah chona thar hmachhawn tura England-a a kal tur chu a lawm hle a, “English game hi a rangin winger tan phei chuan inkhelh a nawmna hmun a ni a, ka club leh Villa an inbe fel thei ta hi ka lawm hle a ni a ti.

Villa Boss Alex McLeish chuan, “Brett hi player fing tak a ni a, a tlan taima a, mual sir atangin ball hlauhawm tak tak a rawn pe thei a, ram tan vawi engemaw zat a khelh tawh bakah Champions League thlengin a khel tawh a, a experience hi kan hmang tangkai hle ang.” a ti.

Holman man zat tur hi puanzar a la ni lo.