Borussia Dortmund chu German Bundesliga champion an ni ta. Dortmund hian Inrinni khan Borussia Moenchengladbach chu 2-0 in an hneh a, match hnih khelh tur la awm mahse point 8 in hma an hruai tawh a, pahnihna Bayern Munich tân umphak ngaihna a awm tawh lo a ni. Borussia Dortmund hi season hmasa khan German Bundesliga champion an lo ni tawh bawk.
Borussia Dortmund hi Bundesliga bikah vawi 26 hneh loh nei loin an kaltluang tawh a, hei Bundesliga record a ni nghe nghe. Player naupang tak tak leh man tlawm tak tak hmanga team din an nihna hi Bundesliga champion an nih tiropuitu lehzualtu a ni awm e. Inrinni zana game pawimawh an khelh pawh hian first elelven ah kum 23 aia naupang paruk ngawt an lut a, goal thuntu pahnih Ivan Perisic leh Shinji Kagawa te hi kumhnih lek kalta kha chuan Japanese second division team ah an khel ṭhin. Player manto leh lar tamna Bayern Munich a kum zâwna an khûm thei hi hlawhtlinna ropui tih loh rual a ni lo.
Dortmund coach, Jurgen Klopp a lawm khawp mai a, “Kan thiltawn hi thua sawichhuah hleihtheih pawh a ni lo a, he team inpekna leh thawhrimna vang liau liau a ni. Bundesliga team zingah champion phû an awm a nih chuan keini hi kan ni ngei ang, a ropui thlawt a ni.” tiin an champion zawh hian a sawi.
Hei hi Borussia Dortmund in German League title vawiriat an lakna a ni tawh a. Bundesliga bik hi kum 1963 ah din niin, Dortmund hi vawi nga an champion tawh a ni. Ti hian, May ni 12 ah Bayern Munich nen German Cup final khelh tur an la nei cheu bawk. German Cup ah hian an champion thei a nih chuan, he team hi Borussia Dortmund history-a League leh Cup lakawp thei hmasa ber an ni ang.
German Bundesliga ah hian team 18 an awm a, tunah hian match 32 ṭheuh khel tawhin Borussia Dortmund hian point 75 an hmu tawh a, Bayern Munich hian point 67 chauh an la hmuh avangin inumphak ngaihna a awm tawh lo a ni.
Borussia Dortmund squad:
No. Position Player
1 GK Roman Weidenfeller (vice-captain)
2 DF Julian Koch
4 DF Neven Subotić
5 MF Sebastian Kehl (captain)
6 MF Florian Kringe
7 MF Moritz Leitner
8 MF Antônio da Silva
9 FW Robert Lewandowski
11 MF Mario Götze
14 MF Ivan Perišić
15 DF Mats Hummels
16 MF Jakub Błaszczykowski
18 FW Lucas Barrios
19 MF Kevin Großkreutz
20 GK Mitchell Langerak
21 MF İlkay Gündoğan
22 MF Sven Bender
23 MF Shinji Kagawa
24 DF Chris Löwe
25 DF Patrick Owomoyela
26 DF Łukasz Piszczek
27 DF Felipe Santana
29 DF Marcel Schmelzer
31 MF Marvin Bakalorz
36 MF Mario Vrančić
37 FW Terrence Boyd
41 GK Johannes Focher
viagra mail order usa
Buy viagra discount
Kagawa UTD in kan la ta, Japanese ho hi an hmel en aiin an lo thiam riau.
“goal thuntu pahnih Ivan Perisic leh Shinji Kagawa te hi kumhnih lek kalta kha chuan Japanese second division team ah an khel ṭhin”
ka lo hre ve reng reng hleinem le..an lawmpuiawm khawp mai
Congrats BVB, player en chuan Bayern hi an champion chu beisei awm zawk a sin mawle, coach Jurgen Kloop a vang liau liau ani e…..
an lawmpuiawm hle mai
Keipwh Mike khi ka thlwp keuh e,Sammer leh Paul Lambert,Lars Ricken tekha lug an tileg ve hman tk2,Sammer a inhliam avaga a chwl hma ltk ka ui zia tekha kn swikai daih te’ng
Jürgen Klopp hi manager tha tak a lo ni. Bundesliga-a vawikhat champion hi thil har tak a ni a, a zawna champion phei hi chu har tak tur a ni. Arsenal of Germany hi ka lawmpui e
Keipwh dortmund hi ka tan ber an ni thin..khwi league ah mah club lian ber hi ka tan gailo ve hrim2 a,an mahni elpha ve ho club dang hi ka tan tlagpui ve reg reg thin..ka lwmpui e.
German milian muthlu an rawn tho leh ni ber in ka hria. Germany a club ka ngaihsan an la ni reng. UCL knock out round a hmuh leh an chakawm. Duhtawk teh ang..aaa..ka lawmpui a ni 🙂
Ka lawmpui emai, ka la duhtawklo. B.Dortmund hi UCL ka en tirh a ka hmelhriat hmasak an ni a. Matthias Sammar kha a Dortmund bik ngoih ngoih..:)
Bundesliga hi league dang aiin champion a har zawk thin a. An champion leh thei hi an ropui ka ti. Nuri Sahin aiawhtu tura lak Gundogan hian beisei a phalo ka ti a. Hummels leh Subotic an fakawm, rinawm thlawt! Kagawa hi a lo tha a ni!!