BVT 0-0 AFC: SEMIFINAL LUT CHIANG TAWH INKARAH CHAK ZAWK AWM LO

Estimated read time 3 min read

Mizoram Premier League Round 13 inkhel hnuhnung berah semifinal lut chiang tawh sa pahnih inkhelin Bethlehem Vengthlang FC leh Aizawl FC te goal inpe lo in an inhnehtawk. He inkhelah ahian Aizawl FC midielder Lalnuntluanga chu man of the match atan thlan a ni..

ZoFooty Statistics:

Bethlehem Vengthlang FC 0-0 Aizawl FC (FT)

48% Ball Possession 52%
11 Shots 9
3 On target 2
1 Yellow Cards 1
0 Red Cards 0

MOM: Lalnuntluanga (AFC)

Powered by Rainbow Multibrand Mobile Showroom.

Tute nge khel?

BVT FC: Malsawmdawngzela, R. Lalrinsanga, H. Lalhlimpuia, K. Lalmalsawma, Lalrammuanpuia, Hmingthanmawia, Laldinliana Varte, Zosangkima, Samson Ramengmawia, PC Laldinpuia, Lalnunmawia.

Subs: Lalmuansanga, Lalhruaitluanga, B. Zothanmawia, Laldingngheta, Lalrintluanga, Lalmawizuala, Lalvenkima, PC Zosangliana, Lalzatluanga.

AFC: Zothanmawia, Jonathan Lalhriatkima, Lalramhmunmawia, Lalnuntluanga, Rochharzela, Jonathan Lalrawngbawla, William Lalnunfela, B. Zoramthara, Bright Middleton Mends, Benjamin Eniwo, Lallawmzuala.

Subs: Lalawmpuia, Lalhriatrenga, Ricky Lallawmawma, Lalrinzuala Khiangte, Brandon Vanlalremdika, Rohmingthanga, Vanlalthazuala, F. Lalremsanga, Albert Zohmingmawia.

Team pahnihte hi semifinal lut chiang tawh sa an ni a, chutih laiin table a an dinhmun azirin seimifinala an hmachhawn tur a la danglam theih avangin inthlahdah ngawt theih a ni bik lo. BVT hian an player tha an chhawr kim thawkhat thei a, chutih laiin Dingngheta erawh a la start chuang lo a, veteran midfielder Samson-a a start thung. Aizawl FC lamin inhliam an ngah a, an inhahchawlhtir hrim hrim niin a lang a, an first team pangngai atangin pathum vel chiah an khel thung.

Inkhelh tan atangin BVT lamin an nawr hret zawk a, chance pawh an ngah zawk. Aizawl FC tlarhnungah Jona leh Benjamin te an vawi khat din dunna a ni a, an tlarhnung a nghing ngunin Apuia pet, goal kham a fuh hnua sawt chhuak leh ta te kha goal ngat se chuan an tlarhnung hi an tho thei kher lo maithei a ni.

Aizawl FC hian nawr an tum thin a, mual laiah BVT an hneh lo deuh hlek na a, chance erawh nei lo an ni bik lo, minute 33-ah William chuan chance tha lutuk hmu in hnai set sawt atangin a thun lo a, a hnu lawkah mual lehlamah Apuia pet, goal ngei ngei tura ngaih tawh chu T. Mawian tha zetin a lo dang bawk.

Team pahnihten thapuia inbeihna chi a ni tawh lo tih an hria a, inhliam palh awm theite a nih avangin an fimkhur tawn a, chuti chung chuan BVT tan Apuia a hlauhawm reng a, an tlarhnungah Lalhlima leh Dinpuia te an khawng thei hle bawk. Aizawl FC tan Brandon a rawn luh hnuah a hlauhawm a, midfielder beisei phak lo Benjamin Eniwo pawh defense laiah chhawrin a khel chhe lem lo a, khel tha em em erawh a ni lo.

Minute 90 chhungin goal a lut lo a, team pahnih ten point khat ve ve an insem. Tihian, BVT hian pakhatna nih inbeiseina an la nei thei a, Aizawl FC erawh semifinal lut nihna ah an lungawi a ngai thung.

Rooney Opa http://rooneyopa.blogspot.com

Football ngaina em em mai, a khelh aia ziah tui zawk ka nih avangin zofooty.com hi ka tan a hlu a, ka theihna zawng zawng ka hmanna pakhat a ni. Tin, Mizoram football thanlen nan engkim thawh huamtu zinga mi ka ni ve e.

You May Also Like

More From Author

6Comments

Add yours
  1. 6
    Fitflop UK Beads

    Fitflop UK Beads

    excellent post, very informative. I wonder why the other specialists of this sector do not notice this. You must continue your writing. I’m confident, you’ve a huge readers’ base already!

+ Leave a Comment