Premier League table han en chuan Arsenal hi 17-na ah awm in an chethalo hle mai. English League 2 table han en leh ila, Shrewsbury Town hi tunah chuan 4-na an ni. Zanin hian Carling Cup khelh a ni leh tawh dawn a ni.

Inkhelh tan anih atanga minute 11 na ah Shrewbury in Collins goal hmangin hma an hruai a. Arsenal an inring hmanlo a ni ber e. Half-time dawnah Arsenal tan Kieran Gibbs in a thun a, 1-1 in an chawl lailawk. Second half tan anih atanga reilote ah Southampton atanga 12 million pounds a lei England winger thin William Chamberlain fapa Alex Oxlade Chamberlain chuan a ke dinglamin 15 yards vel atangin Arsenal goal hnihna a thun a. Arsenal an insiamthat hnuin minute 78 na ah Chelsea atanga hawh Yossi Benayoun chuan Arsenal chakna a nemnghet ta a ni. Arsenal tan Francis Coquelin, Oxlade Chamberlain leh Benayoun te an kheltha hle a ni.