Carling Cup Semi Final: Manchester City leh Liverpool ten Carling Cup Semi Final 1st leg an khel a (nizan hmasa lam ah Crystal Palace in Cardiff City an home ah 1-0 in an lo hneh tawh a nih kha). Manchester City in Liverpool an mikhual hmasa a, City hi an chak na mual ah 1-0 in an tlawm!!

Squad list :
Man City: Hart, Richards, Lescott, Savic, Clichy, Milner, Barry, De Jong, Johnson, Aguero, Balotelli.
Subs: Pantilimon, Zabaleta, Dzeko, Kolarov, Nasri, Hargreaves, Onuoha.

Liverpool: Reina, Kelly, Skrtel, Agger, Johnson, Downing, Spearing, Henderson, Bellamy, Gerrard, Carroll.
Subs: Doni, Jose Enrique, Coates, Kuyt, Carragher, Adam, Shelvey.

Inkhel te en hian manager pahnih ten an ti mai mai lo tih a hriat a, Mancini in Toure te unau African Cup avangin an chan a, inhliam vang in Silva a chan bawk a, hrem lai an Captain Kompany in mipui awmna atang in a thlir bawk a, inhliam dam kawr Nasri leh Dzeko ten bench atang bul an tan bawk.Kar hmasa a Premier League a Liverpool 3-0 a an hneh tum a goal khung tu te Aguero,Milner leh Lescott te an awm kim vek a. Liverpool lam pawh an inthlak nual a captain Gerrard leh Bellamy ten an start a,player tangkai Enrique a chawl ve thung.
Inkhel an tan a, Man City in ball an chang tam zawk a, a tir a ni bawk a open play an khel a mual leh lam leh lam ah ball a thleng zung zung a tih theih. Min 10 na ah Liverpool Captain Gerrard chuan box pawn atang in a shot a City keeper Joe Hart chuan a lo save pui hle. Corner a ni a, corner atang a Gerrard kick chu Downing chuan lo dawng in a volley chu Hart chuan mawi tak in a lo save leh bawk. Corner a ni leh a, Gerard ball thlawh luh chu Agger in a lo dawng a City player Savic chuan a lo titlu a penalty a ni. Min 12 na ah Liverpool Captain a lo ding chhuak a penalty chu keeper veilam kil sir tak ah pet in Hart chuan dive dik mahse a goal a Liverpool in hma an hruai ta a ni.1st half ah hian game an inhneh tawk fu a Aguero in chance tha tak a neih chu goal ah a chantir lo hlauh. Inhliam Spearing aiah Adam a rawn lut a Balotelli aiah Nasri a rawn lut bawk. Nasri hi a rawn luh atang a reilo te ah a shot chu Reina in tha tak in a lo dang hlauh a, 1st half a zo ta a ni.

2nd half ah manager ten game plan an thlak chiang hle a,Liverpool in an goal venhim an tum a, City in pet goal ngei ngei an tum thung. Liverpool in Carragher leh Enrique te defense tur in an dah bleh a , City in Kalorov leh Dzeko te an dahlut thung. 2nd half ah hian Liverpool in goal an veng a City player te dan chah an thupui ber a ni ber mai. Goal dang awm lo in Liverpool 1-0 in an chak ta ani.

Inkhel thlir ang : Liverpool in Premier League a an hnehloh leh an tlawmna mual Etihad Stadium ah an va chak leh thei hi an tan chuan hmasawnna ropui a tih theih ang. Tin, an captain Gerrard lokir leh hi an tan chuan player thar lei ang tluk zet a ni awm e. City in Yaya Toure awmloh an tuar dawn in a lang hle a. FA Cup ah an chak tawh lo a,Carling Cup ah 2nd leg an kheldan a zir in tla a tlalo thei an la ni. Europa leh Premier League ah champion na chance an la nei thung a, kum in 2012 a bul an tan dan ah chuan beisei a sang viau theilo tlat thung. Liverpool hi tun season ah Etihad Stadium a cleansheet thei awmchhun an ni. Semi Final 2nd leg hi Anfield ah khelh leh a ni dawn a, Liverpool hi tun season ah eng competiton ah pawh an home a chakloh an la nei ngailo a, Man City hian chak an duh chuan Liverpool home ah an va chak ngei a ngai dawn tihna a ni.