Carling Cup : Quarter Final khelh zawh a ni ta a, Old Trafford ah Man Utd rawlthar rual an chak zo lo a, Crytal Palace hneh lo in an tla . Semi Final fixture pawh a chhuak nghal e.

Man Utd 1-2 Crystal Palace
(HT 0-0)After Extra Time
Macheda (pen) 69   Ambrose 65Murray 98

Manchester United in division hniam zawk Crystal palace an mikhual a, Newcastle United nen an inkhel tum a inkhel player 10 te tel lovin an hmachhawn a,4-4-2 formation hmang in Berbatov leh Macheda te hmatawng ah an awm a, Old Trafford ah mikhual Crystal Palace player te an zam lo hle a, an game a tha in Man Utd in hmun thawl an hmu thei meuh lo. Goal hlauhawm tak nei lo ve ve in 1st half a zo a, 2nd half min 65 ah 35 yards atang in Ambrose chuan nalh tak in a pet goal a, inkhel boruak cool lutuk pawh a kai tho chiang hle. Man Utd in tan an la nghal a min 69 ah Macheda in penalty atang in a pet goal a 1-1 a ni a, hun pangngai ah goal inpe lovin in hneh tawk a Extra time an khel ta a, min 98 ah substitute Murray chuan a head goal a 2-1 in Crystal Palace an chak ta a ni.

Sir Alex in thupha a chawi!! :
Inkhel zawh a interview na ah Sir Alex chuan ” Sawi tur pawh ka nei lo, kan fans zawng zawng te chung ah ngaihdam ka dil e, khatiang inkhel kha Man Utd inkhel a ni lo.Crystal Palace lak ah hian engmah chan ka duh ngai lo a, ka lungawi lo khawp mai”.Crystal Palace chungchang sawi in ” An kal leh zelna tur ah duhsakna ka hlan a, an player te an tang a, Final an thlen ngei ka beisei pui a ni” ati Murray head goal chungchang ah ” 2nd goal kha chu a offside ngei chuan a lang, amaherawhchu chak zawk an phu a ni” a ti bawk.

Semi Final fixture :
Carling Cup Semi Final fixture pawh nghal a ni a intum tur te chu :
Liverpool vs Manchester City
Cardiff City vs Crystal Palace
Semi Final 1st leg hi 9 Jan,2012 ah khel a ni ang a, 2nd leg hi 23 Jan 2012 ah khelh a ni bawk ang.