Nizan khan Carling Cup 4th round khelh zawh a ni ta a Liverpool, Man City,Chelsea leh Blackburn ten a khing pui te an hneh vek.

Stoke City 1-2 Liverpool
Liverpool in season bul tantir a an hneh loh Stoke City khelmual ah an 2-1 in an va chak a,he inkhel hmuhnawm tak ah hian min 44 ah Liverpool defender thar Coates tihsual atang a ball rawn kal chu Stoke striker palian Jones in a head goal a, first half ah goal dang a luh belh lo. In nawr tawn viau mahse Liverpool striker te Stoke palian ho in an dang chat thei zel a , amaherawhchu min 54 na ah Suarez chuan defender bum in box veilam chhung chiah atang in mawi zet in a pet goal a, min 85 na ah Henderson ball cross tha zet chu chang tu awm lo Suarez chuan mawi tak in a head goal bawk.
Wolves 2- 5 Man City
Wolves khelmual ah City an chetha hle a 5-2 in an chak, a tir ah Wolves lam hi an che hleithei ve hle a min 18 ah N. Milijas chuan goal a khung a, Wolves lam in hma an hruai ren rawn a, amaherawhchu player nei tha zawk City lam an che a 37’A. Johnson,39’S. Nasri,40’E. Dzeko,50’D.D. Vries (o.g.),64’E. Dzeko te goal hmang in an chhang let a,min 65 ah J. O’Hara goal khat a khung ve bawk.
Everton 1-2 Chelsea (aet)
Everton leh Chelsea inkhel a hmuhnawm a,inhnehtawk tak a ni bawk ,team pahnih in red card an hmu an awm ve ve a, penalty miss ve ve an ni bawk. Min 38 ah Kolou chuan Chelsea goal hmahruai a thun a, Everton an tang ve tlat a, an thawhrim rah seng in min 83 ah Saha chuan an si phurh a sut a, extra time an khel a, tunlai English tleirawl chetha tak mai Sturridge chuan min 116 ah Chelsea chakna goal a khung hlauh a, an chak pui ta a ni.
Blackburn 4-3 Newcastle United (aet)
Blackburn leh Newcastle inkhel hi a ropui in a hmuhnawm a, action movies hnuhnawm tak nen tehkhin ila kan sawi sual dawn em ni a tih theih awm e!! Rochina 5,Yakubu (pen) 64 hmang in Blackburn in 2-0 in hma an hruai char char a,an chak mai tawh dawn emaw tih lai in Guthrie 90+3,Cabaye 90+6 injuty time goal hmang in an rawn draw a, extra time khelh chhunzawm a ni a,Lovenkrands (pen) 105+3 chuan Newcastle tan penalty a pet goal a, an chak pui tawh mai dawn emaw tih laiin Givet chuan 120 min ah a head goal a Blackburn hi 4-3 in an chak ta a ni.

Quarter Final thlir ang:
Tun season chu Carling Cup ah pawh team lian Man Utd,Man City,Chelsea,Liverpool,Arsenal te an la kim thap mai a, Carling Cup quarter final ah hetiang hi thleng khat tak mai a ni awm e. EPL ah intihsiakna a sang tawh si a, club tin ten hlawhtlinna atan Cup chawi an duh tawh a tun hma a an ngai pawimawh vak loh thin he cup ah pawh hian tunhnai ah chuan an dah pawimawh tawh zia leh player an kheltir atang pawh in a hriat mai awm e. Blackburn,Cardiff,Cristal Palace te an la awm bawk a, Fixture hi 29th Oct ah draw a ni dawn a, team lian in beihna a awm tawh ngei beisei theih a ni ta.