Tun ṭum chu football news ngawr ngawr ni lo, football kaihhnawh ni si, kan hlimpui em em tur, ‘cartoon look-alike’ tih thupui hmangin post kan rawn siam ve teh ang. A thupui ah hian ‘cartoon’ tih ka rawn dah kher a, mahse hei hian lem ziah chawp, rawng a chei mawi ho ringawt a huam lova Movies a kan hmuh thin mihring pangai ang chiah nilo ‘imaginary characters’ te pawh a huam tel vek a ni. Tin, an hmel leh pawnlam lan dan ringawt nilovin an nunchang leh chezia te pawh a huam tel bawk a ni.

Khawvel hi a zau tehreng nen, mihring lah kan tih tak viau lai hian phir takngial te pawh hian inan lohna lai engemawtal chu an lo nei ve zel mai. Mahse, a tam a tam ta na na na chu inang tak tak chu kan lo tam khawp mai. Inkhel kan en chang hian players kan la hmuh ngai loh emaw kan lo hmuh fo tawh te pawh, “khi pa chu chumi-khami kha a ang khawp mai..” in ti ve fovin ka ring. A ṭhen chu cartoon/ movies kan en changin an ‘characters’ te kan hmuh apiangin footballers an anpui te kan hrechhuak ve fo thin bawk. Tun tum ah hian Football khawvela a kan hriatlar tak tak te leh an anpui (nungchang/ hmel.etc) te ka rawn tarlang dawn a ni:

1. BRAD FRIEDEL & THE THING (FANTASTIC 4 ) : An lu a kawlh ve ve vang chauh a inang an ni lova, an pumrua mai bakah an chet zia hian inanna tam tak an nei a ni. An telna team ve ve ah a hnudawltu ve ve niin an hnathawh pawh a rorum dun hle bawk. Tin, an mitmeng hi a inang tih hi hai rual a nilo. 

2. MALOUDA & PREDATOR : ‘Predator’ film hi an en apiangin a chhung ten Malouda hi an hriatchhuah zawk thin ka ring.  A sam a sei loh chuan an inang lutuk hran lo, mahse a sam an phiar ve chiah hian chhungte rilru a ti na ve ṭhin ngawt in ka ring.

3. FRANK RIBERY & SLOTH (THE GOONIES) : Ribery hi inkhelh lo thiam ta lo pawh nise film lamah hian eizawnna ngialnghet deuh chu a neih tho ka ring. A hmel a common lo ang bawk hian a nungchang a common lova hei hian ‘Sloth’ pawh hi a an zual tir niin ka hria.

4. CHRISTIANO RONALDO & ASTROBOY : Khawvel ah hian khawsa duhdah tak tak leh khawvel chen tak tak chu an tam khawp mai, mahse ‘khawvel ngam’ tak tak erawh an tam lo khawp mai. Anni pahnih hian khawvel chu ngam biai biai tak an ni. Football hi Cartoon series ang chu ni ve se chuan Ronaldo pawh hi Astroboy ang tho hian a thlawk thei ve ngei ang. An hmel ah inanna tam tak an nei a, an awmna mual ve ve ah ‘superpowers’ an nei ve ve a, a ‘ber’ an ni ve ve bawk.

5. RAFAEL BENITEZ & AL THE TOY COLLECTOR : Pakhat zawk hian ‘toys’ a collect thin a, pakhat zawk hian a kal na apiangah ‘footballer-toys’ a collect thin thung. An hmuihmul leh khabehmul, an haistyle, leh an nuih dan thleng hian an inang chiah a ni. A tu zawk hi ‘tu’ model nge nia, tu zawkin nge entawn tih chu a chhiartute ngaihtuah ah ka dah mai teh ang.

( to be continued….)