La Liga club Villarreal chuan an midfielder Santi Cazorla chuan naktuk hian an club tana a game hnuhnung ber a khel dawn tih an puang.
Villarreal hian naktuk zan dar 10:00 – ah Eibar an mikhual ang a, hei hi kum 35 a upa Cazorla tan chuan a seilenna ‘Yellow Submarine’ tana a inlan hnuhnung ber a ni ang.
Spain tan a vawi 81 inlan tawh Cazorla hian 2003-2006, 2007-2011 leh 2018 atanga vawiin thlengin Villarreal tan hian a khel a, tun season La Liga – ah vawi 34 inlanin goal 11 a thun bakah assist 9 a nei a ni.
Tun season tawpah Cazorla hian football chawlhsanin a thian tha Arsenal coach Mikel Arteta hnuaiah coach angin a awm dawn nge Qatar club Al Sadd a zawm dawn tih an inrinsiak mek.
