Vawiin ah Venghlui leh Chanmari West ten an khingpui te hneh in 17th YMA Football Tournament (Vodafone Cup 2012) Semi Final an lut ta a, vawiin hian nidang aiin goal lut a tam a, inkhel boruak a sang in , fans ten an tawiawm tha a, Lammual pawh Mizoram Football inpui a nihzia a hriat leh ta!!

Venghlui 3-2 West Phaileng : Vawiin match hmasa zawk ah Venghlui in si thum si hnih in West Phaileng an hneh.West Phaileng lam in goal an khung hmasa zawk a min 8′ ah Lalmuansanga chuan W.Phaileng tan goal a khung a, min 28′ ah Lalchhanhima chuan Venghlui tan a khung ve leh a, 1st half ah goal dang a luh belh lo. 2nd half min 60 ah Lalremruata chuan Venghlui tan goal a khung a, Venghlui fans te an phur lai tak in min 76′ ah Lalrammawia chuan W.Phaileng tan an si phurh a sut ve leh a 2-2 a ni. Red Card hmu 3 an awm a, W.Phaileng lam 2 leh Venghlui 1 in red card an hmu!! A tlem zawk West Phaileng an tang fu a chutih laiin Venghlui lam in min 86 ah Jerry Zorinsanga chuan goal a khung a. Hun a tawp zui a, Venghlui in Semi Final an lut hmasa ber ta a ni

Bethlehem Vengthlang 0-2 Chanmari West : Match hnuhnung zawk inkhel hmuhnawm tak ah Chanmari West chuan si hnih faiin Bethlehem Vengthlang an hneh a,football thiam veng leh veng lian ve ve an ni bawk a inkhel boruak a san bakah fans thawm pawh a tha hle. Chanmari West in star player Racy-a Santosh Trophy khel lo ho an chawr thei a, left wing lam ah ball a tlanpui tha thei hle, min 34′ ah H.Lalnunzira (Zirtea) chuan Chanmari West tan goal a khung a, game ah erawh an in hneh tawk hle a, 1st half a goal dang a luhbelh lo. 2nd half ah Bethlehem Vengthlang an tang fu a, goal hlauhawm erawh an nei hleithei lo. Min 58′ ah Lalrinsanga Khiangte chuan Chanmari West tan mawi tak in a head goal a. 2-0 in Chanmari West an chak ta a ,Semi Final an lut ve leh ta bawk a ni. Bethlehem Vengthlang hi football thiam veng an nih rual in REd Ribbon ang bawk in Quarter Final bak an pel lo leh ta, player naupang tak tak an nei a Mizoram Arsenal an tih theih awm e!!!

Venghlui leh Chanmari West te hi Semi Final a intum tur te an ni a, June ni 1 chhun dar 12:00 ah Lammual ah Semi Final 1st Match an khel ang.

Quarter Final Day 2 a inkhel tur te : 30/05/2012

12:00 am Ramthar Veng vs Ramhlun South

2:00 pm Armed Veng vs Leitan

Fans te thut hmun siam dan :
Match tin a team ziah hmasak zawk zel te fans te hi Lammual chhim lam leh thlang lam ah thut tur a ni a, inkhelh zawh ah Main Gate lam atang chhuah tur a ni, team leh lam hi Lammual Kopang leh AR Cinema Hall lam ah thut tur a ni a, inkhel zawh a RITZ market lam ah chhuah tur a ni.

Ramthar Veng vs Ramhlun South : Naktuk hian Aizawl North II Constituency a awm, veng inthenawm Ramthar leh Ramhlun South an intum dawn a, Ramthar Veng hi 2004 ah he tournament ah hian an champion tawh a,chutih laiin Ramhlun South pawh hi 2008 a Champion tawh ve tho an ni. Ramthar lam hian star player han tih em em tur nei tam lo mahse an team work a tha a, an left winger Ramengmawia goal tu ru em em 2 hmang in Bawngkawn an lo hnawtchhuak tawh a, an central midfielder te hi an chaklohna a ni deuh ber a, chutih laiin an defender te an inman in an khawng fu a, an chakna har pawh a tih theih awm em. Ramhlun South lam hi an star striker Zico Zoremsanga 2008 CYMA Football Top Scorer an nei dawn a, Shillong Lajong captain Samson-a te player dang  te rawn ho kim lai an lo chhawr thei bawk nen an that vanglai tak a ni a, Ramhlun South player te hi en an man hla fu a rinawm. Chak zawk tur hriatthiam a har a, fans te support pawh a pawimawh hle dawn a ni.

Inkhel tur Squad List :

Armed Veng vs Leitan: CYMA Football Tournament a hnuhma nei tha ber vawi thum lai lo champion tawh Armed Veng leh Leitan te inkhel tur hi a hmuhnawm hle tur angaih a ni bawk. Armed Veng hian Round of 16 ah an veng thenawm Armed Veng South penalty shoot-out hmang in an hneh tawh a, Lammual pressure sang ah in veng zo tur khop chuan inrintawkna an neih phah ngei a rinawm. Chutih laiin Leitan rawlthar rual in Aizawl khaw pawn team tha leh lo champion tawh Lengpui chu penalty shoot-out ah an lo hneh ve tho bawk a,chuvang in palzam mai mai chi chu a ni lo tih a hriat awm e. Armed Veng leh Leitan te hi football tuipui veng ve ve an ni bawk a, fans pawh an nei tha dawn tih chu hriatsa a ni ang.

Inkhel tur Squad List :

Quarter Final Day 2 a khel te pahnih a chak zawk te hian Semi Final ah Match 2-na an khel dawn a ni.