Inter Milan 2-5 Schalke 04

San Siro ah German in Italian an sawp a, football ngaina tu tan chuan inkhel hmuhnawm tak tihloh chi rual a ni lo. Mahse Inter fans tan chuan a hmuh ava hreawm dawn em!!!

Bul tan that hi a chanve zo a ni lo!!!

Inkhel tan atanga second reilo te ah, Halfway line bul atangin Stankovic an Manuel Neuer clear chu mawi lutuk in a volley goal a, hei baka goal mawi hi hmuh tur a tam kher lovang. Mahse an defending that tawk loh avangin Joel Matip an minute 17 ah Schalke 04 tan a su a leh nghal a. Inkhel ah pawh German ho hi an chungnung zawk hle.

Minute 34 ah Diego Alberto Milito in home team tan thun leh mahse an defending pherh tak avangin minute 40 ah Edu in a thun leh a. Minute 5 hnuah chuan first half chu a zo nghal mai bawk a.

Second half ah home team an rawn chetthat zawk beisei laiin mikhual ho an rawn tlangnel tulh tulh a. Europe a striker sulhnu neitha ber pawl Raul an tan atang minute 8 lekah a rawn thun a. Inter lungngaihna belhchhah tur in Andrea Ranocchia chuan an lamah a ti goal a, hei hi fimkhur loh vang a tih theih. Chuan minute 75 ah Edu an rawn thun lehin 1st leg a chak tur a rawn ti chiang mai nilovin Semi Final lut tur a rawn tichiang a tih theih awm e.