(Miracle of Istanbul)
10. Monaco 3-1 Real Madrid (agg 5-5, Monaco win on away goals), 2004
Qtr final-ah a ni a. Real Madrid hi an home-ah 4-2 in an chak a. 2nd leg-ah mualneitu Monaco bawkin si khat an phur hmasa leh a, score line 5-2 a ni. Mahse, Monaco lamin goal thum an khung leh a. 5-5 niin away goal rule-in Monaco an chak.
__________
9. PSG 1-3 Manchester United (agg 3-3, Man Utd win on away goals), 2019
Round of 16 ah a ni a. Man Utd hi an mualah si hnih faiin an tlawm a. Mahse, khual mualah 3-1 a hnehna changin agg score 3-3 a ni a, away goal ngah zawk Man Utd an tlang.
__________
Chelsea 4-1 Napoli AET (agg 5-4), 2012
Napoli mualah Chelsea an tlawm a (3-1), an muala 2nd Leg khelhah 3-1 in hun pangngaiah an chak ve thung. Extra time khelh a ni a, Ivanovic-a goal hmangin Chelsea an chak a, qtr final an lut.
__________
7. Manchester United 2-1 Bayern Munich, 1999
Nou camp-a Final khelhah Bayern Munich chuan Basler-a goal hmangin minute 6 naah hma an hruai nghal a, minute 90 an khelh thlengin hma an hruai! Mahse, beidawng lovin Man Utd in an bei a, 90+1 ah Sheringham-a goal hmangin an si phurh an sut. An la duh tawk lo, added time zawh hma hret, 90+3 ah Solskjaer chuan Man Utd champion na goal a khung – Bayern tan a nat dan a zual a, Sir Alex leh a hote tan a lawmawm dan a danglam thung!
__________
6. Deportivo La Coruna 4-0 AC Milan (agg 5-4), 2004
Qtr final a ni a. Milan hian an mikhual Deportivo chu 4-1 in an lo sawp a, an ke vei lamin semi final an rap tawhah ngaih a ni. Mahse, 2nd leg-ah si 4 faiin Deportivo hian an lo sawp let a, agg score 5-4 niin Deportivo zawk an chak ta.
__________
5. Roma 3-0 Barcelona (agg 4-4), 2018 (Roma wins on away goals)
Qtr Final a ni. Barcelona hi an mualah 4-1 in an chak a, Roma hi tla chiangah mi tam takin an ngai. Mahse, 2nd leg-ah comeback ropui an lan tir a, si thum faiin an mikhual Barca an lo sawp. Agg score 4-4 niin away goal nei zawk Roma an tlang daih.
__________
4. Ajax 2-3 Tottenham (agg 3-3, Tottenham win on away goals), 2019
Semi Final a ni a, Tottenham chu an mikhual Ajax-in si khat faiin an hneh. Si khata hma hruai chungin Ajax-in 2nd leg-ah Tottenham an mikhual a, minute 35 an khelh chuan goal hnih an khung belh zui bawk, agg score 3-0 a ni a, an dinhmun a duhawm viau. Mahse, an mikhualte hian Lucas Moura Hat-trick hmangin an barakhaih a, Moura hian minute 55, 59, 90+6 ah te goal khungin, away goal nei tlem zawk Ajax-in final an thleng zo ta lo.
__________
3. Liverpool 4-0 Barcelona (agg 4-3), 2019
Semi Final tho a ni a. An mikhualna ramah Liverpool an va tlawm chiang hle a, si thum faiin mual neitu Barca-in an lo sawp. 2nd leg-ah beisei nei sang vak lo chungin Barcelona an mikhual ve ta a, si 4 faiin an lo sawp let! Final ah Tottenham hnehin an champion zui.
__________
2. Barcelona 6-1 PSG (agg 6-5), 2017
Round of 16 a ni a. 1st leg-ah mual neitu PSG si 4 faiin an chak. Nou Camp-ah pawh Barca tan comeback huphurhawm tak tura ngaih a nih laiin, 2nd leg ah hian Barca in 6-1 in an lo sawp let a, agg score 6-5 niin Barcelona an chak.
__________
1. AC Milan 3-3 Liverpool (Liverpool win 3-2 on pens), 2005
Final a ni a. 1st half ah AC Milan-in 3-0 in hma an hruai a, rilrua trophy suangtuah chungin chawlh lawk an hman a rinawm! Mahse, chawlh lawk hmang tangkai Liverpool-in 2nd half minute 15 chhungin an si phurh an sut zo vek a, Penalty shootout hmanga chak zawk zawn niin 3-2 in Liverpool an chak a, an champion zui. Istanbul-a Liverpool comeback ropui tak hi ‘The Miracle of Istanbul’ tiin an vuah.
(Ngaihdan a inang vek lo thei ang a. Hei hi expert thenkhat ngaihdan lak khawm a ni – Amama Varte)
