Champions League: Messi a ropui zual zel

Estimated read time 2 min read


Lionel Messi chu Champions League game-a goal 5 khung thei player hmasa ber leh awmchhun a ni ta a. Nilai zana Bayer leverkusen 7-1 a an sawp tumin Messi hian goal 5 a khung a, champion lai Barcelona chu quarter-finals a luhpui a ni.
Messi hian tun season-ah Argentina leh Barcelona tan game 49 a khel tawh a, goal 53 a khung tawh bawk a. Barcelona tana goal khung hnem ber, Cesar Rodriguez (goal 235) aiin goal 7 chiahin Barca tan hian a la khung tlem a, a la naupang bawk a, goal 228 khung tawh Messi hian Barca tana goal khung hnem ber record a siam ngei a rinawm ta hle.
Kum 24 a upa Messi hian Laverkusen nena an inkhelhah hian first half-ah goal 2 a khung a, second half-ah goal 3 a khung belh leh a. Guardiola chuan a vawikhat nan kum 20 a upa midfielder Cristian Tello chu Andres Iniesta thlak nan a luhtir a, ani pawh hian goal hnih a rawn khung a ni.
Messi hi mi tam takin an fak nasa hle a. Liverpool midfielder hlui Terry McDermott chuan, “Messi hi khawvela player tha ber a ni. Liverpool \hat vanglai, 1970 tawp lam leh 1980 tir lam, European football-a vawklal len thei team-ah khan ka khel a, mahse tuna Barcelona team hi khatih lai LFC ai khan an tha zawk,” a ti a. Manchester United striker Wayne Rooney chuan, “Messi hi a lawmawm takzet. Football khel tawh zinga tha ber niin ka hria,” a ti bawk.
England striker hlui Gary Linekar chuan, “He pa hi mi rapthlak a nih hi. Pele khel ka en lova, Messi hi chu mi zawng zawng aia a let tam taka thiam a ni,” a ti tawp a. England striker hlui tho Michael Owen chuan, “Khawvela a thiam ber ber inkhel en turin ka upa tawk lova, mahse Messi aia football thiam hi khawvelah an awm ka ring lo,” tiin a fak bawk.

Inkhel dangah APOEL Nicosia chuan penalty hmanga Lyon hnehin Champions League quarter-finals an thleng a. First leg-ah khan 3-2 in Lyon an chak a,second leg-ah hian APOEL tan Gustavo Manduca chuan hun pangngaiah a sut a. Hun pek belh thlenga goal an khung theih tawh loh avangin penalty an pet a. APOEL goalkeeper Dionissis Chiotis chuan vawihnih a save a, a vawikhat nan APOEL Nicosia chu Champions League quarter-final a thlenpui a ni.

You May Also Like

More From Author

10Comments

Add yours
  1. 4
    nuna chhangte

    A hnuga ding te vag cauh a ni lo ke ran leh tlan chak zia te hi..cubakah midag tih theih loh a ti hnem twh e mai. A ni hi cu mi bik a ni tlat…

  2. 5
    hminga.8

    Messi hi chu khawvelah athiam ber ani e:xep tur om lo:kum4 chhung a zawn in UCL top scorer ani thei ania;hetiang hi an awm toh m aw;D;tu ph a hnungah ding se. Atha tho2 ang;SaLa

  3. 7
    Xavi Faka Fanai Xarep

    Messi tuna an fak takna zwg zwg khi a wm viau e..tun dinhmun thleg tur hian a vannei tel ve bwk in ka gaia,euro leh wc champion kwp thei team a an player tha ber ber te a hnugah an dig zela,atan chet a wl phah ve em bwk ani.

  4. 8
    Zorema01

    Messi hi zawng, football-ah na na na chuan a ropui, camp nou-a khelhah ngat phei chuan; mahse ka player tan zawng tak zuk ni tlat lo va. A pass hnem viau tho naa ball tlan kualpui vak vak a ching ka ti riau a..! Centre atanga a khalh goal te kha ropui ka ti vak tlat lo! Argentine player ka hmuh ve phak chinah chuan Gabriel Batistuta chiah ka la duh.

  5. 10
    Fernando ribery

    Messi chuan Barca tana goal khung hnem ber record awm lai hi goal engzat takin khum thei ang maw.

+ Leave a Comment

Champions League: Messi a ropui zual zel

Lionel Messi chu Champions League game-a goal 5 khung thei player hmasa ber leh awmchhun a ni ta a. Nilai zana Bayer leverkusen 7-1 a an sawp tumin Messi hian goal 5 a khung a, champion lai Barcelona chu quarter-finals a luhpui a ni.

Messi hian tun season-ah Argentina leh Barcelona tan game 49 a khel tawh a, goal 53 a khung tawh bawk a. Barcelona tana goal khung hnem ber, Cesar Rodriguez (goal 235) aiin goal 7 chiahin Barca tan hian a la khung tlem a, a la naupang bawk a, goal 228 khung tawh Messi hian Barca tana goal khung hnem ber record a siam ngei a rinawm ta hle.

Kum 24 a upa Messi hian Laverkusen nena an inkhelhah hian first half-ah goal 2 a khung a, second half-ah goal 3 a khung belh leh a. Guardiola chuan a vawikhat nan kum 20 a upa midfielder Cristian Tello chu Andres Iniesta thlak nan a luhtir a, ani pawh hian goal hnih a rawn khung a ni.

Messi hi mi tam takin an fak nasa hle a. Liverpool midfielder hlui Terry McDermott chuan, “Messi hi khawvela player tha ber a ni. Liverpool \hat vanglai, 1970 tawp lam leh 1980 tir lam, European football-a vawklal len thei team-ah khan ka khel a, mahse tuna Barcelona team hi khatih lai LFC ai khan an tha zawk,” a ti a. Manchester United striker Wayne Rooney chuan, “Messi hi a lawmawm takzet. Football khel tawh zinga tha ber niin ka hria,” a ti bawk.

England striker hlui Gary Linekar chuan, “He pa hi mi rapthlak a nih hi. Pele khel ka en lova, Messi hi chu mi zawng zawng aia a let tam taka thiam a ni,” a ti tawp a. England striker hlui tho Michael Owen chuan, “Khawvela a thiam ber ber inkhel en turin ka upa tawk lova, mahse Messi aia football thiam hi khawvelah an awm ka ring lo,” tiin a fak bawk.

Inkhel dangah APOEL Nicosia chuan penalty hmanga Lyon hnehin Champions League quarter-finals an thleng a. First leg-ah khan 3-2 in Lyon an chak a,second leg-ah hian APOEL tan Gustavo Manduca chuan hun pangngaiah a sut a. Hun pek belh thlenga goal an khung theih tawh loh avangin penalty an pet a. APOEL goalkeeper Dionissis Chiotis chuan vawihnih a save a, a vawikhat nan APOEL Nicosia chu Champions League quarter-final a thlenpui a ni.

You May Also Like

More From Author

+ There are no comments

Add yours