Chanmari F.C- in ‘Club Pholanna’ hun an hmang

Estimated read time 2 min read


Vawiin ni 4.6.12 (Nilaini), dar 1:00 khan Regency Hotel, Zarkawt-ah Chanmari Club chuan ‘Club Pholanna’ hun an hmang. He hun hi Club Treasurer Andrew Lalremkima’n a kaihruai a. Peter Zohmingthanga’n hunserh a hmang hnuah Club President leh Chanmari Local Council member ni bawk R. Lalhmachhuana’n thusawina huna nei a. Thusawina neih zawh hian Secretary J. Lalsangzuala (Mapuia) chuan certificate (Club Shareholder) hlanna rawn neiin report a zui nghal a ni.

Report pek zawh hian Rosy K. Remsangpuii chuan Miley Cyrus hla ‘The Climb’ hmangin mipui zaiin a rawn awi a. A zai zawh hnu hian MFA aiawh MFA Honorary Secretary Lalnghinglova Hmar (Tetea) chuan thusawina hun rawn neive lehin hemi zawh hian Club Asst. Coach M.S. Dawngliana chuan player introduction a rawn nei leh bawk.

He Club Pholanna hun hi ni 5 July (Ningani) zan dar 8-ah Zonet Zawlbuk ah tihchhuah a ni ang.

Secretary Report

Vawiin ni a Chanmari Football Club pholanna hun hmang tura lokal zawng zawngte chibai vek ule.

Chanmari Football Club hi ni 19 June 2011 khan din a ni a, hruaitute inthlang nghalin tunah hian Patron 1, Senior Adviser 2 nen mi 26 Club hruaitute an awm mek a ni. Pawl inkaihhruaina dan (Constitution) a bu a siamin neih a ni a, Hlapui “Baltlurama” tih hla Music mawi tak nen ngaihthlak theihin kan nei bawk a, tin, Logo kan neih mai bakah Facebook lamah pawh group kan nei a, chu group chu www.facebook.com/ChanmariFC

You May Also Like

More From Author

13Comments

Add yours
  1. 4
    mapuia

    face book lamah tan kan la zel dawn e information lam cu lo lungngai su theihtop kan cuah e.wedside siam kan tum mek

  2. 5
    Lalzarzova

    @funny
    MFA chuan official website an nei hman kherlo ang. Mahse ZoFooty lamin theihtawp kan chhuah dawn e. Nikum Nov thla atanga kan website design thar pawh peih a ni tep tawh e. A kim phian ang.

  3. 6
    funny

    A theih pheichuan club tin tepawh hian website nei vek thei se duhthusam, fan base annih dawn pheichuan information, publicity leh marketing lamah te tan an lak angai hle hlawm ang.

    (ka van comment tlar nasa em em. lol)

  4. 7
    funny

    Tuna tling tawhsa leh playoff khel turte team list te pho lan chuai chuai tawh tur annia, keinin an team list atangin tling chho tura beisei te kan lo nei ve theih phah tur ania. 😛

  5. 9
    funny

    MFA hian website nange? an ti ho angreng. website neiha hetiang club hrang hrang te leh MFA league chungchang te dah lan awm ania. Lo nei vat teh se. hehe

  6. 10
    Ramenga

    Mizo footballers ho k hre lo ltk hi cu a hrehawm khp mai. Chanmari FC chu Red Ribbon champion team a an players ho kha an chelh thei ta em le? Zico, Racy te ho kha club dang list ah khan k hmu tlatin k hria. Nge k hresual zawk ni

  7. 13
    MIZO

    Chanmari FC te duhsakna ka hlan a che u. In player enin MPL in inpet tlin ngei pawh ka beiseipui khawp mai che u. Mizoram leh Mizo te football hmasawnnan zel aw ni ang.

+ Leave a Comment

Chanmari F.C- in ‘Club Pholanna’ hun an hmang

Vawiin ni 4.6.12 (Nilaini), dar 1:00 khan Regency Hotel, Zarkawt-ah Chanmari Club chuan ‘Club Pholanna’ hun an hmang. He hun hi Club Treasurer Andrew Lalremkima’n a kaihruai a. Peter Zohmingthanga’n hunserh a hmang hnuah Club President leh Chanmari Local Council member ni bawk R. Lalhmachhuana’n thusawina huna nei a. Thusawina neih zawh hian Secretary J. Lalsangzuala (Mapuia) chuan certificate (Club Shareholder) hlanna rawn neiin report a zui nghal a ni.

Report pek zawh hian Rosy K. Remsangpuii chuan Miley Cyrus hla ‘The Climb’ hmangin mipui zaiin a rawn awi a. A zai zawh hnu hian MFA aiawh MFA Honorary Secretary Lalnghinglova Hmar (Tetea) chuan thusawina hun rawn neive lehin hemi zawh hian Club Asst. Coach M.S. Dawngliana chuan player introduction a rawn nei leh bawk.

He Club Pholanna hun hi ni 5 July (Ningani) zan dar 8-ah Zonet Zawlbuk ah tihchhuah a ni ang.

Secretary Report

Vawiin ni a Chanmari Football Club pholanna hun hmang tura lokal zawng zawngte chibai vek ule.

Chanmari Football Club hi ni 19 June 2011 khan din a ni a, hruaitute inthlang nghalin tunah hian Patron 1, Senior Adviser 2 nen mi 26 Club hruaitute an awm mek a ni. Pawl inkaihhruaina dan (Constitution) a bu a siamin neih a ni a, Hlapui “Baltlurama” tih hla Music mawi tak nen ngaihthlak theihin kan nei bawk a, tin, Logo kan neih mai bakah Facebook lamah pawh group kan nei a, chu group chu www.facebook.com/ChanmariFC

Kum 2011-12 Season khan ADFA (Aizawl East Zone Football Association) hnuaiah 3rd Division a bul tan in registration tih a ni a, Zone Football Tournament leh Saitual Football Tournament khelh a ni tawh bawk. Kumin 2012 Red Ribbon Inter-Village Football Tournament-ah khan chanmri Local Council Team kha Club in a enkawl a, Pathian malsawmna changin kan Champion a club pawh a hmingthat phah hle a ni.

Kum 2012-13 Season thar kan chuangkai a, engtinnge hma kan lak ang ti a kan ngaihtuah laiin Mizoram Football Association (MFA) in zana khelh tur Mizoram Premier League (MPL) buatsaih an tum thu leh an Criteria-te han hriatin tel ve ngei tha kan ti a, theih tawpin inbuatsaihna kalpui nghal a ni a, MFA in a phut angin heng :- Firms & Society Registration, Bank Account Rs 4,00,000/- (Nuai LI) neihte, Senior Team, Under-17 leh Under-14 Team dinte leh Sponsor Rs 50,000 (Singnga) aia tlem lo neihte leh adang zawng zawngte pawh tihlawhtlingin MFA-ah thehluh vek a ni tawh a ni.

MPL khel tur hian Club chuan Budget a siam a, Share ang zawngte a kalpui in hmalak mek zel a ni. Pu P.C. Lalngilneia (M.P. Shoe Store) neitu pa in Season khat chhung min Sponsor bawk a ni. tin, Medical lamah New Life Hospital hi kan Partner niin MOU kimchang chu hun remchang hmasa berah ziah tura ruahman mek a ni.

Awle, MPL khel tur hian Team 8 khel se tih a ni a, heng 1st Division team lo ni sa pali (4) Dinthar F.C., Luangmual F.C., F.C. Kulikawn, Mizoram Police-te tling sa an ni a, a bak Post ruak Pali la awm chu playoff khel in a point hmusang pali an lutchho leh dawn a ni. Qualifying khel tur hian Team 8 : Aizawl FC, Chanmari FC, College Veng FC, FC RS Annexe, Kanan FC, Reitlang FC (Reiek), Theiriat FC (Lunglei) leh keini Chanmari F.C. te kan ni. Kar leh Dt 13.7.2012 (Zirtawpni) hian hel tan tura ruahman a ni. Tunah hian Coach ruaiin zing leh tlaiah kan Practice mek a ni. Tin, Under 17-in Tournamnet an khel mek a, vawiin hian Quarterfinal an khel dawn a ni.

Awle, vawiin ni a kan thil tih hi Chanmari Football Club tan mai nilo, Mizroam Footballer zawng zawngte tan chona a ni a, hma an lo sawn zel theihna atan leh tih tak tak chuan Football khelh hi eizawnna tlak anih tawh zia theihnghilh lova kan hriatreng hi kan duh a ni. Hetiang ang Football in elna M.F.A in ruahmanna a siam hi an fingin an ropui takzet a, Footballer te hmakhua an ngaihtuah in Mizoram Football an chawikang takzet a ni.

A tawp berah chuan Chanmari Football Club hian Vengchhung mai bakah vengpawn Players te kan sawmkhawm a, Playerste awmna veng/khua ami zawng zawngte min suport tur leh puih kan ngiahna apianga min pui turin ka sawm a che u. Chanmari Football Club vul zel rawh se. Ka lawm e.

You May Also Like

More From Author

+ There are no comments

Add yours