Chelsea 2 – 0 Newcastle: Stamford Bridge ah “Hazard Warning” !!!

Inrinni zan inkhel hnuhnungah Chelsea chuan Eden Hazard leh Fernando Torres te goal hmangin 2-0 in Newcastle United lakah hnehna an chang a, heti hian inkhelh vawi thum ah Roberto Di Matteo-a naute hian hnehna vawi thum an chang tawh a ni.

Inkhel tan hma.

Mualneitu lam hi anmahni muala an tlawm hnuhnun ber kha Magpies ho lakah hian a ni a, chutihrualin Magpies lam hian Stamford Bridge an va tlawh hnuhnung vawi li ah tlawm an la nei miah lo thung a ni.

Chelsea hian nipui laia an lak thar Marko Marin tihloh chu hliam an nei lem lo a, John Terry erawh inkhel tura beisei viau a nih laiin inkhelh hma lam vela a nghawng a tihnat palh avangin a khel thei lo a ni.

Mikhual lamah Amoebi te unau leh Check Tiote inhliam tih loh chu an inkhel thei vek a, 4-4-2 a Papiss Cisse leh Demba Ba te inkawp dan hi football pundit tam tak tena uluk taka an thlir a ni ve bawk.

Team Line-ups:

Chelsea: Cech; Ivanovic, Cahill, David Luiz, Cole; Mikel, Meireles; Mata, Hazard, Bertrand; Torres.

Subs: Turnbull, Essien, Romeu, Lampard, Ramires, Oscar, Sturridge.

Newcastle United: Krul; Simpson, S Taylor, Coloccini, Santon; Ben Arfa, Cabaye, Anita, Gutierrez; Ba, Cisse.

Subs: Harper, Williamson, Perch, Marveaux, Amalfitano, Obertan, R Taylor.

Inkhel an tan ta e…

A tir atangin inkhel tang nghal lutuk lem lo mahse Chelsea tan Eden Hazard bawk a langsar leh viau a, a che vel in mit a la leh khawp mai. Chutihrualin Newcastle leithar midfielder Anita erawh a che fuh chiah lo a, box chhungah Torres titlu in penalty a chawi a, Eden Hazard chuan minute 22″ ah penalty chu “cool” zet maiin a thun a ni. Hei hi Chelsea tâna Eden Hazard goal thun hmasak ber a ni.

Chelsea hian inkhel an thuhnun chho nghal viau a, tunlai striker, a form avanga inhnialna titam tu Torres pawh a langsarin a movement a hlauhawm a, a ball khawih a dik leh tawh a, goal bula a che vel leh a tlan thiam avangin a teammate te tan a tangkai thin hle a ni.

Lehlamah Ba leh Cisse te inkawp an hlauhawm teuh ve thin hle a, amaherawhchu an hlauhawm tluantling thei lo thin a, Hatem Ben Arfa pawh a technique leh tlanchak vangin langsar deuh thin mahse Chelsea tlarhnung lakah danglamna a siam thei bik lo a ni.

Chelsea lamin an nawr zel a, chutah first half tawp dawn injury time ah tun season-a kan la hmuh fo rinawm Hazard leh Torres te inkawp chuan goal an thun ta. Eden Hazard chuan Torres nena an one-two chu nalh zet maia “back-heel’ pheiin Torres chuan a aia mawi mahin a ke pawn lampangin chep tak karah a thun ta a ni.

Second half ah…

Newcastle United lamin goal thun ve tumin han bei let ngial mahse mualneitute tlarhnung a phui tha viau a, Ben Arfa leh Demba Ba ten hlauhawm angreng taka an pet tih loh chu chance an nei thei lem lo a ni. Mikhual lamin goal thun tumin ball rawn chang tam chho hrat hrat zawk mahse an duh angin an nawr thei lo a, Chelsea counter-attack erawh an hlauhawmin Torres a langsar thei thin hle.

Substitute Ryan Taylor-a freekick tha zet mai Cisse-a tauh goal loh kha a uihawm a, Demba Ba in hnai angreng tak atanga a thun loh pawh a uihawm hle bawk. Huntawp thlengin goal dang a luhbelh lo a, a pumpuia inkhel a chungnung zawk Chelsea chuan point thum an hawn ta a ni.

Team pahnihte titi…

Team insiamtha Chelsea in hma an sawn tih a langchiang hle a, an tlarhnung a phui tha viau a, goal nawr ah phei chuan an tha zual ting a ni. Season tawpah Premier League nomawi an chawi lo ang tih a sawilawk ngawt theih loh a ni. Eden Hazard a langsar lehpek hle a, he Belgian star hian Barclays Premier League a insawn hi a harsat lo hle tih a tilang a, Chelsea attack tihlauhawm tu leh tihmuhnawm tu ber a ni.

Chutihrualin hemi ai mah a lawmawm tur bawk chu Fernando Torres-a “in-form” chho leh tan hi a ni. Amah a inrintawk phawt chuan khawvela striker hlauhawm ber pawl a ni tih a tilang chiang hle a, a goal thun leh goal thunna chance a neih mai bakah a langsar lo lamah a team tan a tangkai hle a, a “off the ball’ movement leh a touch leh vision te a tangkai hle. Chelsea fans te tan lawmna tur a tam hle a, mi thar te hi hmelthar an nih vangin mi mitfukna ni deuh zawk mahse Juan Mata a la ngai reng tih a langchiang bawk.

Chelsea tana pawimawh ber chu an team spirit leh tuna an boruak tawn hi an chhawm nun zel a, an squad a ‘youth” leh “experience” chawhpawlh thiam bawk hi a pawimawh dawn bawk a ni. RDM hian a tilungawi vek a, tupawh hi mahni inringtawk thei tur khawp a khelh kual tir theih chuan an hlauhawm tulh tulh dawn a ni.

Newcastle tan pawh beiseina neihna tur a tam rualin leithar Vurnon Anita beisei angin a kheltha lo a, hetiang reng a nihloh ngei an fans ten an beisei ang.

Cisse leh Ba te inkawp hi tunhnai pundit thenkhatte sawi duh pawl tak an ni a, an pahnih hian an palian a, an tlanchak a, tharum leh technique an neih that em em bakah “finishing ability” an nei tha dun em em a ni. Season hmasa lamah striker maltlat ang chuan an hlauhawm lutuk tih kan hre vek a (Ba season chanve chawhma lamah leh Cisse season chawhnu lamah), mahse an pahniha hmatawng pangngai anga inkawp hian eng ang chiah nge ah hlauhawm dan tih hi hriatthiam a la har deuh a tih theih awm e. Nikum ang form kha an neih leh dawn ve ve chuan an insiamrem vat a ngai bawk ang.

Statistics

 

Posted in BPL, Chelsea FC, English Premier League, Review.

28 Comments

  1. @zama, in pol poh hi in lei ve nasa toh khop mai a, in che chhe lo tur ah ngai ang, kan la inkhel lok donlo bok a 😀

  2. He post chu a heading aṭang hian chhiar a chakawm nghal sarh mai alawm le. “Hazard warning” tih hi ka duh lutuk 🙂 creative khawp mai.

    Hazard hian league-a penalty vawi 10 a pet tawh a la thun vek. Chelsea tân match 3 a khel tawh a, goal 1 a thun a, penalty vawi 2 a hlawhchhuak tawh bawk a. Hemi match 3 chhung hian Chelsea in goal 8 an thun tawh a, heng goal 8 zinga goal 7 hi a pet goal emaw a assist emaw a ni. Chelsea chuan an leifuh mai mai khawp mai.

  3. Kei chu a vaia point 5 ka hmuh chuan ka lawm tawk viau, prediction hi ka ti mi lo ve bawk a.

  4. he2, nia tehreng mai,bak ah kan team tran a in an thup2 chuan soitur a tam nang, a nuam tak2 lo ang, kan thatna leh thatlohna lai han in soi siak chur2 mai ila anuam a ni mai…..messi v ronaldo ringot poh nileng a soi tham a tling ziah alom, anuam ve hrim2 😀

  5. Ka tran a piang i tran lo zel mai chuh a, lehlamah chuan nuam dawn riau, anni ho khelmual ah inbei se, keini ho he football tuimite khelmual ah hian tawngkam in lo in kap sak sak ila ni mai lawm, website layout thar hi han chhuak phawt mai sela.

  6. @Cleverley VRT, kan Adm tha tak2 Zama vanchhawng te hi pun roh, trang ho ru, kan soi luai2 don nia.he2….nia, fan ruhkawl tih lam ah chuan kan inang vel hial ang ka ring, Chelsea hi an hausak hnu a tran chop tu ni loin, Terry te ho in squad an la luahlum ve hma atrang toh in ka lo au ve zak2 toh tlat a, season tluan in kan in ep tluan don anih hmel.he2

    Rilru thianghlim tak a soiho hi a nuam em2 bok ania, manU hi ka hua tihna ani lo ania, ka tranlo mai chauh a, R.Madrid ho nen 😀

  7. Zodina chu season tluanin i pawr reng palh ang tih ka hlau e, 1 naah chuan United i sawi chhe ziah hi ka ning, 2 naah fan ruhkawl ve tak chu i ni chiang in ka hria, hehe mahse pawilo e, kan rawn thawk ve dawn e.

  8. No. 5 Lalmama Ralte, inkhel pumpuia ball changtam zawk nilo in second half ah pawh Newcastle lamin goal thun tuma an rawn nawr ve lai deuh ka sawina mai kha ania, ka tawngkam thiamloh luatah tikhian a chhuak ta daih anih khi…ka lo siam tha ange…mahse stats khi en ila, tin, inkhel pum en kha chuan Chelsea khan ball chu an chang tam zawk tih a lang chiang hle e…hehe

    No. 9, Hazard-a penalty kha a “cool” a ni. Penalty a “cool” kan tih hian Mizo te hian zawi/na vak lemlo a pet goal hi kan rilruah leh mitthlaah hian a awm nghal chawk a, mahse football term a “cool finish” an tih ang hi a ni, a pet na lo LEM LO a, amaherawhchu khatianga pet tur khan Hazard kha a “cool” in a “calm” hle a, a chi ai loh sawina a ni e. hehe

  9. Torres hi englaipawha ka tan ani. Chelsea erawh ka tan lo hlauh !! Hazarda penalty pet kha “cool” han tih hluai tur chu niin ka hrelo ve mai mai….keeper khan a save tep chu anih kha le, tlema tlemah……!!!

  10. Torres hi a form chho tran don a ang khop mai, mahse Juan Mata molh mai kha, hepa hi chu ooo, ka duh vet2 khop khop mai, a ball control a tha bok si…

  11. @lalmama Ralte,, ball possesion a tangkai lo, an chak a atawk mai….

    #TLT Chelsea, penalty hi chu an khelh dan a zir a ni, hmu thei tur in box chhung ah an tal na a ni mai, Barca ho Penalty hmu thei leh lehlam pawl an foul reng poh an soi nasat thin hi, team game a tha a ni mai,.. mahse penalty sawisel theih tak a hlohchhuah (ManUtd ho penalty hloh ang) hi chu a om ve reng reng bok tih hre bok ila 😀

  12. mikhual team in ball changtam jok mase te int mai2 a…..1st half a an ron tarlam ah khan ball possesion chu chelsea 86-14 n’castle ania…2nd half ah khan chelsea 70-30 n’castle ani bok a…in tv ah adang bik emoni tih phei chu ka hre chuang law…

  13. Juan Mata chu sawi ngailo ah ruat ta ila, Ryan Betrand kha a khel tha ka ti khop mai, A.Cole nen a an in combine fuh zia kha, 2nd half ah poh khan Ivanovic side lam atang ringot khan Newcastle khan nawr an tum toh a nih kha….Mosses leh Aspilicueta te khel en ve hun a nghahhlelhom toh kher mai, Post hi a kimchang in chhiar a nuam ddap2 hle mai 🙂

Leave a Reply

Or

Chelsea 2 – 0 Newcastle: Stamford Bridge ah “Hazard Warning” !!!

Inrinni zan inkhel hnuhnungah Chelsea chuan Eden Hazard leh Fernando Torres te goal hmangin 2-0 in Newcastle United lakah hnehna an chang a, heti hian inkhelh vawi thum ah Roberto Di Matteo-a naute hian hnehna vawi thum an chang tawh a ni.

Inkhel tan hma.

Mualneitu lam hi anmahni muala an tlawm hnuhnun ber kha Magpies ho lakah hian a ni a, chutihrualin Magpies lam hian Stamford Bridge an va tlawh hnuhnung vawi li ah tlawm an la nei miah lo thung a ni.

Chelsea hian nipui laia an lak thar Marko Marin tihloh chu hliam an nei lem lo a, John Terry erawh inkhel tura beisei viau a nih laiin inkhelh hma lam vela a nghawng a tihnat palh avangin a khel thei lo a ni.

Mikhual lamah Amoebi te unau leh Check Tiote inhliam tih loh chu an inkhel thei vek a, 4-4-2 a Papiss Cisse leh Demba Ba te inkawp dan hi football pundit tam tak tena uluk taka an thlir a ni ve bawk.

Team Line-ups:

Chelsea: Cech; Ivanovic, Cahill, David Luiz, Cole; Mikel, Meireles; Mata, Hazard, Bertrand; Torres.

Subs: Turnbull, Essien, Romeu, Lampard, Ramires, Oscar, Sturridge.

Newcastle United: Krul; Simpson, S Taylor, Coloccini, Santon; Ben Arfa, Cabaye, Anita, Gutierrez; Ba, Cisse.

Subs: Harper, Williamson, Perch, Marveaux, Amalfitano, Obertan, R Taylor.

Inkhel an tan ta e…

A tir atangin inkhel tang nghal lutuk lem lo mahse Chelsea tan Eden Hazard bawk a langsar leh viau a, a che vel in mit a la leh khawp mai. Chutihrualin Newcastle leithar midfielder Anita erawh a che fuh chiah lo a, box chhungah Torres titlu in penalty a chawi a, Eden Hazard chuan minute 22″ ah penalty chu “cool” zet maiin a thun a ni. Hei hi Chelsea tâna Eden Hazard goal thun hmasak ber a ni.

Chelsea hian inkhel an thuhnun chho nghal viau a, tunlai striker, a form avanga inhnialna titam tu Torres pawh a langsarin a movement a hlauhawm a, a ball khawih a dik leh tawh a, goal bula a che vel leh a tlan thiam avangin a teammate te tan a tangkai thin hle a ni.

Lehlamah Ba leh Cisse te inkawp an hlauhawm teuh ve thin hle a, amaherawhchu an hlauhawm tluantling thei lo thin a, Hatem Ben Arfa pawh a technique leh tlanchak vangin langsar deuh thin mahse Chelsea tlarhnung lakah danglamna a siam thei bik lo a ni.

Chelsea lamin an nawr zel a, chutah first half tawp dawn injury time ah tun season-a kan la hmuh fo rinawm Hazard leh Torres te inkawp chuan goal an thun ta. Eden Hazard chuan Torres nena an one-two chu nalh zet maia “back-heel’ pheiin Torres chuan a aia mawi mahin a ke pawn lampangin chep tak karah a thun ta a ni.

Second half ah…

Newcastle United lamin goal thun ve tumin han bei let ngial mahse mualneitute tlarhnung a phui tha viau a, Ben Arfa leh Demba Ba ten hlauhawm angreng taka an pet tih loh chu chance an nei thei lem lo a ni. Mikhual lamin goal thun tumin ball rawn chang tam chho hrat hrat zawk mahse an duh angin an nawr thei lo a, Chelsea counter-attack erawh an hlauhawmin Torres a langsar thei thin hle.

Substitute Ryan Taylor-a freekick tha zet mai Cisse-a tauh goal loh kha a uihawm a, Demba Ba in hnai angreng tak atanga a thun loh pawh a uihawm hle bawk. Huntawp thlengin goal dang a luhbelh lo a, a pumpuia inkhel a chungnung zawk Chelsea chuan point thum an hawn ta a ni.

Team pahnihte titi…

Team insiamtha Chelsea in hma an sawn tih a langchiang hle a, an tlarhnung a phui tha viau a, goal nawr ah phei chuan an tha zual ting a ni. Season tawpah Premier League nomawi an chawi lo ang tih a sawilawk ngawt theih loh a ni. Eden Hazard a langsar lehpek hle a, he Belgian star hian Barclays Premier League a insawn hi a harsat lo hle tih a tilang a, Chelsea attack tihlauhawm tu leh tihmuhnawm tu ber a ni.

Chutihrualin hemi ai mah a lawmawm tur bawk chu Fernando Torres-a “in-form” chho leh tan hi a ni. Amah a inrintawk phawt chuan khawvela striker hlauhawm ber pawl a ni tih a tilang chiang hle a, a goal thun leh goal thunna chance a neih mai bakah a langsar lo lamah a team tan a tangkai hle a, a “off the ball’ movement leh a touch leh vision te a tangkai hle. Chelsea fans te tan lawmna tur a tam hle a, mi thar te hi hmelthar an nih vangin mi mitfukna ni deuh zawk mahse Juan Mata a la ngai reng tih a langchiang bawk.

Chelsea tana pawimawh ber chu an team spirit leh tuna an boruak tawn hi an chhawm nun zel a, an squad a ‘youth” leh “experience” chawhpawlh thiam bawk hi a pawimawh dawn bawk a ni. RDM hian a tilungawi vek a, tupawh hi mahni inringtawk thei tur khawp a khelh kual tir theih chuan an hlauhawm tulh tulh dawn a ni.

Newcastle tan pawh beiseina neihna tur a tam rualin leithar Vurnon Anita beisei angin a kheltha lo a, hetiang reng a nihloh ngei an fans ten an beisei ang.

Cisse leh Ba te inkawp hi tunhnai pundit thenkhatte sawi duh pawl tak an ni a, an pahnih hian an palian a, an tlanchak a, tharum leh technique an neih that em em bakah “finishing ability” an nei tha dun em em a ni. Season hmasa lamah striker maltlat ang chuan an hlauhawm lutuk tih kan hre vek a (Ba season chanve chawhma lamah leh Cisse season chawhnu lamah), mahse an pahniha hmatawng pangngai anga inkawp hian eng ang chiah nge ah hlauhawm dan tih hi hriatthiam a la har deuh a tih theih awm e. Nikum ang form kha an neih leh dawn ve ve chuan an insiamrem vat a ngai bawk ang.

Statistics

 

Posted in Rampawn.

Leave a Reply

Or