Pathianni zan a ni a, Stamford Bridge-ah inkhel hmuhnawm em em mai kan hmu. Chelsea chuan goal thum zeta hma an hruai tawh hnuin an mikhual Manchester United chu an siphurh an sût zawhtir a, team pahnihte hi 3-3 in an inhnehtawk. He inkhelah hian Chelsea tân Jonny Evans (own goal), Juan Mata leh David Luiz ten goal an thun a, Manchester United in Wayne Rooney (goal 2) leh Javier Hernandez te hmangin an siphurh an sût a ni.
Inkhelh zawha sawizui hlawh ber erawh referee Howard Webb a ni awm e.
Line ups:
Chelsea tân captain John Terry leh Frank Lampard te chu inhliam vangin an khel thei lo a, Ashley Cole pawh hrem a nih vangin a hmel kan hmu lo. Player thar Gary Cahill chuan a vawikhatna atan Chelsea tan a khel thung. Manchester United in Wayne Rooney leh Ashley Young an chhawr thei a, Lindegaard a inhliam avangin David de Gea chuan goal a veng bawk.
Chelsea: Cech; Ivanovic, Cahill, Luiz, Bosingwa; Essien, Meireles, Malouda; Sturridge (Romeu 70′), Torres, Mata
Manchester United: De Gea; Rafael (Scholes 64′), Evans, Ferdinand, Evra; Valencia, Carrick, Giggs, Young; Rooney, Welbeck
Stamford Bridge chhungah Chelsea fans te ‘There is only one England captain’ tiin an zai rual dual dual a, tunhnai maia England captain nihna hlihsak tak John Terry an ṭan zia tihlanna banner a tam hle.
First half a hmuhnawm lo
Chelsea leh Manchester United an intum hian first half-ah game hmuhnawm tak kan hmu khât ṭhin a, Pathianni zanah pawh a dan a dâng lo. Inkhel a dul a, passing rang tak hmuh tur a tam lo a, team pahnihten goal chance hlauhawm an siamchhuak tam lo. Inkhel ṭantirh lamah mikhual lam hian an nawr zawk a, veilamah Ashley Young a langsar. An inkhel rei tawlh tawlh a, Chelsea hian ball an chang hnem tawlh tawlh a thung. Welbeck chuan Man United tân a thun teuh hle.
Minute 35 a ni a, English rawlthar Daniel Sturridge chuan United penalty box chhungah mawi taka Evra a bum hnuah Jonny Evans a pet per a, he ball per hi de Gea chuan a dang hman lo. 1-0. United in an siphurh sût tumin nawrlet mahse Young, Welbeck leh Rooney te shot chu Chelsea keeper in a lo dang zel si a, first half-ah goal dang a luhbelh lo.
Second half-ah a goal mawlh mawlh
First half a hmuhnawm loh chhan kha, a hmuhnawm tur zawng zawng second half atan an lo khêk vang a ni ngei ang. Second half ṭan hnuah minute 1 pawh a la tling lo. Dinglam aṭanga Fernando Torres cross ṭha em em mai chu penalty box chhunga vengtu nei lo Juan Mata chuan hnai set sawt aṭangin a lo hlap goal. ‘Home fans’ an phûr vanglai takin, minute 50 lekah David Luiz chuan Ferdinand head perin a goal a, Chelsea in 3-0 in hma an hruai der mai.
The fightback
Si thum an phur tawh a, Manchester United tân phurh belh huama Chelsea nawr bak tih theih a awm tawh lo. Minute 58 ah Sturridge chuan Evra a tihtluk avangin penalty a chawi a, hei hi Wayne Rooney chuan a pet goal. Mikhual lam hi an khel ṭha sawt a, minute 69 ah Ivanovic chuan Welbeck a tihtluk avangin penalty a chawi leh a, hei hiRooney bawkin a pet goal leh. Manchester United penalty hmuh pahnihte hi han en mai chuan hoh hmel viauin lang mahse penalty box chhunga foul a ni miau si, football dânah chuan penalty tur a ni. United player te erawh an tlu awlsam dun khawp mai a, penalty hi pe lo pawh nise sawisel tur em em a awm lo ang. Referee hi Howard Webb a lo ni kher bawk nen, Chelsea fans te an lungawi hauh lo ang.
Man United hian minute 84 ah Ryan Giggs cross, Hernandez head goal hmangin an siphurh an sût zo a, he goal thun thei tura penalty box chhunga Hernandez free teh nawlh lutuk kha a mak.
A tawpah fans te nen ṭangkawpin Chelsea hian an nawr leh a, Mata, Cahill, Torres ten chance ṭha tak tak an nei vek a, mahse de Gea chet ṭhat ṭum tak a nih avangin an pet goal thei ta bik lo. Hun a tawp zui a, 3-3 in an inhnehtawk ta a ni.
Inkhel pumpuiah team pahnihte an inhnehtawk viau. Team pahnihten khelh ṭhat zual lai an nei ve ve a, an khelh ṭhat lai hian goal pawimawh an thun ve ve bawk. Second half-a langsar tak Wayne Rooney chu man of the match-ah thlan a ni.
Neuh neuh:
* Manchester United hi Stamford Bridge ah kum 10 chhung an chak zo tawh lova, Pathianni zanah pawh an la chak zo ta chuang lo a ni.
* Premier League bikah, Chelsea chiah hi Manchester United laka chak loh aia chak nei ngun zawk an ni. An pahnih intum hian Chelsea vawi 14 an chak tawh a, Manchester United vawi 12 an chak tawh thung.
* Manchester United tân Wayne Rooney a khel ṭha thlawt a, second half laihawl vel kha chu a ta a ni ringawt mai. Goal 2 a thun bawk a, man of the match tur ani lo an awm chuang lo. Fernando Torres pawh a khel ṭha a, Mata pet goal tur a siamsak a, Man United defender te tan a hnawksak tluan. Hei hi Chelsea fans te tân a lawmawm khawp ang. Goal erawh a thun thei lo tluang zel e.
* Gary Cahill chuan Chelsea tân a game hmasa ber a khel ta a, a khel chhe hran lo. Hernandez rawn luh hnuah erawh Luiz nen an la inman tawk lohna a lang leh zauh ṭhin. Game pumpui thlirin defender ṭha a nihzia hmuhhmaih chi a ni lo ang.
* Manchester United hi tun season-ah Premier League team zinga away record nei ṭha ber an ni a. Away game 12 khel tawhin point 27 an hmu tawh a ni.
* Howard Webb hian Premier League game-ah penalty 54 a pe tawh a, heng zinga 9 (17%) hi Manchester United hnena a pek a ni.
* Manchester United hian an game hnuhnung pahnihah penalty 4 an hmu tawh. Stoke City nen an intum ṭum khan penalty aṭangin goal 2 an lo thun tawh bawk a ni.
goodrx cialis
cheap cialis online
Buy cialis without a prescription
Free sample pack of cialis
Haha…Referee mawlh kha….:)
Cashky ho hi a..chuan… Naaa..a ziaktupa hi Man U fans ani theilo hrim2… Anh pon a chas tal Chelsea fans ani ang…lol
Referee khan a tih tur diktak ti se chuan ‘Stamford Bridge is falling down’ kan ti thei chiang dawn a nih kha.
Refree in a khel tha ber ka ti….ka lo en ve ker a lawm /
Chelsea chu nep ve pangai
ngaihnawm hlawm hle mai..webb-a hi in sawisel vak vak a,man utd a tan in ti reng a,FA pawh hian he’ng thu zawng zawng hre chung hian Man Utd game an ham tir ziah thova, a tan emaw in tih vang mai mai a ni e..he referee tluk hi chu an awm lo alawm, tihsual chang a nei a ni ve mai a. Penalty vawi li tur vawi 2 chauh min la pe zawk mah mah.
A post-tu hian a va ziak thiam ve a! A khawi lam tantu ve ve tan pawh a ngaihnawm ve ve riau. Chelsea tantu ka nia, kei chuan penalty-ah khan Webb kha ka dem lo, chelsea player- te fimkhur lo lutuk, ball hloha pass sual reng mai leh utd. player pahnihte penalty hlawh tum lutuk kha demawm ka ti zawk.
Dik chiah.
ngaihnawm tak a ni 😛
Comment a ngaihnawm hlawm hle mai.
Refree khan a tih tur a ti alawm mawle,area chhunga an foul miau chuan penalty niloin free kick an pe dawn em ni?a tir lamah penalty a pe duhlo mah mah zawk a,united keeper kha a tawp dawna a rawn che fuh kha chu an vanneih phah viau bawk,sturidge an thlak kha a fu lo in ka hre ve mai2,a defender rawn dahluh khan athawh hlawk lo e mai,hernandez hi sub atanga lut chi,he5,scholes khan united game athlakin ka hre ve mai2 bawk
Pu xavi thu ka thlawp e, howard webb hi chuan uih ho hi chu a side thin a ni, ngatinge mawnile big match ah te fa hian an hamtir thin hi le, fa pawh ka dem lek lek ta mai!
Refre kha kan vegah lo kal se ka ti hle maia..man uih fan ani sia gatige an hamtir le thin w..tuntum pw rin lwk ag ciah ani le ta ani hi..
Refree kha 50-50 mawle !! 1st Half khan Chelsea 2nd Half ah ManU…..Chaklo chiah ila chu Chelsea fans ang tho hian Howard Webb kha ka dem ngawt ang. 1st Half khan Penalty vawihnih hmu tur kan nia !! Goal 3 thun hmasatu zawk ni ila kan tawih ral ve hauh awm silo.
Khatia Sir Alex meuh pawh zahzo lova kan Players Pahnih ngawt in kan lam ah an ti GOAL chung pawh khan Chelsea khan min Draw pha hram chu ania leh! Man.utd hi chu anlo thiam hi ka tia….
11 leh 12 chu ngaihna awm lo. 2nd penalty kha chu pe lo se kan chak zawk ngei ang.
2nd penalty kha chu zia lo khop mai.
Ramenga, post tha hle mai comment tu pawh an tam, post hlawhtling tak a ni.
Paul Scholes a rawn lut kha inkhel a rawn siam danglam chiang khop mai.. Carrick nen hian anlo kheldun thiam ber a nih hi. Pu-a pawh hian start tir ziah toh se a tha ang. De Gea a ropui rem2 khop mai. Chuan Ferdinand hian thlaktu a mamawh deuh tohin ka hria. good post!!
Torres hi Chelsea a zawm hnuah Goal a score nge tam ang a Yellow Card hmuh???
He inkhel hi ka en tluan thrak a, Web khan side a nei chiang alawm, Ball an khawih fuh pawh in Foul a ham zel a, 50-50 ah Chelsea foul a ni zawk zel. ManU keeper in a save thrat theih zia kha, chuan Card phawrh na tur awm tak2 ah a phawrh lo bawk a, mihring te hi chu famkim kan awm lo, mahse nizan kha chu Web kha chu a famkim loh zual zan a ni chiang alawm, ManU fan diktak tan chuan ti ang a chak pawh ni lo, indraw hram hi a lawm awm loh zawk ah ngai rawh u, chu ti lo chu in daih rei chuang lovang, khawvel mahnise kan thiltih te hian mihring te hi min vaw let fo a nia.
fiamthu…admin leh admin in2 fak vel a nih hi mawle..hehe…..howard webb kha man utd tan ni se chuan penalty vawi li min pe ang chu mawle…newcastle nen kan inkhelh tuma Ferdinandan ben arfa ball a laksak pawh penalty min chawitira tuman in khel peih lova, tunah penalty tur ni ngei vawi 2 kan hmu ve thung a, sawisel leh vak hlawm sii..point kan hmu kha kan lawm rualin neutral fans ho chuan chak kan phu in ti zawk lo maww??hehe
ka en chak tehreng nen, en ngaihna a awm miau silova. post atangin game riruang ka mitthla thiam thei, post tha khawp mai.
@Ramenga, united fans ni chunga i post chelsea side zawk nithei awmtaka i ziak thiam hi, united tan zawk anga ziak tur phei chuan i awlsam lehzual dawn tih a ti chiang. ka ngaisang sawt che. admin ni awm reng i ni e (Y)
Babel-a khan Howard Webb Uih ho jersey a lo hak tir kha a awm hliah2 tih a lang chiang e!Wellbeck-a off balance penalty a pe kha chu a…a hmuh hnaih tehreng
Tan xok k nei lo,k result duh tak la nizui.mhs neutral mit tag pon refree kha cuan ham lai lo deuh nh kha male
Chelsea a side na em em pawh ka hrelo.inkhel ka hmuh dan chiah chiah Inkhel hmuhnawm min hlui a…point 1 in in sem bawk a..ka duh dan velvek…red card a awm lo erawh a kim lo deuh 😀 😀
Howard Webb kha 1st penalty chu ka pawm thlap.. 2nd penalty kha chu a awmlo khop mai..!!!!!!!!!!!!
kan comeback kha a ropui,chak ai pon a nuam xk,an post tu hian chelsea a side khp mai
Nizan chu Phung Sen ho goal an khung thei pup pup mang e. Ka itsik lo kher mai. Mahse, mahni lam a tih luh chin hi kan lo tuar hnem tawh a, pawi duh viau reng a ni. In i.draw kha kan tan a malsawmna bulpui lo ni reng a. Torres hi chuan 50£m hi chu a phu mawlh lo e. Phungsen ho pawh Pul in hmachhawn leh dawn a, lo hneh ngei tawh ang che u. Chuti lo chu Blue moon in umpha tawh dawn lo a, in arte lukawn mai ang. Hahaha….
Nia zan kha chu Chelsea Fans tan chuan, Howard Webb kha chu ngeiawm khop mai.. Good Post..
A Ngaihna a awmlo khatiang a refree ten an tan xel chuan aa… an rawn draw poh kha a omlo lemlo e… Mi 11 leh 12 intum an nih kha le
Big 4 a po tel toh lo tur hi an beng chheng ve ma nge o?
Nin awm lituk……
uihnited ho chu antangrual bawk maw.nizan kha chu man of the match ah howard webb ka thlang.united ah hian contract tenau a sign animaithei ni.
@Ngilneia Hmar: Isawi dik ka ti refree kha a inthlahrung deuh hlek ani, tunlai chu United hmachhawn turte an hrawlhlawm phiana a…
Refree kha ala inthlahrung zawk anh kha..vwi 4 vel United khn penalty an hmuh ka ring ania.. hehe.GGMU
Va ngaihnawm em! Hei hi alawm ZoFooty writer-te danglamna – tan te chak vanga danglam ve hluai lo hi! Ramenga, i post tha chiang e. 😀
Thlir dan a va zero ve..@hmatea..ka demlo a che..hehe.. Welbeck leh Sturridge a tha sawt khawp mai. Hernandez pawn a positioning thatzia a la pho lang e.. Keeper ten an that zia an pho lang dun e..
Chelsea cu anva khawngaithlak ve,top4 team poh an ni pha tawh dwnlo ni hi
Chelsea cu an hna ngai draw bok maw,an vannei thei khop mai
In draw tur in k duh a an indraw ta nge2 refree :howard kha t tha khop mai manUIH fans ani bk a a draw tr kha a awm lo hran lo k t ve mai2;P^cHhesi an khangaih thlk ve deuh hlek;hahah
@hmatea- hrelo ve chiang, Utd fans ruhkawl ani hi.
Post tha in chiar anuam ngei mai, inkhel ka en lo a… Mase result a tang hi chuan inkhel hmu nuam tak tur chu ava ni em. Utd hi penalty vangin a thina tura pawh hian anla dam tawk2 chu ani hi.
@hmatea : ManUTd fans alawm anih 🙂 post tha hle mai. En ve a chakawm khawp mai, en va thei ta lova. hmuhnawm hmel rem2 hle mai..
Chhelsea khan min draw ve hram! 😀
I post dan atangin Chelsea fan i ni tih a va langchiang em….:-)
Red Devils kan ni miau a…hehe
Min hamtla thak alwm le kha referee phiangsen khan…penalty pwh kha pet a tum a, Uihnited hovin anlo dag hram2 an ti