Chelsea boss Andre Villas Boas chuan Manchester United 3-3 a an draw pui hnuah Premier league title chu an tana ban phak anih tawh loh thu a sawi a. Mahse a sang pali zingah erawh awm ve ngei a tum thu a sawichhuak ta.

AVB chuan “Competition thenkhatah kan ṭha viau a, competition ṭhenkhatah erawh chuan kan ṭhattawklohna te siamṭha chung zel a asang pali zingah tal kan dinhmun kan sawhngheh angai dawn a. He kan thuthlukna hi hetiang ang club lian leh ṭha ve riang ruang tan chuan thil chhuanawm tak erawh a ni lo” a ti.

Roman Abramovich chuan chelsea training ground-ah an training lai a tlawh a, hei hian a hna a tihbuai loh thu leh, a dinhmunah eng harsatna mah a thlen loh thu sawiin, “Ataka inhmuhna chauh ani a, kan pahnih inkara thil thar rawn thlen tura rawn kal a ni lo a, kan inbia in, thu pawh kan sawi dun reng a ni” a ti bawk.

Chelsea hi tunah hian BPL table ah hian pali na anni mek a, an hnuaiah Newcastle in point khatin an la thlau a, tin an chung chiah ami Spurs ho hi point nga laiin an thlau bawk a. Top 4 spot aṭanga hnawhchhuah thut theih dinhmunah an ding mek a ni.