(pic©epltalk.com)
Coach lailawk Roberto Di Matteo a hnuaia Chelsea harhtharna chan chu la kaltluang zelin, nizana FA Cup final khelah Liverpool hnehin an Champion. Matteo hnuaiah hian Chelsea hi an tluang viau mai a, thenkhatin an vannei ti bawk mahse competition pahnih ah final an lut a. Nizanah pakhatah chuan an champion ta phawt a, ni 19 zanah Champions League final ngei mai an khel dawn bawk ani.
Wembley Stadium a final match hmuhnawm angreng takah hian Ramires leh Drogba goal thun hmangin Chelsea hian 2-1 in Liverpool an hneh a. Ti hian FA Cup a an chawmpion vawi sarihna ngawt ani ta a, kum ruk kalta chhunga FA Cup champion nomawi an chawi vawi li na a ni bawk ani.
First Half
Chelsea hian inkhel tan atangin minute 11 na lekah goal hmahruai an thun nghal a. Ramires chuan Liverpool players ho chesual chu hremin Juan Mata ball pek tha tak chu goal ah a chantir ani. Liverpool hian Bellamy hmangin an chhanglet nghal tep a, mahse Ivanovic chuan a lo block hman tlat. Chelsea bawk hian nawr lehin Kalou chuan tha zet maiin Liverpool mual lamah bawll a la lut a, mahse Daniel Agger-an a lo chhuhsak thei hram ani.
Second Half
Chelsea coah hian hmanni maia hattrick siamtu Torres chu bench ah thut tirin Drogba a luh tir a. Hei hi a lo awm lo hran lo. Minte 52 na ah Lampard chuan ball pe in Drogba hian Liverpool defenders karah Reina man phak lohin a pet goal ani. Tihian Drogba hian FA Cup Final match li a khelh tawh ah goal a la thun ta vek anih chu.
Mahse mintue 12 hnu ah Liverpool hian beiseina thar an rawn nei ve leh ta. £35 million substitue, Andy Carrol chuan chiang mangkhengin Chelsea captain John Terry a dan rual lohin a pet goal ve leh a. Hei hian Liverpool game a rawn tinung thar hle a, Chelsea an bet tan. Tichuan le minute 82-na ah Carrol bawk chuan a lu hmangin a rawn thun! Mahse a lo goal tlat lo! Cech chuan rang mangkhenga lo beng chhuak leh hmanin ball chuan goal line a lo pel fel hmanlo tlat mai a, Liverpool players ten tan khawh teh mahse Refferee leh Asst Refferree te chuan a goal lo tih an pawm tlat. Liverpool hian nawr zui viau mahse Chelsea hian Barcelona laka an defend ang maia tangin an goal an venghim tluan thei ta ani.
Chelsea: Season tawp lam anih meuh chuan Chelsea fans te an hlim tan ta hle mai a, May ni 19 ah Champions League Final an la khel dawn a, an la champion ngai lohna a ni bawk a, an tang hle ang le. Coah tha-Coah ni si lo Matteo hian Mourinho, Hiddink leh Grant te tih theiloh hi a ti thei angem le?
Tin, Chelsea leh Liverpool hi tunkar lo awm tur May ni 9 mai khian an in tum leh dawn bawk a. Liverpool hian phuba an lak theih kan ring em?
cialis on line
is cialis generic
generic cialis online
price of cialis
viagra vs levitra
Buy viagra low price
ANdy Caroll kha rawn che pui rem rem khawp mai. ka prediction a duh lutuk tlat.. 2-1 ka tia 🙂 Champions league chu an champion ka ring tawh lo . hehe Good post
Pwlte championa comment ve loh cu a..
35 Million Substitute Carroll leh 50 Million Susbtitute Torres te chu a tir atangin an lut lo ni maw.
Carrol kha a tir atangin lut se liverpool kha an chak zawk mai thei a ni.
Kumin atan Lallukhum pakhat kan dawng ta phawt a, a vawihnihna tur chu May 19 zanah a ni thung ang.
Chelsea tan game pawimawh tak a ni. UCL atan boruak a keng fe mai thei! FA champion ka lawmpui a, UCL chawi leh turin duhsakna ka hlan bawk e.
Champion nih hi a nuam ngei mai. Carrol kha a kheltha hle mai a,a lu kha a hlauhawm thei khawp mai. Nizanah kha chuan,a kheltha ber ka ti ve tlat.
Final-a a chak loh zawka tan hi chu a na ve duh ang reng…, nilengin kan ngui bur mai a lawm le. Mahse chak chang leh chak loh chang hi a awm ve a. Season tharah ropui zawkin kan rawn let leh ang. Kan Carroll pawh a rawn comeback chho ve zel a, lawmna tur chu ka hmu tho mai. Chelsea ka lawmpui e.
Torres a khel tir lo kha chu ka ui pui khawp mai. Champion an lawm lai pawh khan hmuh tur a vang khawp mai.
Lal Drog-a bwk aturu lh e,Liv goal chhuah 2 kha cu FA Cup final thleg thei ve meuh tan cuan dan theih wmtak te ka tiaaa