Champions League winner Drogba hian tunkar chhung khan sawmna tam tak a dawnte chu a ngaihtuah vang vang hnuin a khelhpui ṭhin Nicolas Anelka-a khelhna club a zawm dawn ta a ni. Kum 34 a upa hian kum hnih leh a chanve chhung contract a ziak a, Shanghai Shenhua-ah hian a khelh chhung zawng hian £25 Mtd. vel a hlawh dawn a ni.
Drogba chuan hmachhawp thar leh chona thar hmachhawn hi ka chak a, hnamdang kal dan(culture) han tem chhin te hi ka chak ṭhin a, tunah phei hi chuan Chinese Super League hian hmasawnna nasa tak a nei mek a, hei hian min ti phur lehzual a ni a ti a, nikuma kan team(Chelsea) in China kan tlawh ṭum khan keimahni ṭantu tam tak ka tawng a, tunah hian China ram football khawvelin an hriat theihna tura tihhmasawnna lamah tha ka thawh ve theih ka duh hle a, hei hian China leh Africa ramte inkungkaihna a tih ṭhat ngei ka duh hle bawk a ni, a ti.
Shanghai Club CHief Investor Zhu Jun chuan Drogba an nei thei tur chu a phur hle a, Didier-a hi hun rei tawh tak aṭang khan lakluh kan lo duh tawh a, tunah a tak ram kan thlen theih tak avangin kan lawm hle a, player ṭha tak a ni a, football a khelh chhung zawngin chawimawina mimal leh club angin tam tak a lo dawng tawh a, a tawnhriat zawng zawng leh a thiam thilte avangin kan team hi a ti chak ngei dawn a, Shanghai khawpui hi khawvela huhang ngah berte zing ami a ni a, Didier-a hi kan lo lawm hle dawn a ni, a ti bawk.
Argentina coach hlui leh tuna Shenhua enkawltu coach Sergio Batista chuan Drogba an lei thar chu lawmawm a tih thu leh club in player ṭha leinana sum a ui lo chu lawmawm a tih thu a sawi bakah Drogba chu player ṭha tak a nih thu te, a thiamthil chungnung tak leh tawnhriat ngah tak mi a nih vangin an inkhelnaah a team mate-te a chawkphur dawn hle a ni a ti bawk a ni.
Season khat vel chu top levelah ala khelh theih viau ka ring asin le, thalo mahse a that ve thin tehreng nen…
Ṭawngkam mawi lo ni lo se, Drogba hi hmelṭha ve deuh se chuan Chelsea-ah hian a la awm ka ring. A hmel hi a ‘sellable’ lo ve reuh lutuk a, Ronaldo emaw, Kaka te ang vel tal hi chu nise hei aiin a lar daih ang mawle.
Engpawhnise, China-ah hlawhtlig takin khel se, pawisa han hlawh ṭeuh rawh se. A phû thlawt.
Chinese ho hmaah a han liam puat puat anga nimai lawm 🙂 Good post
Chelsea fans in Drogba an hriat rengna tur pakhat chu a ni tluka Wembley a goal khung thei tur player an awm tawh lo tur hi a ni. hehe.. Wembley hi a hmang thiam ve thlawt a ni. Duhsakna ka hlan e. A va’n ngaihawm dawn ve..
A awm ve tho mai ni e.
Sum tamna lam a pan ta nge2 nih khi….
Ka van ui tak em aw….! Kan hmuh phakloh ah a bopil dawn ta si a, kan club tan a atha leh zung a sena te kan hrereng tawh ang. Tha tak a khel zel turin duhsakna ka hlan e.