Chelsea in Man Utd an um zel!!! Torres an a pet goal ve ta!!!

Stamford Bridge ah Chelsea in Mikhual West Ham chu Frank Lampard, Torres leh Florent Malouda te thun hmangin 3-0 in an lo hneh a. Season tir a an chetthat kha season tawp lamah an rawn chhunzawm leh ta chiah a, Champion beisei na pawh an nei thar leh ta a ni.

Inkhel chu le!!!
Chelsea in Man Utd nena an inthlauhna 6 points ni leh turin chak ngei ngei an mamawh a, chutihlaiin West Ham in Relegation chhuahsan turin point an hmuh ngei ngei a ngai bawk.

West Ham in ball an khawih hmasa zawk mahse chance nei hmasa zawk chu Chelsea anni tlat, Drogba flick mawi tak chu Malouda chuan goal ah lo pet a, mahse Green-a’n a do dang tlat mai. A khawi lam ve ve pawn chance tha tak tak nei mahse an petgoal thei tlat lo, West Ham lamin Football Writers’ Player of the Year a an thlan hlim Scott Parker a tello an tuar a tih theih a, chutihrualin Chelsea tan Alex leh Ramires te an khel thei se chuan an defence chu a phui zawk ngei ang.

First half ah hun tam zawk West Ham lamah ball awm mahse Avram Grant team hian an game plan ang thlap a khelin an counter attack a hlauawm thei hle a, Demba Ba’s shot te leh Jonathan Spector a head goal loh te chu an ui ve khawp ang. Mahse team tha zawk leh players quality tha zawk a lang a, Ashley Cole a pass tha tak chu Lampard an an thiam zia lantirnan a lo hmangin Chelsea chu first half ah goal khatin hma an hruai tir a.

Second half ah team hnih ten attacking football an khel chhunzawm zel a. Brazilian defender David Luiz a shot crossbar per a, defender shot atan chuan a pui tak a ni. West Ham in chance tha tak tak nei bawk mahse Ba leh Keane ten engmahlo maiah an chantir a. Huntawp dawnah 50 million pound striker minute 734 chhung goal thun tawh lo Torres an a man a phu zia a rawn tilang a. Hun pek belah Malouda in rawn petgoal lehin Chelsea chu 3-0 in an chak ta a ni.

Engnge an sawi???
Ancelotti chuan “Torres leh a petgoal hun lo nghak char char tu te tan hun pawimawh tak a ni. Hun ropui tak a ni a, tunah chuan a hmalam hun pawh a eng tawh hle a ni. Harsatna ber chu team tharah a rawn kal a, team-mates te nena inzawmna a tha tawk lova, mahse hun thalo hi a ral tawh a ni” tiin Torres a goal score pawimawh zia a sawi a, chumi piahlamah he goal vang hian inkhel leh turah pawh a khelh that phah zawt a beisei bawk.

Goal thuntu Torres pawh a lawm khawp mai,” He hun a thlen ka rinna chu a rei tawh a, mahse January emaw February a team thar zawm hi thil awlsam a ni lova. Ka thawkrim a, tuna ka petgoal naah hian ka teammate zawng zawng te chungah lawmthu ka sawi duh a. Tunah chuan ka chungah pressure a tlem tawh anga, nuamsa takin ka khel thei tawh dawn a ni” tiin goal a thun belh zel a inring khawp mai.

Torres a goal thun hi Man Utd, Arsenal fans te tan chuan thil hriat nuamlo tak a ni maithei. chutihrualin Ancelotti pawn first eleven thlan chungchangah harsatna a nei belh leh ta. Mahse hetiang harsatna hi chu a tha lam a ni a, coach dang te pawn hetiang harasatna neih hi chu an hreh lo khawp ang le.

You May Also Like

More From Author

3Comments

Add yours

+ Leave a Comment

Chelsea in Man Utd an um zel!!! Torres an a pet goal ve ta!!!

Stamford Bridge ah Chelsea in Mikhual West Ham chu Frank Lampard, Torres leh Florent Malouda te thun hmangin 3-0 in an lo hneh a. Season tir a an chetthat kha season tawp lamah an rawn chhunzawm leh ta chiah a, Champion beisei na pawh an nei thar leh ta a ni.

Inkhel chu le!!!
Chelsea in Man Utd nena an inthlauhna 6 points ni leh turin chak ngei ngei an mamawh a, chutihlaiin West Ham in Relegation chhuahsan turin point an hmuh ngei ngei a ngai bawk.

West Ham in ball an khawih hmasa zawk mahse chance nei hmasa zawk chu Chelsea anni tlat, Drogba flick mawi tak chu Malouda chuan goal ah lo pet a, mahse Green-a’n a do dang tlat mai. A khawi lam ve ve pawn chance tha tak tak nei mahse an petgoal thei tlat lo, West Ham lamin Football Writers’ Player of the Year a an thlan hlim Scott Parker a tello an tuar a tih theih a, chutihrualin Chelsea tan Alex leh Ramires te an khel thei se chuan an defence chu a phui zawk ngei ang.

First half ah hun tam zawk West Ham lamah ball awm mahse Avram Grant team hian an game plan ang thlap a khelin an counter attack a hlauawm thei hle a, Demba Ba’s shot te leh Jonathan Spector a head goal loh te chu an ui ve khawp ang. Mahse team tha zawk leh players quality tha zawk a lang a, Ashley Cole a pass tha tak chu Lampard an an thiam zia lantirnan a lo hmangin Chelsea chu first half ah goal khatin hma an hruai tir a.

Second half ah team hnih ten attacking football an khel chhunzawm zel a. Brazilian defender David Luiz a shot crossbar per a, defender shot atan chuan a pui tak a ni. West Ham in chance tha tak tak nei bawk mahse Ba leh Keane ten engmahlo maiah an chantir a. Huntawp dawnah 50 million pound striker minute 734 chhung goal thun tawh lo Torres an a man a phu zia a rawn tilang a. Hun pek belah Malouda in rawn petgoal lehin Chelsea chu 3-0 in an chak ta a ni.

Engnge an sawi???
Ancelotti chuan “Torres leh a petgoal hun lo nghak char char tu te tan hun pawimawh tak a ni. Hun ropui tak a ni a, tunah chuan a hmalam hun pawh a eng tawh hle a ni. Harsatna ber chu team tharah a rawn kal a, team-mates te nena inzawmna a tha tawk lova, mahse hun thalo hi a ral tawh a ni” tiin Torres a goal score pawimawh zia a sawi a, chumi piahlamah he goal vang hian inkhel leh turah pawh a khelh that phah zawt a beisei bawk.

Goal thuntu Torres pawh a lawm khawp mai,” He hun a thlen ka rinna chu a rei tawh a, mahse January emaw February a team thar zawm hi thil awlsam a ni lova. Ka thawkrim a, tuna ka petgoal naah hian ka teammate zawng zawng te chungah lawmthu ka sawi duh a. Tunah chuan ka chungah pressure a tlem tawh anga, nuamsa takin ka khel thei tawh dawn a ni” tiin goal a thun belh zel a inring khawp mai.

Torres a goal thun hi Man Utd, Arsenal fans te tan chuan thil hriat nuamlo tak a ni maithei. chutihrualin Ancelotti pawn first eleven thlan chungchangah harsatna a nei belh leh ta. Mahse hetiang harsatna hi chu a tha lam a ni a, coach dang te pawn hetiang harasatna neih hi chu an hreh lo khawp ang le.

You May Also Like

More From Author

+ There are no comments

Add yours